NEHEMIA 6:16 - BIBILLYA Mareiyo Meele a Iruva

¹⁶ Vakiduva veru vekiita ando amwi na valya valuringitye valaishi Iruva, woose vakairyaa vakafwa nrima deny, vakamanya ni Iruva muni alelusalallya.

NEHEMIA 6:16 Iomraidhean Croise

NEHEMIA 2:10

Nalyo nndu umwi eevaangwaa Sambalati, Mooroni na nndundi wakwe avaangwaa Tobia, Mwamoni, llya valeeta mbony takwa indo, vakaswa nnu, vai mashika elyi anshanndu ashetanyaa Israeli weeki.

NEHEMIA 4:1

Kyeendi kyeeri Sambalati aleeta sheelyi mmbo lukeetana isimamba yeto, keereve, kasswa, kavavyo deny, kaarara Vayuda.

NEHEMIA 4:7

Kyeendi kyeeri Sambalati na Tobia na Vaarabu maata na Vaamoni na Vasidodi valeeta sheelyi ishora lyeetana-se isimamba wa Yerusalemu mmbo lyikeerundwa kishikishi nato moose wammaa irindwa deny, naasa vakarooywa ni unyafi nnu,

NEHEMIA 6:17

Fyeeri filya vasongoru va Yuda vakeengye Tobia barua shiingyi.

SABURI 109:27

Nawo vakumanyi sheelyi mmbo kukee woko lwakwa, Nndumi Iruva, Nyewe kuletana efyo.

SABURI 126:2

Na kana kyeru kakaishwa seko, Na ulumi lukakaba ukoru neefura. Lyo vandu va masanga valeamba, “Nndumi Iruva mmbo ambatannya finiini.”

SABURI 129:5

Yewo vasuke vawuye numa, Woose yewo vasuuye Sayuni.

SABURI 147:2

Nndumi Iruva mmbwe atiryeu Yerusalemu Koombya vana va Israeli yewo vanyanyakye,

YUUKA 14:25

Katerrwa fireto fya mitika awo, fikafuruka-si, naasa Vamisri vakaamba, “Lurishye Vaisraeli, mashika Nndumi Iruva mmbo akeevakapannya, nalukape yese.”

YEREMIA 33:9

Yerusalemu mmbo kushevaa kimayeny kya ifura na nnduma na wiidimi kwakwa, kutani wo vandu ulaniny vaireya na ireremya-u elyi vashitaa kya findo fisha shatannya vandu vakwa va Yerusalemu na kya iivesyo elyo nshendee muriny.”

MEEKYENA 23:23

ni dede nkwiifoo ntambo kushiidima itannya Yakobo-fo, na vakava vaanga mbashidimaa Israeli-fo, mbony ta Yakobo na Israeli tisheambawaa mbony yeto Iruva aletitana.

Mashora 5:38

Naasany ulaalu mmbo shamuvia, kwiiseny na vandu yeva, vareny vakae, mashika mbony yei ao ishora elyi kwankooya mmbo lyuukye kwa nndu wa vandu mmbo lyishefikaa;

YOSUA 2:11

Kyeeri luleita indo mirima yeeru ikeeka sha muya, ukaari lweru loose lukasia kimaruma kyaany, mashika Nndumi Iruva, Iruva waany mmbwe Iruva wa iruveu na kunu ulaniny.

YOSUA 2:9

kavavia, “Yeny mmbo shiishi deny Nndumi Iruva mmbo alemuniinga uruka yelu, neese mmbo lutirwa mmbweerei uniini nnu, na vandu woose va uruka yelu mmbo vakesavaa nnu kimaruma kyany.

YOSUA 5:1

Naasa kyeeri vamangyi va Vaamori yewo vekee kwakulya ya Yordan taari ya nkwaany, na vamangyi va Vakanaani valya vakee kufii na yeeve, llya valeeta shaasa Nndumi Iruva aleumisa mura wa Yordan, yoo mbee ya vana va Israeli kutani vamaa iruuka, mirima yaawo mmbo ileeka sha muya, finya yaawo ikaeleleka deny, elyi vakusaraa kyaa vana va Israeli.