NEHEMIA 1:7 - BIBILLYA Mareiyo Meele a Iruva

⁷ Mmbo lulekulyamarya keengi nnu deny, nta lulalatye mavavaso afo, na usumanu lwafo, shaasa kulevavasya nsero wafo, Mose.

NEHEMIA 1:7 Iomraidhean Croise

1 VAMANGYI 2:3

Indya mavavaso a Nndumi Iruva, Iruva wafo, kulatye shia takwe, kwiindye na ilatya mavavasoyoo akwe ndesa akee mareiye ni Mose, naambo kukooye ivesyo efo mashoreny afo, na wo kundo kushendaa, na lyingyi

2 MBONY TA FYEERI 25:4

Lyo nnyewaa vana va vandu yewo-fo, kalatya shaasa Nndumi Iruva evavasa Mose: Kyeyaamba, Vandeye mmbashewaawa kimaruma kya vana-fo, nta vana mmbashewaawo kimaruma kya vandeye-fo; wo nndu mmbo ashewaawa kimaruma kya ulyamari lwakwe muni.

2 MBONY TA FYEERI 27:2

Yotamu mmbo evaka ndeye kwa mitannyi yakwe; ikasenya Nndumi Iruva. Indi-lyo nnyaanga mmba ya Iruva-fo. Vandu vakeengera itana fya ulyamari.

ESRA 7:6

Esra alekwiipoo Babilony. Ekee mwarya wa fitabu eeshi mavavaso a Mose alya Nndumi Iruva, Iruva wa Israeli aleniingya. Mangyi kamwiirikya kaaniinga fyoose alentereva, mashika woko lwa Nndumi Iruva, Iruva wakwe mmbo lwenkaaye.

SABURI 106:6

Mmbo lulekullyamarya amwi na vande veru. Lluletana maravi, ee lluletana makasha!

SABURI 89:31

Vakarekkywa mavavasyo akwa Vakara itira mavavasyo akwa,

SABURI 89:32

Llyony shishevakapaa mbiri kya marekyo awo, Na uravi lwawo kwa ngapo.

ISAYA 1:4

Yeni Isanga ilyang'a! Vandu valyamari va ngyeeri ya vandu valyang'a, vana mutanaa makasha! Mulelema Nndumi Iruva waany, mukeenyala yeto Mweele nnu, mukankapa mungo, Nndumi Iruva wa Israeli.

DANIELI 9:11

Israeli woose mmbo valefisha mavavaso afo, neelema yaaranya kilya kulaamba. Mmbo lulekulyamarya, llyo kulelurikya ngapo tilya tikeeshireiye efo mavavasony a nndundi wafo Mose.

DANIELI 9:13

Kwalurikya ngapo yeto shoose, ndesa ikeeshireiye efo Uvavasony lwa Mose. Na kufike ulaalu, woi Nndumi Iruva weeru, nta llwalelanga luuke efo ngyulyamariny teru na itana fya usumanu-fo.

HOSEA 9:9

Vakaora uravi deny kya efyo fyoose vakeetana vakava sha llya vekee kulya Gibea. Iruva mmbo ashekumbwaa ngyulyamari tawo navataiye.

Valevi 27:34

Yaa nng'u mavavasyo, Nndumi Iruva alevavasya Mose kimaruma kya vana va Israeli alya ifumbuny lya Sinai.

SEFANIA 3:7

Kimmbe indo shakusara vandu vakwa mmbo vashitirya vio neesora shia yakwa, nta vare valarekywa kilya vandu vengyi valetannywa. Llya yeni vakatana uravi uniini mwaasi.”

MALAKI 4:4

Ringeny mavavaso alya a Mose we nrumi wakwa yoo shilenrambikya alya ifumbuny neengye vana va Israeli. Nng'u mavavasyo na uvavaso.

NKUMBUYE WA UVAVASO 4:1

Naasa Mose kavia vana va Israeli, Naasan Israeli, arannya nisha mavavaso yaa nkeemulosha ulaalu, naambo muringe, mukeeu kutani mwaanga urukeny yelo Nndumi Iruva akeemuniinga.

NKUMBUYE WA UVAVASO 4:5

Mulollye shaasa shilemulosha mavavaso na wiikimbi shaasa Nndumi Iruva, wakwa aleshoora, naambo mushekaa indo efo urukeny yelo mukeevingya.

NKUMBUYE WA UVAVASO 5:1

Naasa Mose kavaanga Vaisraeli woose kavavia, Nyira Vaisraeli, aranyiny mavavasyo moose na ufundo elu nkemuningya inu na ambo mukuloshe neelatya.

NKUMBUYE WA UVAVASO 6:1

Yaa nng'u mavavasyo na usumanu loose shaasa Nndumi Iruva, Iruva waany aleshivavasya shimuniinge naambo mukooye ilatya indo kulya urukeny elo mukeenda,

Usukuyony 19:2

Kimmba mirumbuye yakwe ni ya dede na ya usumanu, mashika mmbo anrumbuya ntuusi eto nniini ekeekasheesa uruka na utuusi lwakwe, na itaiya samu ya mashinga akwe efo wokony lwakwe.”