NEHEMIA 4:7 - BIBILLYA Mareiyo Meele a Iruva

⁷ Kyeendi kyeeri Sambalati na Tobia na Vaarabu maata na Vaamoni na Vasidodi valeeta sheelyi ishora lyeetana-se isimamba wa Yerusalemu mmbo lyikeerundwa kishikishi nato moose wammaa irindwa deny, naasa vakarooywa ni unyafi nnu,

NEHEMIA 4:7 Iomraidhean Croise

Mapookyony 3:15

Neeny nshevikaa kiduva kyafo na kya nka eto Na nnang'ani ya ufyari lwafo na lwa nka, Ufyari lwakwe lushekupeetaa nrwe, Neewe kushemwaasa tutun.”

2 VAMANGYI 24:2

Nawe Nndumi Iruva kavika matorito uwe yakwe vekee ni Vakaldayo, Vashami, Vamoabu, na vengi wooka kwa vana va Amoni kavaruma indekaba na iwunndwa uruka lwa Yuda, naambo kikooye itanyika ndesa irero lya Nndumi Iruva lyilekooya irerwa ni kana kya vakisuku vakwe.

2 MBONY TA FYEERI 20:1

Kulandere mikonu miingyi, matorito a Moabu na Amoni vakasanga amwi na Vameuni maata vakakapa Yuda.

ESRA 5:8

Mmbo lukundye imanyisya mangyi shaasa lulefika urukeny lwa Yuda, lukaenda efo mmba ya Iruva Nniini ikeeitanwa, na mawe maniini, na masimamba a vayo atiri myaamba ya miri, mashora mmbo akeeirundwa na sina na ikeetanyika kwa usha deny.

NEHEMIA 2:10

Nalyo nndu umwi eevaangwaa Sambalati, Mooroni na nndundi wakwe avaangwaa Tobia, Mwamoni, llya valeeta mbony takwa indo, vakaswa nnu, vai mashika elyi anshanndu ashetanyaa Israeli weeki.

NEHEMIA 2:19

Kyeeri valeeta sheelyi Sambalati Mooroni na Tobia nndundi wakwe, Mwamoni na Geshemu, Mwaarabu, mmbo valeluseka, vakalumina, vakaamba, “Nkyoki eki mukeetana, a mmbo mukundye ilema ivavaso lya mangyi?”

NEHEMIA 4:1

Kyeendi kyeeri Sambalati aleeta sheelyi mmbo lukeetana isimamba yeto, keereve, kasswa, kavavyo deny, kaarara Vayuda.

NEHEMIA 4:6

Nalyo lukeera itana isimamba ulya koose riti, ukafikya nnang'ani yeenda uwe, mmashika elyi vandu valya veetiri nnu nrima weerunda.

NEHEMIA 4:8

vakaumburana veni na veni veeboo fira ishekabana na vandu va Yerusalemu vashelyamarafo

NEHEMIA 6:16

Vakiduva veru vekiita ando amwi na valya valuringitye valaishi Iruva, woose vakairyaa vakafwa nrima deny, vakamanya ni Iruva muni alelusalallya.

YEREMIA 25:20

Na veny woose vakee nnang'ani yaao; vamangyi woose va uruka lwa Usi na vamangyi woose va Vafilisti (Ashikeloni, Gaza, Ekrony na sasari ta Ashdodi);

YEREMIA 41:10

Llyoony Ishmaeli keepoo mifungwa taari toose ta vandu vekee Mispa, vefu va mangyi na vandu verewa Mispa yewo Nebusaradany nniini wa vasikari evarambikkya kwa Gedalia mwana wa Ahikamu. Ishmaeli mwana wa Netania kaweepoo mifungwa, kaala naruuke kwa vana va Amon.

AMOSI 1:13

Nndumi Iruva kaamba, “Kya Amoni iwuiya ulyamari keeengyi nkuti shivakabe. Naambo veengere uruka lwawo mmbo valeshisha vaka vakufingye va Gileadi.

AMOSI 1:8

Na veshillya va miri yaawo nshevauta-fo va Ashadodi na mangyi ya Ashikelon, woko lwakwa mmbo lushekapaa Ekron na ngyeeri ya Vafilisti mmbo ishirumakaa ni Nndumi Iruva aamba.”

AMOSI 3:9

Endevia yewo vakee mmba ta ki-mangyi ta Misri na Ashdodi, “Kusanyiryeu efo fidoorony fya Samaria, mulole uravi na urumato lukeetanyika-fo.”

Mashora 5:33

Naasa vekiita indo kikavakora miriminy yaawo, vakaumburana kyevawaa.

Usukuyony 12:17

Shoka yeyo ikasua nka yeto, ikeenda naambo indekapa fira na vana va nka yeto yewo valesaau, yewo veringa mavavaso a Iruva

1 SAMUELI 11:2

Naasa Nahashi yeto Mwaamoni kavavia, “Mmbo shimuviaa kyeetana, mukammiirikya naasa lwiitani nisha. Wo ndu nailuwa iriso lya woko usha, nayo ive n'teve ya Vaisraeli woose.”