NEHEMIA 10:37 - BIBILLYA Mareiyo Meele a Iruva

³⁷ Na firaso fya nswa, na ndunda ta ngata toose, na mfinyo, na mafura, fyeengyo vakohani efo mmba ya Iruva weeru. Na kyenga kya ikumi kya fimu fya uruka fyeendo kwa Valevi vawarye urukeny koose.

NEHEMIA 10:37 Iomraidhean Croise

2 MBONY TA FYEERI 31:6

Vandu woose valya vekee miriny ya Yuda vakaenngye Nndumi Iruva firaso fyawo fya moonri na ng'umbe na findo fya wo ngata, na findo fingyi vakandefivika wakfu mbee ya Nndumi Iruva.

NEHEMIA 13:10

Na lyingi shashekooya Valevi mmbaleniingwa waavi lwawo shaasa kisumani-fo, Valevi na Veembi vakarafo mashora awo vakeenda wo umwi ireminy lyakwe.

NEHEMIA 13:12

Nalyo Vaisraeli woose vakeende firaso fya fimu, na mfinyo na mafura mmba ya Iruva.

NEHEMIA 13:5

Kadeesyan kirya kiniini kuve ando kweevika nswa na mbani na fiiya fingi, na firaso fya fimu, na mfinyo na mafura, filya fyekeefivavasye finiingyo Valevi na veembi, na veekallya ngiri, amwi na firaso filya fivavasye fya vakohani.

NEHEMIA 13:9

Shavavasya firya fyoose fisangyo. Shaviira-fo fiiya fyoose fya mmba ya Iruva, ando amwi na firaso filyo fya nswa na ubani.

YUUKA 13:12

llyo kushevikkyaa Nndumi Iruva findo fya mbee fiwonkikye fyoose, efyo fya kyuumi fyoose mmbo fishevaa fya Nndumi Iruva.

YUUKA 13:2

“Eremuta vana vavee woose va kyuumi efo kwa vana va Israeli, na uvee lwa findo fyeevikkya fyoose, yefyo mfyakwa.”

Valevi 23:17

Muveuta mikate ivii ive fyenga fya ikumi fivii fya kibaba ive ya nswa nsiise, usongosyo utiri ntarang'o kive kiraso kya mbee kwa Nndumi Iruva.

MALAKI 3:10

Shyeengyeny waavi lwa kyenga kya ikumi kyoose-te, naambo mmba yakwa itire shoonga, musheese nakyo, yeny Nndumi Iruva wa matorito, mulole shanra shilamuruyaa mbora tipusuke tuuka iruveeu kutani muturaa ando kweevika!

MALAKI 3:8

Nkyo dede kivaa nndu neeve waavi lwa Iruva? Yeni mmbo mukeshiivya yeny. Neeni mukawuya yaamba, “A mmbo lwakwiivya inda?” Mmbo mwashiivya firaso na kyenga kya ikumi.

MEEKYENA 18:15

Wo kindo kyafewa kya mbee, mmbo kishuutwa kwa Nndumi Iruva, niindo kwa findo na vandu, m'fyafo, lyo kwakooya ni nndu we kuti na wouwa, na findo efyo fikee fitefusu nafyo da fiwouwa.

MEEKYENA 18:18

Yo nyama ya vayo mmbo ivaa yafo yewe, sha kitari kilya, na kisouwa kya taari ya woko usha.

MEEKYENA 18:21

Na Valevi mmbo shavaniinga firaso fyoose fya kyenga kya ikumi Israeli vaniingyaa ive ding'u yaawo, kimaruma kya urundi lwawo lwa yeema elyo yeele.

Varome 11:16

Na lyingyi kwakooya fimu fyeele, niindo-da na immbumba lyoose; na isinde lyikammba yeele, na maramba nang'u nkiwo-da.

NKUMBUYE WA UVAVASO 14:22

Mulare mulauta firaso fya kyenga kya ikumi-fo kuuta efo fimuny fyafo fyoose-fo, wo mwaaka tana indo.

NKUMBUYE WA UVAVASO 18:4

Fimu fya mbee-kilekwalekwa kya fimu fyafo fyoose na mfinyo wafo, na mafura na mafwaa a mbee a moonri afo, kuutye Nndumi Iruva.

NKUMBUYE WA UVAVASO 26:2

fimu fya mbee kushiilulaa fivike kikabuny kweende na yoo Nndumi Iruva wafo ashekooraa kushesenndyau irina lyakwe.