NEHEMIA 12:27 - BIBILLYA Mareiyo Meele a Iruva

²⁷ Kyeeri isimamba wa Yerusalemu ulesia ukafikya ivikyo mbora, Valevi woose mmbo valevaangwa vashe na Yerusalemu vasange ifura ando amwi na yuuta kyaanu na yiimba, na fiiya fya wo ngata fya yiimba fikabwa, mfinanda, matoasi, fivale.

NEHEMIA 12:27 Iomraidhean Croise

2 SAMUELI 6:12

Naasa mangyi Davidi kashevio Nndumi Iruva mmbo alevikya mmba ya Obed-edomu mbora ando amwi na findo fyakwe fyoose kimaruma kya elyi isanduku llya lya Nndumi Iruva lyilekaa kwakwe. Davidi keenda koota isanduku llya kulya kwa Obed-edomu eekapaa ukoru, kandelyifita kulya muriny wa Davidi (Yerusalamu).

1 VAMANGYI 8:63

Mangyi kashisha ng'umbe 22, 000 na moonri 120, 000 kyikava kiraso kyawo vaniingya. Nalyo mangyi na vandu vakwe woose vakasamya mmba ya Iruva.

1 MBONY TA FYEERI 13:8

Davidi we na Israeli woose, mbee ya Iruva, kwa finya tawo shoose vakafina na fiimbo na kwa finubi, na kwa finanda na kwa matari na kwa matoasi na kwa tarumbeta,

1 MBONY TA FYEERI 15:12

kavavia, “Yeni ni mirwe ya mmba ta vande va Valevi, kwiilyiseny, yeni na vana va maye vany, naambo mundesaamisa isanduku lya Nndumi Iruva wa israeli mundelyifita ando alya shilemma ideesya.

1 MBONY TA FYEERI 15:16

Nawe Davidi kavavasya vasongoru va Valevi, vasauwe vandu nnang'ani yaawo yeva veeshi yiimba na ikapa nisha mbembe, fivale na findo fingyi naambo vakooye yiimba na ifina.

1 MBONY TA FYEERI 15:28

Naasa Vaisraeli woose vakakuumbya amwi ikurika isanduku lya kyaasa lya Nndumi Iruva fika Yerusalemu ando amwi vefuraa. Vakalyiimya veefinaa na yiimba na unyanga lwa wo ngata. (Barangumu, tarumbeta, matoasi finanda na finubi)

1 MBONY TA FYEERI 15:4

Naasa Davidi kasangirya ando amwi na vana va Aron, na Valevi

1 MBONY TA FYEERI 16:42

Hemani na Yeduthuni mmbo vekevasauwe vesalallya na ikapa mbembe na matowasi kyeeri kyeiimba fiimbo fyeele; vana va Yeduthuni mbo vekee vasauwe veeringa alya mwaangon.

1 MBONY TA FYEERI 16:5

Kasauwa Asafu, nave nsongoru waawo esheekywa ni Sekaria. Yeieli, Shemiramoti, Metitia, Eliabu, Benaya, Obed-edomu na Yehieli, kavasauwa vave vekapa finada na fivale. Asafu kava mwikapa matowasi,

1 MBONY TA FYEERI 23:5

Fiku fiina vandu veringa yefo poo na vandu fiku fiina vengyi, verumisha Nndumi Iruva, vekapa finanda na mbembe, fyoose fikee fideerye kya mashora yoo.

1 MBONY TA FYEERI 26:31

Nnang'ani ya Vaibroni, Yeria mmbwe ekee nshilyi wa ngyufyari toose na mmba tawo toose kwikee mwaaka wa makumi aana wa ushilyi lwa mangyi Davidi, veruuywa vandu vakakooywa vomi vatiri wiidimi uniini kulya Yeseri ya Kilieadi.

2 MBONY TA FYEERI 29:25

Mangyi Esekia kalatya uramba llwa Nndumi Iruva enningya mangyi Davidi shaasa emma iniingya nkisuku Gadina Natani vekee ni vakisuku va mangyi. Nawe kandevika-fo Valevi vetiri matuwasi, finanda amwi na fivale kulya mmba ya Iruva.

2 MBONY TA FYEERI 29:30

Mangyi amwi na vasongoru va uruka woose kavia Valevi veembe fiimbo fya irumisha Nndumi Iruva, filya fyereiywa ni Davidi na nkisuku Asafu. Naasa vandu woose vakeemba vetiri ifura iniini veefiirye-ndi na yiindya Iruva.

2 MBONY TA FYEERI 5:13

Veembi yewo vakaikannywa ni ngyunyanga shisha ta veekapa mbembe, matowasi na fiyya fiingyi fya irumisha Nndumi Iruva fimwiimbya, “Mashika we ni mfoo na isarya lyakwe ni lya llung'anu.”

2 MBONY TA FYEERI 7:6

Vakohani vakasalala kyaanya ando kudesye kwawo kwesalala, nawo Valevi vakasalala vetiri findo fya Nndumi Iruva fyeiimba, filya fyensongosywa ni mangyi Davidi fya kiraso kya nndumi Iruva. Vakamwiimbya, “Kimaruma kya ikunda lyakwe lyilatiri umando,” ni indo mangyi Davidi emmbavia. Vakohani vakakapa mbembe na Vaisraeli woose vakava Vaselelyi.

ESRA 6:16

Nawo vandu va Israeli, vakohani na Valevi amwi na woose valewuya kuuka usamorony vakava na sukukuu ya isamya mmba yei ya Iruva kwa ifura.

NEHEMIA 11:20

Na vaisraeli yewo vengi, vakohani na Valevi vakakaa miriny ya Yuda, wo nndu kwakwe.

NEHEMIA 12:43

Vandu vakoota firaso fiingi nkonu yeto, vakakyesa, mashika elyi Iruva alevalyimmya nsia nniini indo, vakasanga na vaka na vana vakakyesa. Ifura elyo lya Yerusalemu lyikaitiwa kwaasha nnu.

NEHEMIA 8:17

Na vandu woose valya valenkaa ushingeny vakatana matangilo, vakakaa-fo, mashika kyeeri kya Yosua mwana wa Nuni fika ulaalu, vana va Israeli mmbentana matangilo-fo. Vakava na ifura iniini nnu deny.

SABURI 149:3

Vang'anise irina lyakwe veekyesaa, vamwiimbye, vefinaa mbasa na kinanda kya ura.

SABURI 30:1

Shakurumisha yewe Nndumi Iruva, Mashika kuleshikira, Nta nkulelekeya vakiduva vakwa Vashiteende-fo.

NKUMBUYE WA UVAVASO 16:11

neewe mmbo kufuraa na Nndumi Iruva wafo kwiikee na mwana wafo wa kyuumi na wa kyika, na ishinga na kishinga kyaafo, na Llevi wafo, na muny wafo, na mwana wa ngwera, na nka wa ding'u woose yewo kukee nawo, kufure nawo yoo ando Nndumi Iruva, Iruva wafo ashekooraa kusendyeu irina lyakwe.

NKUMBUYE WA UVAVASO 20:5

Na vashilyi vany varere na vandu, vavavie, A ni vi yeto atannyi mmba shiiya nare nalaiterevya Iruva nayaangeeny? Nawuye na numa naambo nalandefiiya firen, na mmba yakwe iipowa ni nndu ungyi.

Vafilipi 4:4

Fureny na Nndumi mikonu myoose, shaamba-se, fureny.

Usukuyony 5:8

Kyeeri aleipoo kyitabu kilya, valya vatiri muu vaana na vamiku valya makumi avii na vaana vakawa si yoo mbee ya Ngurana ya Iruva, wo umwi waawo etiri kivale, na fipete fya saabu fiishwe mafura afwaamaa, nafyo mfyo fiterewo fya veele.