NEHEMIA 1:9 - BIBILLYA Mareiyo Meele a Iruva

⁹ Lyo mukanshiwuiya, muvetira mavavaso akwa, vandu yewo vafo naakwa vannyanyaka vakafika fishingony fya ulana, mmbo nshevaumbyaase, shivaviire fika ando yoo shilevasauya vasheindyau irina lyakwa.’

NEHEMIA 1:9 Iomraidhean Croise

1 VAMANGYI 8:48

Kwakooya ni kya dede vakarya efo urukeny elo, vakaalashika na ikutereva veindutye fisangu fyao na efo urukeny elo kuniingye, vakuu veru, kunu muriny yeu kuleusauwa kumuni, na kunu mmba yei yafo yeeterevya shilekutannya,

1 VAMANGYI 9:3

Nndumi Iruva kammbia, “Shammiita kiterewo kyafo. Shavauwa mmba yei kuleshitannya ive ando kwaishiindya llung'anu. Mmbo shiilolaa na iiringa kyeeri kyoose.

1 MBONY TA FYEERI 16:35

Vieny Nndumi-Iruva; lukire, woi Nndumi wa ukiro lweru, kulumbye ando amwi, na iluuta nnang'ani a masanga, luidimi irumisha irina lyafo yeele,

ESRA 6:12

Nawe Iruva yeu alesauwa irina lyakwe lyikaae alya, namamite mangyi moose, ao vandu yewo vashealashaa kindo ekyi, ao ilyamara mmba ya Iruva ikee Yerusalemu. Ni yeny Dario shavika ivavaso. Rundeny na sina shoose.”

SABURI 106:47

Woi Nndumi Iruva, Nndumi weeru kulukyire, Kulusanyirye, kuluute efo kwa vandu va masanga Lwaani irina lyafo yeele, lukapye ndoro nnduma wafo.

SABURI 107:3

Kavaugiria wooka ngyuruka toose, Uka taari ya ngama ya nkwaany, taari ya ndoo na ya sinde.

SABURI 147:2

Nndumi Iruva mmbwe atiryeu Yerusalemu Koombya vana va Israeli yewo vanyanyakye,

ISAYA 11:12

Nawe Nndumi Iruva ashesaamisaa bendera uwe na vandu va masanga woose valollye sheelyi vana va Israeli, valya veenyanyakye ulaniny na yiipalwa, vakeesangirywa amwi wooka taari toose yiinya ta uruka.

ISAYA 27:12

Nkonu yeto kupookya mura wa Efrate kundefika nnyanuny wa Misri, Nndumi Iruva mmbo asangirya vandu vakwe, umwi umwi sha nndu asheela nganu yakwe.

ISAYA 56:8

Iruva we Nndumi Iruva asanyiryaa yewo waleantwa kunu Israeli ni indo aamba, Ando amwi na indo shisanyiryaa na vengyi mmwasi ya yewo wakwe valesanyirywa.

YEREMIA 12:15

Shammaa ivakurrwa, shivalyillye, shivaviire lyingyi wo umwi urukeny lwa ding'u yakwe.

YEREMIA 3:14

“Wuyeny, yeni vana vaturi va kyikusirio, ni Nndumi Iruva aamba. Yeny nshikee nndumi waany; ni Nndumi Iruva aamba; shishemwiipoo, umwi uka muriny na vavii uka mmba imwi, na shishemweende Sioni;

YEREMIA 31:10

Nndumi Iruva aamba indi, “Eni vandu va masanga, aranyiny-te, shirere neeny shuuka kwaasha mbai ya yeeve. Mmbo shilenyanyata vandu vakwa, lyo mmbo nshevaummbyaa, shuuke-fo shivaringe sheelyi mwiisi aringaa ironda lyakwe.

YEREMIA 32:37

Mmbo nshesangiryaa vandu woose shiwoote efo shilevanyanyatya kya unyafi lwakwa. Neeny mmbo nshevaviraa kunu, vashekaa kunu na unapwe.

YEREMIA 6:22

Nndumi Iruva aamba indi, “lola, isanga lyikeesha lyuuka na ndoo, isanga iniini llyikeituta lyuuka uruka lwa kwaasha deny.

ESEKIELI 14:6

“Naasany, via yewo va-mmba ya Israeli sheelyi Nndumi Iruva aamba: Kurieny mwaalashike, mulakane na maruva yoo any a wongo mulakane yefo mitannyiny yaany mikasha myoose.

ESEKIELI 36:24

Mashika mmbo shishemuutaa nnang'ani ya masanga, neeny shishemusangirya shindemuuta yefo ngyurukeny toose, shindemuviira yefo urukeny lwany muveni.

Valevi 26:3

Mukansora mavavaso akwa indo;

SEKARIA 8:7

Ni yeny Nndumi Iruva muni matorito shaamba, “Mmbo shishekira vandu vakwa wooka urukeny lwa taari ya ngama, na wooka urukeny lwa taari ya nkwaany.

Matayo 24:31

Nawe asherumaa vasu vakwe, na mbembe tikapwa na finya. Nawo vandeummbya-u yewo vasauwe vakwe vavaute efo ndumbeny tilya iinya vepookaa marayony yoo a ngina vafite marayony yoo engyi.”

NKUMBUYE WA UVAVASO 12:21

Na yoo Nndumi Iruva, Iruva wafo ashekooraa kweemwiinndya. Kwakooya kukee kwaasha mmbo kusheshishaa ng'umbe ao suva kuuta efo findony fyafo, kulyiiye yoo mmba kwafo, shaasa kwakunda kumuni.

NKUMBUYE WA UVAVASO 12:5

yoo Nndumi Iruva, Iruva waany, ashemooraa nng'u mushesenndyan irina lyakwe, nng'u mushevikyaa miso mundeindyan

NKUMBUYE WA UVAVASO 30:1

Naasa, kyeeri findo efi fishekusheyaa, shaasa inu shavika mbee yafo mbora na kidengo, neewe kushekummbwa efi fyoose efo Nndumi Iruva, Iruva wafo ashekukamaraa,