MIKA 4:1 - BIBILLYA Mareiyo Meele a Iruva

¹ Mikonuny yeyo ya ifurummya ifumbu lya mmba ya Iruva mmbo lyishelollywa uwe ya engyi moose. Vandu va masanga woose vasheirishya nawo vaambe,

MIKA 4:1 Iomraidhean Croise

Mapookyony 49:1

Yakobo kavaanga vana vakwe, kavavia, “Kusanyiryeny mushe shimuvie findo fikaa fimukooye elyi mikonu yeefurummya.

Mapookyony 49:10

Mbiiri ya umangyi nyisheukaa kwa Yuda-fo, Nta mwiruuya usumanu yoo marendeny akwe-fo, Kutani asheshaa yeto muni ushilyi, Mmbwe masanga moose ashemwiindyaa.

SABURI 110:3

Nkonu kukapaa vakiduva wafo vandu vafo, Mmbashekweekya sha laura elyi ngama, Vasero vafo wooloke wooka efo ifumbuunyeele.

SABURI 22:27

Mmbo masanga moose ankummbwaa Na iwuiya Iruva-mwitorya, Mmba ta masanga moose vashemfirya-ndi.

SABURI 48:1

Nndumi Iruva mmbwe ang'ani, Yeto akwaani yiindyo nnu Efo ifumbuny lyakwe yeele!

SABURI 86:9

Vandu va masanga kulevaumba, mmbo Vashaa ikufiirya-ndi Yewe Nndumi Iruva, Mmbo vashearafumaa irina lyafo.

ISAYA 27:13

Elyi nkonu yeto usheshaa mmbo wombe lushekapwaa lweevaanga vandu woose wooka Ashuru na Misri Vaisraeli woose kundo vakee ushingeny. Mmbo vashaa isheinndya Nndumi Iruva uwe ya ifumbuu yeele kulya Yerusalemu.

ISAYA 43:6

Shivie taari ya ndoo, “Lekeiya” na taari ya sinde, nta kulashifinngyeshia-fo. Endeny vana vakwa uka kwaasha, na sambura takwa masiiyo ya uruka.

ISAYA 49:6

Eeda Nndumi Iruva aamba indi, “Ni kindo kyaangu yewe iva ishinga lyakwa naambo kuinwe ngyufyari ta Yakobo, na ivaviira vandu va Israeli, vasurumi; na kya mmwaasi shishekuutaa kuve sa ya va ulana; kuve nkira wakwa fika ufishony lwa ulana.”

ISAYA 54:2

ng'anisa ando a yeema lyafo ala mikeka yoo ando kukai, kulavaimi engera waasha lwa ngove tafo, omuya firi fya mmba yafo.

ISAYA 56:7

Nawo mmbo shiveende fika ifumbuny lyakwa yeele, na ivaniinga ifura efo mmba yakwa ya iterevya, firaso fyawo fyekora na muro na fyeersya mmbo fishiirikywaa efo meseny akwa; mashika mmba yakwa ivaangwa mmba ya iterevya mmasanga moose.

YEREMIA 16:19

Woi Nndumi Iruva, finya yakwe na turuve yakwa, kyirishony kyakwa kya nkonu wa nkyiva, masanga mmbo akusheyaa ooka taari toose ta uruka veeshaamba: “Vamiku veru mmbatiri ding'u ingyi kuuta-fo wongo-fo, findo fya mwaala filatiri mbusha.

YEREMIA 26:18

“Mikaya Mmorashti nnyeawuya fisuku mikony ya Hesekia mangyi ya Yuda kavia vandu woose va Yuda indi; ‘Nndumi Iruva wa matorito aamba, Sioni mmburemwa sha rema, Yerusalemu mmbushaaluka mbillya ya sama, na ifumbu lya mmba shaasha mbillya.’

YEREMIA 3:17

Elyi kyeeri ekyo kishaa muri wa Yerusalemu mmbo ushevaangwa kitima kya Nndumi Iruva, na masanga moose nashekuumbya-u, usanguny lwa Nndumi Iruva yefo Yerusalemu, mbashekisoraa umbafu lwa mirima yaawo miravi-fo.

YEREMIA 31:12

Mmbo veewuya vishiimba na nsia yoo ifumbuny lya Sioni veefuraa na mbora yakwa mbora ta nswa na mfinyo na mafura. Moonri na ng'umbe Mmbo vavakaa irema lyikee inise nisha, vawoni wo kindo kivating'aa

YEREMIA 48:47

Indi, elyi numa, Moabu ishefwaaywa, kyeeri nkonu yeto ushefikaa ni Nndumi Iruva aamba.” Yaa nng'u umando lwa uvingo lwa Moabu.

ESEKIELI 38:16

neewe kushesaama uwe ya vandu vakwa Israeli sha ifishi lyisikyaa uruka. Kyeeri kyeefurumya, shishekweende kukapani na uruka lwakwa yewe Gogu, naambo masanga akooye ishimanya yeny, kyeeri shisheworaa paa weele lwakwa kwafo mbee ya usangu lwawo.

ESEKIELI 40:2

Ngata shelollya, Iruva mmbo esheende kandeshivika uwe ya ifumbu yaasha nnu alya masasa, mbee yakwa kukava-fo mmba taari ya sinde tikavaka muri.

ESEKIELI 43:12

Elyi llyo ivavaso lya mmba ya Iruva: Uvasha loose yelo luringitye mmba ya Iruva uwe ya ifumbu, ni kuti luve weele deny. Yee, yelyo ni ivavaso lya mmba ya iterevya.”

DANIELI 10:14

Ulaalu mmbo shisheye ikuvia findo fikaa fishe elyi numa. Eti ni mmbony ta mikonu eyo ishekaa ishe.”

DANIELI 2:28

Lyo kwiifo Iruva wa Iruveeu yeto mwisukkwa fyama fyoose. Mmbwe aleora Mangyi Nebukadnesa findo fikaa fishe. Ulaalu mmbo shikutambashuyaa kindo kilya kuloorya kwiilele.

DANIELI 2:35

Fya uteeri, arera, fesa na saabu, fyoose fikasewa fikava kiluulyi, fikavaka nswa mmamiri wa uuru. Naasa uraato lukasha llya-yeni lukavivita-u kiluulyi kilya, nta kulamanyaa kweiyo kindo. Lyo iwe llya lyikang'ana sha ifumbu lyikasikya uruka loose.

DANIELI 2:44

“Kyeeri ekyo kya vamangyi yewo Iruva wa iruveeu mmbo ashevikaa umangyi lulakaa lumande. Nta llukaa luvingwa-fo, mmbo lushemamitaa ngyumangyi yeto tingyi toose, llo lweengere ikaa-u llung'anu.

DANIELI 7:14

We, kaniingywa ushilyi, na itumbe, na umangyi, naambo vandu va masanga moose, na fishomu vanndunndye. Ushilyi lwakwe, ni ushilyi lwa llung'anu, ushilyi lulatiri umando na umangyi lwakwe llukaa lulyamarwa-fo.

DANIELI 7:18

Indi vandu veele va Iruva yeu muni finya shoose mmbo vashewaryaa umangyi yelo vakee nalo llung'anu na llung'anu.

DANIELI 7:22

Fika elyi mmiku ulya va llung'anu na llung'anu esherummbwa mwaandu nkonu yeto wekee n-ndesye wiikifika, veele va Iruva yeto muni finya vakaniingywa umangyi.

DANIELI 7:27

Wiidimi na finya ya ngyumangyi eti ta ulaniny mmbo tisheningywaa vandu va Iruva yeu wa uwe. Ushilyi lwawo lwa kimangyi llushemandaa-fo, Nawo veeshillya va ulana elu mmbo vashevarundyaa na iveendya.”

HOSEA 3:5

Na nkonu usheshaa elyi vashewuiyaa Nndumi Iruva waawo, neeto aukye efo kwa Davidi nave mangyi yaawo. Vairyaa Nndumi Iruva vawaryeny mbora takwe.

MIKA 3:12

Naasany kimaruma kyafo yewe, Sioni mmbo asheremwaa sha sumbai. Yerusalemu ushelyamarwa uve nrapu. Nalyo ifumbu lya mmba ya Iruva lyisheva nsito.

SEKARIA 14:10

Uruka loose mmbo lushevaa urambalalyi kupookya Geba kundefika Rimoni, kulella taari ya sinde ya Yerusalemu. Muri wa Yerusalemu mmbo ukaa yoo ukai, kupookya mwaango nniini wa Benyaminy kundefika mwaango ulya wa kwambee, kundefika mwaango wa ilemmyony (alya ilemyony lya ngiri kufiitani na alya kweekee mwaango wa kasha, kuuka alya urorony lwa Hanareli kundefikya alya vakammya kyaanka kya mangyi).

SEKARIA 2:11

Na nkonu yeto masanga meengyi mmbo asheshaa kwa Nndumi Iruva, nawo vasheva vandu vakwa, na yeny shishekaa nnang'ani yaany, llyo kumanyaa sheelyi ni Nndumi Iruva muni matorito ashiruma kwafo.

SEKARIA 8:3

Yeny mmbo shiwuya muriny wa Sioni shishevikaa marembo akwa yoo Yerusalemu nnang'ani. Yerusalemu mmbo ushevaangwa muri wa usumanu, na ifumbuu lyakwa yeny Nndumi Iruva muni matorito, mmbo ushevaangwa ifumbu Yeele.

MALAKI 1:11

Mashika irina lyakwa mmbo lyikeyiindyo mmasanga moose nkonu piti. Na wo ando kukafumbirwa nrungo nsha na firaso fisennyi, nalyo irina lyakwa lyikavikwa yeele Mmasanga moose. Niindo Nndumi Iruva aamba.

Mashora 2:17

‘Mmbo kyishevaa mikonu yeyo yeefurumya, ni Iruva aamba, mmbo nshepusuyaa vandu woose Mumuyo wakwa, na vana vany va womi na va kyeny, vasheambaa fisuku, na vana vakoo vashelolyaa ngyende, na vamiku vasheoryaa moorya.

Vaebrania 1:2

Matika yaa a ulaalu mmbo arera neese na shia ya Mwana wakwe, yeto alemmbika nave muya ding'u wa fyoose, na kyeendwa mmbwe kaumba ulana loose.

2 Petro 3:3

Mwimanyaa mbele irero lya elyi kya yaamba elyi mikonu ya ifurumya mmbo vasheshaa vandu va kinyala na vetatala, vesoraa lango tawo veni.

Usukuyony 11:15

Nnsu wa mfungare kakapa iranda, kukaitiwa ngyunyanga niini iruveu tishambaa, “Umangyi lwa ulana ulaalu mmbo lwammaa iva umangyi lwa Nndumi weeru llo na lwa Kristo wakwe, nawe mmbo asheshillyaa llung'anu na llung'anu.”

Usukuyony 15:4

Ni vi yeto nalakwindyaa Woi Nndumi na irumisha irina lyafo? Mashika ni yewe kumuni kukee Mweele; mashika masanga moose ashefiryaa ndi mbee yafo, mashika mashora afo a usumanu ammaa yoorwa paa.”

Usukuyony 20:4

Numa shalollya fitima fya itumbe, vakakaau rembo, vakautyo uvingo, na yeny shalollya mimuyo ya valya valerumbuwa mirwe kimaruma kya ukureekyi lwa Yesu, na kimaruma kya irero lya Iruva, na yewo valashiindyaa ifisi llya nta ifwanu lyakwe. Nta valandewarye wende lulya yoo fisanguny fyawo, nta efo maakony awo; nawo vakakaa na muu, vakashillya ando amwi na Kristo ando a myaaka kyiku.