NEHEMIA 6:13 - BIBILLYA Mareiyo Meele a Iruva

¹³ Mmbo alerumwa-da nashesheerese, naambo shilyamare, naambo valyamare irina lyakwe.

NEHEMIA 6:13 Iomraidhean Croise

NEHEMIA 6:12

Naasa shamanya nshi nkisuku wa Iruva yeto-fo, mmbo alekurerya kyesheerese. Ni Tobia na Sambalati tishi valembika naambe indo.

NEHEMIA 6:6

Nayo mmbo ikeeshireiye indi, “Mmbo kiishiwa ulaniny koose, nawe Geshemu niindo-da aveishi, sheelyi yewe na Vayuda mmbo mukundye ilema ushilyi lwiiyoo, nkyo kilemweengye mukatana isimamba yeto, naambo kuvashillye yewe, niindo kiishiwa.

FYAASO 22:1

Ni kyeni iva na ngaa shisha ngota masaa meengyi.

FYAASO 29:5

Mwilelemba nndu wakwe wa nnyanu, Mmbo akeedesya nreiyo ushembwaraa we muni.

MWIILOSHA 7:1

Ngaa shisha ya nndu, mmbo yiilannyi, mafura afwaamaa nisha a wuuru Ni kyeni nkonu wa ifwa ngota nkonu wa iwonika.

ISAYA 51:7

Shaarannyi, yeni mwiishi usumanu, yeni vandu mutiri mavavaso akwa miriminy yaany; mulairee fyararo fya vandu, nta mulasavae kimaruma kya fiila fyawo.

ISAYA 57:11

A lyo mmbi kulemwereya na inreremya kutani kushaamba wongo, nta kuleshikummbwa yeny-fo, nta ivika findo efyo nriminy-fo? A! Yeny nshileora urilalyi lwakwa kwa fyeeri fyaasha, nta nkuleshereya-fo?

YEREMIA 1:17

Indi ulaalu, yewe Yeremia kudeesye kwipoo kwandevavia wo kindo shakuruma. Nta kulavaireye-fo shilasheekwallwa irosho mbee yawo.

YEREMIA 18:18

Llyo vaamba, “Oshony lulye kyama kya Yeremia, mashika llusheuwaa nkoani wa ilulosha-fo, nta nndu nrango, nta nkisuku wa irero-fo. Oshony llukape na ngyulumi nta lulakwise kya marero akwe-fo.”

YEREMIA 20:10

Mashika mmbo shiitye kyiviriviri. Weeresi llukee taari toose! “Llyingyeny! Ndifony llullyingye!” Ni indo vambuya vakwa woose vakeeyaamba, veevereyaa iwa lyakwa. “Kulakooye alembika lullyimbe na intaiyya kyiduva kyeru.”

ESEKIELI 2:6

Kya indi, yewe mwana wa nndu, kulavaereye nta kulasheyereya marero awo-fo. Naakwa kwaringitywa miinga, na kwakaya nguluva, kulaereye marero awo nta kulasheyereswa ni miso awo-fo. Mashika yewo ni vandu valyang'a.

Matayo 10:28

Na yewo vewaa mwiili yeto wa nndu nta valashiidimaa iwaa nrima yeto nta mulavairyae! Kilanya mmbo mushiiryaa yeto aidima ireta nrima na mwiili fi fivii firekye yefo murony wa Gehena.

Matayo 22:15

Nalyo Vafarisayo vakanderuvya shila, vandereiya Yesu na marero.

Matayo 26:59

Naasa, vakohani valya vaniini vasasangyi na ikwaanu lilya iniini lya masiingo a uruka, vakava varuuyaa ukureekyi lwa wongo naambo vakooye iwaa Yesu,

Mashora 6:13

Vakasaleesa vakureeki va wongo vakaamba, “Nndu yeu nnyakeera nalaarara ando yaa eele na uvavaso-fo;

2 Vakorinto 11:12

Lyo mmbo ntanaa ekyo nkeetana, naambo shiwaani neewo vakeeruya mwaanya naambo vauture, naambo kya irero elyo vakeekurosa nalyo valollywa mmbo vakee kimwi neese-da.

1 Timoteo 5:14

Kyasiany mmbo shaamba vaka yewo va ding'u valandenkwa, vaorwa vaire vana, vaidimi ikallya kyeny kwawo, naambo valasheelekeiya nkiduva yeto mwaanya wa ivautya kiteve.

2 Timoteo 1:7

Mashika Iruva nnyaleluniinga nrima wa weerei-fo, mmbo aleluniinga nrima wa ukaari na wa ikunda ukaveva wa mwiiyanu.

Tito 2:8

Kuvetira na marero atiri muu nalavaa yuutyo uvingo, naambo yewo velema efyo vakooye isuka kyeeri vakooyaa valatiri kikasha kyeerera uwe yeeru.

Yakobo 4:17

Kyasiany yeto eeshi kyisha kyeetana nawe kara nalakitana, kwakwe yeto ni ulyamari.

Usukuyony 21:8

Lyo yewo veerei na yewo valairikye, newo veende unyafi, na veewaa, na vasavi, na vatuusi, na veindya maruva a wongo, na vaongo woose, waavi lwawo ni kulya iruveny llya lya muro wa kibiriti. Yelu llo ufu lwa kavii.”