NEHEMIA 10:33 - BIBILLYA Mareiyo Meele a Iruva

³³ mikate ya ando kweele, na kiraso kya nswa, na kiraso kyeekora na muro, kiraso kya sabato na kya mwiiri mwiiya, na kya sukukuu, na kya findo filya fyeele, na firaso fya ngata shoose fya mmba ya Iruva weeru.

NEHEMIA 10:33 Iomraidhean Croise

2 MBONY TA FYEERI 2:4

Kammbia, Ni kufii shipoke itana mmba ando kweiindya Nndumi Iruva, Iruva wakwa, shisheivauwa, nayo shishevikau ando kweefwallya ubani lutiri nrungo nsha, na andu kwevika mikate ya nndumwa kyeeri kyoose na firaso fyemamitwa, ngama na nkwaany, na mikonu myeele myoose ya Nndumi Iruva, na mikonu ya mapookyony a mwiiri, na mikonu itiri kiimuyo kya yiindya Nndumi-Iruva, Iruva weeru shaasa lyikee ivavaso lya vana va Israeli llung'anu.”

YUUKA 30:16

Neewe mmbo kushewaryaa fesa eto kiraso kya usando uka maakony a vana va Israeli, neetitira tive ta urundi lwa yeema elyo yeele, naambo tive teekummbwa kwa vana va Israeli mbee ya Nndumi Iruva, naambo muvike nsando kimaruma kya mirima yaany.

Vakolosai 2:16

Naasany kulave nndu amuutya uvingo kimaruma kya fyeelya ao fyeena-fo, ao kimaruma kya mikonu miniini ao ilollyo lya mwiiri-fo, ao nta kya sabato-fo;

Vaebrania 10:11

Na wo nkohani mmbo asalalaa wo nkonu navike miindye, neeningya firaso efyo fyeni keengyi, nafyo filashidimaa nta yuuta ulyamari.