NEHEMIA 2:17 - BIBILLYA Mareiyo Meele a Iruva

¹⁷ Naasa shavia vandu, “Ulaalu mulollye shaasa lukee vafwafwa, na shaasa muri weru wa Yerusalemu ukee sama, na ngiri ta vayo tikee shikore na muro. Kyasia, ulaalu lutane isimamba wa Yerusalemu naambo luleengere iva vandu va yiipalwa.”

NEHEMIA 2:17 Iomraidhean Croise

ESRA 9:9

Mashika yese mmbo lukee ushingeny tupu, lyo Iruva weeru nalalure efo ushingeny lweru-fo, kyeendi kalufitya isarya lyakwe, vamangyi va Uajemi veelollye, naambo luviirwa muu, lushetana mmba ya Iruva, weeru iwundukye kuve ando kweekapa mungo kunu Yuda na Yerusalemu.

NEHEMIA 1:3

Vakashivia, “Valya valekia vakawuya kulya urukeny lweru mmbo vakee ukiveny uniini nnu, nawo mmbo vakeelolwa ngata mmbandu valya vavaringitye, na isimamba wa Yerusalemu mmbo ufikye-fikye wo ando, na ngiri ta vayo mmbo tilekorwa.”

NEHEMIA 2:13

Shasomuka kio shasora ngiri ilya ilollye kulya imungony, shasora shia yeenda kulya kiroriny kya shoka, na ngiri ya mbulula, nafo shalola mimbombo ya Yerusalemu shaasa uwundukye-wundukye na ngiri ta vayo tikakorwa na muro.

NEHEMIA 2:16

Nta vasongoru mmbalemanya kindo shekeetana-fo, nta nshelevia Vayuda nta vakohani-fo ao nta vandu vengi-fo.

NEHEMIA 3:15

Nawe Shalumu wa Koehose kasongosya ngiri ya ngyusoka, nawe ni nshilyi wa muungo wa Mispa, kasaleesa myaango ya vayo na minya na misirya ya vayo na isimamba yeto wa kirori kya Shiloa kufii na nnda wa mangyi, fika alya fitereny fya muri wa Davidi.

SABURI 102:15

Llony vandu va masanga vasheereya irina lya Nndumi Iruva. Na vamangyi woose va ulaniny vereye nng'anu wafo.

SABURI 44:13

Efyo kulelutannya fikalollyo mmbandu. Nawo vakalumina na iluseka.

SABURI 44:14

Lukateendwa ni masanga kyeendwa ni yewe; Vakarunguta mirwe yaawo vakalwiila.

SABURI 79:12

Woi Nndumi Iruva, vataiye vakiduva yewo mfungare ka mfungare, Firumwa valelwaarara vandu ewo va masanga va nnyanuny.

SABURI 79:4

Llammba kindo kya sony kwa masanga a nnyanuny. Vamurasa veru mmbo vakee iluseka na ilutatala.

YEREMIA 24:9

Yeny nshivaallwaa iting'a kwa ngyumangyi toose ta uruka, vaalukekyiipalwa, irero lya ituka, kyiila na kyidengo wo ando shiwoombutyaa.

FIIYO 2:2

Nndumi Iruva mmbo alera isarya lyakwe, kalyamara uruka lwa Yuda Kasambwa uvaare llwa lweeringitye uruka keengye umangyi elo na vashilyi va-vayo usutu.

FIIYO 3:51

Ngoo yakwa yarovyo nnu kyeeri shalola filya filekooya vaka va muri weru.

ESEKIELI 5:14

Yewe muri wa Yerusalemu mmbo shishekwallwa kuve ukiva nnang'ani a masanga akuringitye na vandu woose yewo vasheera kufii na yewe.

MIKA 7:11

Vandu va Yerusalemu, ekyi nkyeeri kyetana-se isimamba lya muri wany. Nayo minyanu yafo ishesemberwa ing'aniswa.

1 SAMUELI 11:2

Naasa Nahashi yeto Mwaamoni kavavia, “Mmbo shimuviaa kyeetana, mukammiirikya naasa lwiitani nisha. Wo ndu nailuwa iriso lya woko usha, nayo ive n'teve ya Vaisraeli woose.”