NEHEMIA 2:14 - BIBILLYA Mareiyo Meele a Iruva

¹⁴ Shookau sheenda alya ngiriny ya ngyusoka, na iruva lya mangyi, lyo nkweeiyo mwaanya wa yiira na nshungu ulya shiusaamye-fo.

NEHEMIA 2:14 Iomraidhean Croise

2 VAMANGYI 18:17

Mangyi ya Ashuru karuma masiingo a vandu vakwe na vaniini vakwe va fira wooka Lakishi kwa mangyi Esekia kulya Yerusalemu amwi na itorito lya fira iniini. Nawo vakasaama vakafika Yerusalemu vakifika kulya vakasha isalala kufii na mfongo wa iruva irwa lya uwe llya lyikee kulya shia shiniini ya yeenda imungony lya Dobi.

2 VAMANGYI 20:20

Mbony toose ta Esekia tilesaa-fo, na widimi lwa mashora moose, na ngata alesongosya kirori kya mura na yeende mura kafita muriny mmbo filakee fireiye yefo kyitabuny kya mikonu kya vamangyi va Yuda?

2 MBONY TA FYEERI 32:30

Ni mangyi Esekia, mmbwe yeto eraya usoka lwa Gihoni, kasuma mfongo, kutani waparikya taari ya kavii ya isimamba lya Yerusalemu. Esekia kavikywa mbora wo kindo eketana.

NEHEMIA 12:37

na alya ngiriny ya usoka, vakeera mbee, vakaronga kulya fitareny fyeeruuka muri wa Davidi, alya isimamba urooye ukairya mmba ya Davidi, fika alya ngiriny ya mura ikee taari ya ngama.

NEHEMIA 3:15

Nawe Shalumu wa Koehose kasongosya ngiri ya ngyusoka, nawe ni nshilyi wa muungo wa Mispa, kasaleesa myaango ya vayo na minya na misirya ya vayo na isimamba yeto wa kirori kya Shiloa kufii na nnda wa mangyi, fika alya fitereny fya muri wa Davidi.

NEHEMIA 3:16

Numa yakwe ni Nehemia mwana wa Asibuki, nshilyi wa kyenga kya muungo wa Betsuri fika alya taari iiduvani na fifu fya vafyari va Davidi, fika alya firoriny filesumwa, kundekooya mmba ya vandu vakaari vakee vasikari.

MWIILOSHA 2:6

Shasuma firori fya mura we nisa neemiisa miri.