MIKA 3:2 - BIBILLYA Mareiyo Meele a Iruva

² Mmbo musuuye fya usumanu mukakunda efyo fya uravi. Mmbo mwashisha vandu vakwa neelya nyama yaawo mukarau maffwa aruu.

MIKA 3:2 Iomraidhean Croise

1 VAMANGYI 21:20

Ahabu kavia Elia, Ewe! Nkiduva wakwa, kwamanya kindo shakuvia? Kammbia shammamya mashika mmbo kulekukumba naambo kusheshitannya makasha usanguny lwa Nndumi Iruva.

2 MBONY TA FYEERI 19:2

Na mwilollya Yehu mwana wa Hanani, keenda kandaambya mangyi, kammbia, “A mmbo kwiishi ni kindo nisha yeekya valyamari na ikunda valya vasuuye Nndumi Iruva? Findo yefi kuletana fyankweengye nsindara nnang'ani yafo na Nndumi Iruva.

SABURI 15:4

Kakyeemya yewo valyanga, Indi kaindya yewo veereiye Nndumi, Yeto nalashalasha irero lyakwe,

SABURI 53:4

A ndesa yewo vakelyamara mmbo valeeshi? Vakeelya vandu vakwa Sheelyi veefo valyaa mangolo, Valakunndye Nndumi Iruva.

FYAASO 28:4

Vandu veimmbwa mavavaso mmbo vaitikisaa varavi; Indi veevalya na mavavaso mbavakyanaa nawo-fo.

ISAYA 3:15

A mmbo kyaamba-kyi, elyi mwalamya vandu vakwa neevasoka masaa awo, vandu vafwafwa valatiri kindo! Ni yeny Nndumi Iruva wa matorito shamuvesa.”

ISAYA 5:20

Woshiny ni lwawo! Valya vaamba, ukasha ni usha na usha ni ukasha, valya vavika ireema ando a sa na sa ando a ireema valya vavika n-dooko ando a wukyi na wukyi ando a n-dooko.

ISAYA 57:12

Yeny nshaambaa usumanu lwakwa na mashora akwa nnatiri mbusha na yewe-fo.

ESEKIELI 11:7

Kweekyo, yeny Nndumi Iruva shaamba indi: minying'a muwayye na iitula nnang'ani ya vayo ni nteera, na muri yeu ni nungu; yeni ni kuti muutwa nnang'ani ya vayo.

ESEKIELI 22:27

Vasongoru nnang'ani akwe vakavaka mafite a ngoroshony aratwa fyelya; vapusswa samu imamita muu, naambo vakooye-fo mbusha ilakwaani nawo.

ESEKIELI 24:4

vika-fo nyama ta maveto yeti shisha, kisouwa na masingiri; kuishure-fo maffwa atiri nshesha.

ESEKIELI 34:3

Mukalya alya avanndye mukaraa mafwaa a vayo, mukashisha alya avanndye, lyo mmukeiisa moonri-fo.

AMOSI 4:1

Aranyiny irero elyi yeni muvakye ng'umbe ta Bashani, mukee Samaria, mukavanda kimaruma kyeesoka vakiva, mukalammya mwishambaa, endeny endeny luni.

AMOSI 5:15

Sueny uravi, mukunde mesha, musalallye usumanu efo baraseny. Mukantana indo kulakooye Nndumi Iruva ashemulyillyaa yeni musaaye-u.

MIKA 2:8

Nndumi Iruva karouwa kaamba, Mmbo mwawoya vandu vakwa sha vakiduva. Vengyi mmbo vawuya wooka fireny veekusarye kyeny ni ufoo, kyeendi vakakooya nshi indo kyikai-fo.

MIKA 7:2

Kunu urukeny nkusaaye-fo nta nndu umwi wa usumanu-fo nta mwiindya Iruva-fo. Wo nndu mmbo akeruuya mwaanya wa iwaa wo nndu kavikya vamurasa wakwe nreiyo.

MIKA 7:3

Vakava varango deny itana meesi. Vasongoru na veerumbwa myaandu vakakunda ikapwa ng'unde naambo vataniny usumanu. Yeto atiri unyanga mmbwe avaviaa kyeetana ekyo akundye, vakansora.

SEFANIA 3:3

Vaniini vavayo mmbo vavakye miiso tidinaa. Na veerumbwa myaandu vawo vakavaka makite a ngoroshony atirwa nshaa, nalaraa-u nta iffwa kukye.

Luka 19:14

Naasa vandu va uruka llwa lwakwe muni vensuuye. Vakaruma varumi veellatya numa vandeamba, ‘Llukundye kutire umangyi kulwiitorye yese-fo!’

Yohane 18:40

Nalyo vakakapa kyoorongye lyingyi vakaamba, “Nshi yeto-fo, ni Baraba! Nawe Baraba eekee nndu mwaala shia.”

Yohane 7:7

Nta ulana llushiidimaa imusua yeni-fo Mmbo lushisuuye yeny mashika a ukureeki lwakwa shivikye kimaruma kya vayo shaamba, mashora a vayo mmeesi.

Varome 1:32

Nawo vammaa imanya ngapo ya usumanu ya Iruva, kyeyaamba veetana efyo mmbo vasumannyo ni ufu, mmbo vakeetana indo, nta nshi indo-da fo, mmbo vakeeyirikyana na yewo veetana indo.

Varome 12:9

Ukundi lwany lulatire ukunang'ari-fo. Taniny findo fisha mulakani neefyo fikasha.

2 Timoteo 3:3

valakundye va kyeny kwawo, nta valakundye isaryana na vengyi, vakava vevikya ureeree, valasiraa ngoo vakava vanyaasi, nta valalangye ngata shoose ya usha na umamiri.