NEHEMIA 13:14 - BIBILLYA Mareiyo Meele a Iruva

¹⁴ Kushikumbwe kya efyo woi Iruva wakwa, nta kulashisoke isarya lyafo kya efyo shiletana fya mmba ya Iruva wakwa na uramba lwa vayo.

NEHEMIA 13:14 Iomraidhean Croise

2 VAMANGYI 20:3

“Shakutereva, woi Nndumi Iruva, kukummbwe ulaalu, myeengye yakwa usanguny lwafo na ngata shilerunda kya dede na usumanu yefo mashoreny akwa na yewe kumuni fikakusennya” Esekia kafua nnu nnu.

1 MBONY TA FYEERI 29:3

Na kilanya ya yefyi fyoose shammaa iniingya, mmbo shaniingya-se saabu na fesa, fikee ni masaa akwa shimuni kimaruma kya ikunda iniini lya Mmba yei ya Iruva.

2 MBONY TA FYEERI 24:16

Karikwa fifuny fya kimangyi kulya muriny wa Davidi vakamwindya kimaruma kya mashora mesha, etannya vandu va Israeli, Iruva na mmba ya Iruva

ESRA 7:20

Na kisha kingyi kyoose kyikundika kya mmba ya Iruva waany, kyuutwa efo mbolokony ya mangyi ya kyuunngony ekyo.

ESRA 7:24

Lwavamanyisya-se sheelyi nkivaa ivesa usanu, ukamba ao udedemi kwa nta umwi wa vakohani, Valevi, weembi, vesalala ngiriiny. Varundi va mmba ya mwiindye ao nta varundi vengyi va mmba yei ya Iruva-fo.

ESRA 7:27

Esra kaamba, “Naarafumwa Nndumi Iruva, Iruva wa vandeye veru, yeu alevika kindo sha ekyo efo ngoony ya mangyi, ishopa mmba ya Nndumi Iruva yei ikee Yerusalemu.

NEHEMIA 13:22

Shavavasya Valevi vakwiilyise, vasheringa ngiri toose, naambo sabato yiindyo deny. Shatereva Iruva indi, “Woi Iruva wakwa, kushikumbwe kya efyo neeshilyillya kya isarya lyafo.”

NEHEMIA 13:31

Na firaso fya ngwi fyuuto kyeeri kisumani, ando amwi na fimu fya mbee. Kushikumbwe, woi Iruva wakwa kushitannyi fyeesarya.

NEHEMIA 5:19

Shakutereva woi Iruva wakwa kushikumbwe, kimaruma kya mesha moose yoo shiletanya vandu yeva.

ISAYA 38:3

kaamba, “Woi Nndumi Iruva kummbwa shakutereva, shaasa shileenda mbee yafo na wiindi, shilekwiindya kya dede na nrima moose, shatana mesha mbee ya usangu lwafo.” Esekia kaiya kyuumu.

Vaebrania 6:10

Mashika Iruva nshi nrekwa kutani arekyo mashora any-fo, na ukundi lulya muleora kimaruma kya irina lyakwe, llya mulefurukannya veele, na fika ulaalu ni indo-da mukeetana.

Usukuyony 3:5

Yeto ashevingaa mmbo avikwa indo soori shaa, nta nshisheutaa irina lyakwe efo kyitabuny kya muu-fo na yeny mmbo nshekureekyaa irina lyakwe mbee ya Ndeakwa, na mbee ya vasu vakwe.