NEHEMIA 12:43 - BIBILLYA Mareiyo Meele a Iruva

⁴³ Vandu vakoota firaso fiingi nkonu yeto, vakakyesa, mashika elyi Iruva alevalyimmya nsia nniini indo, vakasanga na vaka na vana vakakyesa. Ifura elyo lya Yerusalemu lyikaitiwa kwaasha nnu.

NEHEMIA 12:43 Iomraidhean Croise

2 MBONY TA FYEERI 20:13

Womi va Yuda woose amwi na vaka vawo na vana vawo, mmbo veselelyi mbee ya Nndumi Iruva.

2 MBONY TA FYEERI 20:27

Naasa Yehoshafati keenda we na itorito lyakwe vakafika Yerusalemu vefuraa kimaruma yelyi Nndumi Iruva alevakapannya.

2 MBONY TA FYEERI 7:10

Nkonu yeto walatya kwikee nkonu wa makumi avii na kararu wa mwiiri wa mfungare Solomon kasama vandu vaende kwawo vetiri nsia na ifura miriminy yaawo, kimaruma kya simbo yei Nndumi Iruva eniinga Davidi, Solomon na vandu vakwe Israeli.

ESRA 3:13

Nta nkilekiva itambashwa neemanya ukoru lwa ifura na kiiyo-fo, mashika elyi woose valeonisa nnu ngyunyanga tawo tikaitiwa kwaasha deny.

NEHEMIA 12:27

Kyeeri isimamba wa Yerusalemu ulesia ukafikya ivikyo mbora, Valevi woose mmbo valevaangwa vashe na Yerusalemu vasange ifura ando amwi na yuuta kyaanu na yiimba, na fiiya fya wo ngata fya yiimba fikabwa, mfinanda, matoasi, fivale.

NEHEMIA 12:42

na Maaseya na Shemaya na Eleasari, na Usi na Yehohanani na Malkiya na Elamu na Ezeri. Veembi mmbo valeimba na unyanga waasha veeteterwaa ni Yesrahia.

YOBU 34:29

Kwakooya Iruva amalallya, mmbi ashiidimaa insakira? Kasuruma kisangu kyakwe mmbi alollyaa,

SABURI 27:6

Na yeny mmbo shivingaa vakiduva vakwa Ewo vashiringitye, shishemba kilewa efo mmba yakwe, Nkapaa weele shirumishe Nndumi Iruva

SABURI 28:7

Nndumi Iruva mmbwe ngao na finya yakwa, Elyi alearannya kyiterewo kyakwa, Mmbwe nrima wakwa ummbikye nsia. Elyi asheekya shasennywa, Neeny ni kuti shimwaani na imwiimbya.

SABURI 9:2

Mmbo nshefura na ikwaarafuma Yewe, Mmbo nshiimba kya iitikisa irina lyafo.

SABURI 92:4

Mashika yewe Nndumi Iruva kuleshifurisa! Nshikapaa ndoro, Kimaruma kya mashora a maako afo.

ISAYA 61:3

ivavasya yewo wakeiya va Sioni, vaniingwa ureto lwa fivaro ando a ifu, mafura a ifura ando a ikapa kiiyo, isarya lya utori ando a irovywa nriminy; vedimi ivaangwa miri ya usumanu ilevakywa ni Nndumi Iruva, naambo naarafumwa.

YEREMIA 31:13

Nawo vana va kyika mmbo vashefuraa na nsia, na womi vakuu na vakoo vasennyo Mmbo nshevaviryaa muu, shaalashe kiiyo kyawo kive nsia, na tingwa tawo tive ikyesa.

YEREMIA 33:11

Fyoorongye fya ifura na nsia wa ngyalyi tisheitiwa-se. Musheita vandu vashimbaa elyi varie firaso fyaawo fya fyaanu mmba yakwa, veshaamba, ‘Aniny Nndumi Iruva muni matorito, kimmba Ndumi Iruva ni nsha nalyo ikunda lyakwa lya llung'anu.’ mmbo nshevikyaa uruka elu mbora lusheva sha llya kipooka. Ni yeny Nndumi Iruva shaamba indo.”

MEEKYENA 10:10

Na elyi nkonu wa ifura na nkonu wa sukukuu tany tikee shivavasye, neelyi lya mwiiri mwiiya, mmbo mushekabyaa firaso fyany fyeemamita maranda, na firaso efyo fya unapwe, five fyeekummbwa mbee ya Iruva waany, yeny mmbwe Nndumi Iruva shikee Iruva waany.”

Matayo 21:15

Naasa vakohani valya vaniini na vaarya va fitabu elyi valollya efyo atana filandelollyo lyingyi, na vana vekapaa ukoru efo mmba ya Iruva vashaambaa, “Hosiana yewe mwana wa Davidi, nalyo vakasswa.”

Matayo 21:9

Na valya vaifo mamwiingyi, valya vaira mbee vakasanga na valya valatya efo numa, vekapa ukoru veshaambaa, “Hosiana yewe kukee mwana wa Davidi! Kundearafumwa yeu asha arumwa ni Nndumi! Hosiana efo kukee uwe ya findo fyoose!”

Yohane 16:22

Na yeni ni kiwo-da, “Kyeeri kya ulaalu mwiifo musokywa mfyoova. Indi nshemulollyaa-se lyingi, na mirima yaany ifure, na nsia yeto wany nkwiifo nndu ashemusokaa-fo.

Vaefeso 5:19

Muumburani na fiimbo fya zaburi na fiimbo fisongosye fya nriminy, mwiishimbaa na ikapya Iruva ukoru efo miriminy yaany,

Yakobo 5:13

Kwakooya nndu waany awa rengeny, natereve Iruva. Kwakooya akyesye nriminy, eembe fiimbo fya yaarafuma.

1 SAMUELI 4:5

Nalyo kyeeri isanduku elyo lyilefitwa alya ulaleny, Israeli woose vakakapa ukoru na finya kutani sumbai yarerema!