MIKA 2:1 - BIBILLYA Mareiyo Meele a Iruva

¹ Oshiny lwa yewo valalalaa rony veshokyaa vengyi mitambo. Neelyi kwakya vakavina nnu iinutya kilya valedeesya itana.

MIKA 2:1 Iomraidhean Croise

Mapookyony 31:29

Lyo shitiri wiidimi wokony lwakwa shikuvavise, kya indi Iruva wa ndoo kio ekyi mmbo aleshivia, “Lola, kwiise, kulasheevia Yakobo nta irero lyimwi-fo, lyive isha ao lyive ikasha.

1 VAMANGYI 21:7

Yesebeli eke mmbwe nka wakwe kammbia, ulaalu yewe mmbwe kutiri umangyi lwa Israeli? Kwiipoo kwalya shoonga, kwiite ufoo, yeny shikuniinga nrema ya misabibu ya Naboti Myezreeli.

ESTA 3:8

Llyo Hamani aleenda kavia mangyi Ahasuero, “Mangyi, kwiifo vandu vanyanyakye wo ando kunu urukeny lwafo koose. Na mikaaye yavo mmbo ikee kilasha na mikaaye ya vandu vengyi woose, nta mmbakeesora mavavasyo a mangyi-fo, kweekyo nkivaa mangyi navasisirye indo-fo.”

ESTA 5:14

Naasa nkaakwe we Sereshi kammbia, ando amwi na vambuya vakwe woose, “Usongosyo nri mwaasha wa meta makumi araanu, utiri maako kurere na mangyi ndesi ngama Mordekai nandevanikwau, numa ya vayo llyo kusheendaa sukukuuny yeyo yewe na mangyi kwiitirwa ni nsia.” Kindo ekyi kikasenya Hamani, kandesongosya nri yeto.

ESTA 9:25

Lyo kyeeri mangyi erwaayo mbony yeto, kavavasya sheelyi uriingi elo enkunda lusheye Vayuda lumbuiye we muni sanda na vana vakwe vandevanikwa nrii-u.

YOBU 15:35

Wekurika ulembi na iwona uravi, mirima yawo ialyaa ulembi.

YOBU 24:14

Mwiwaa mmbo akupoo ngama nraasi, Naambo nandewaa ngwera na vaturi, Kio kikamfika ishora lyakwe ni iiva.

SABURI 36:4

Elele mmbo akekusara itana makasha. Wo kindo aketana ni kikasha. Na nalakunndye ilakana na ukasha.

SABURI 36:5

Ewe Nndumi Iruva, Isarya lyafo lyikwaani koose fika iruveeu; Usumanu lwafo mmbo lukwaani fika mafishiny.

SABURI 58:3

Mmbo vekee vakasha kulaore vemmbonika; Vakaamba wongo kupookya mawonikyony awo.

FYAASO 12:2

Nndu nsaari mmbo alillywa ni Nndumi Iruva; Indi nndu atiri makusaro meesi mmbo adengwa ni Iruva.

FYAASO 14:22

Mwidesya maravi dede akee nrekwa! Vedesya itana mesha vo vavikywaa mbora.

FYAASO 3:27

Kulaimi nndu akundye weekyi lwafo ngarami Kwakooya kutiri wiidimi lwa itana indo.

FYAASO 4:16

Vandu varavi mmbalalaa kuloore vatana fya uravi-fo, Mmbalalaa rwe kuloore vatuula nndu-fo.

ISAYA 29:20

Vandu mbafu mmbo vashemamitwaa neewo veinyala Iruva vashesya, neewo vakusarye itana makasha mmbo vasherumatwaa.

ISAYA 3:14

Nndumi Iruva amuvaanga mwaanduny na vasongoru amwi na vashilyi valya veeketetera vandu vakwe naambo akooye ivarumbuya mwaandu, “Ni yeni mulelyamara irema lya misabibu na masaa a vandu vaturi ni yefo mmba kwany akee masangirye.

ISAYA 32:7

Nndu nrung'ani mmbo atanaa fya urung'ani na itana makasha. Kavika kyama kya wongo kyeiima vakyiva usumanu lwawo.

ISAYA 5:8

Woshi lwa yeni mushuura mmba uwe ya mmba, mukatira fyaamba na fyaamba, kutani wo ando kwaishurwa mmba, nta kulawonike ando kwedoshya nni, kwatira yewe kuleefo mwaanya wa nndu ungyi.

ISAYA 59:3

Mashika maako any anreveeswa nsamu, na mini yaany yanreveeswa ni uravi; firomu fyany fyammaamba wongo, ngyulumi tany tanrera ukasha.

YEREMIA 18:18

Llyo vaamba, “Oshony lulye kyama kya Yeremia, mashika llusheuwaa nkoani wa ilulosha-fo, nta nndu nrango, nta nkisuku wa irero-fo. Oshony llukape na ngyulumi nta lulakwise kya marero akwe-fo.”

ESEKIELI 11:2

Nndumi Iruva kashivia, “Yewe mwana wa nndu, yewo mmbo vandu vakasha vakee kunu muriny yeu vafulutaa na yaalasha makusaro a vandu.

ESEKIELI 33:26

Mmbo mukewaa vandu na usu nayaafinya vaka va vandu, ndesa musheniingwaa uruka yelu?

ESEKIELI 38:10

“Nndumi Iruva mmbo aamba indi; Nkonu yeto ukamfika mmbo kushaanga makusaro makasha nriminy mbwafo, neewe kushekusara itana mitanyi mikasha, neewe kwaambe:

ESEKIELI 46:18

Mangyi naleepo kyaamba kya nndu tere-fo. Kyaawu kyoose ekyo aniinga vana vakwe ni kuti kyuuke efo kyaambeny kyakwe muni. Naambo kulasheeva-fo nndu, nta umwi asokwa kyaawu kyakwe.”

MIKA 6:12

Yeni masimba mmbo mwafota vakiva, neeni moose mukava valembi.

NAHUMU 1:11

A kwafo yewe aleukase-fo nndu kavika kyama kya Nndumi Iruva Kavika kyama kya wongo?

SEKARIA 7:10

Kulave-fo nndu awonnya nka wa ding'u, nta mwana wa ngwera, nta nndu mwiny, ao nndu nturi alatiri kindo, kulave-fo nndu atirya mwanamaye nkuushu efo nriminy.

Marko 15:1

Na kyeeri kulekya vakohani vaniini vakasanga na vamiku va vandu na veelosha mavavaso, na ngyama toose vakafisha shila, vakafinga Yesu, vakankamara, vakandenrambikya kulya kwa Pontio Pilato.

Luka 20:19

Nalyo veelosha mavavaso valya vakasanga na vakohani vaniini vakasia mwaanya weentira kyeeri kilya kyeni, vakawuya iiryaa ironda llya lya vandu lyiiyo mashika elyi valemanya mmbo aleera kyaaso kilya kyeevaronga wo.

Yohane 19:11

Yesu kaallwa, “Nkutiri ushilyi neeny kwee kulaore kweeluningyo luuka efo uuwe-fo. Nkyo kyaniinga yeto ashirambikya kunu maakony afo kava mmbo awonisa ulyamari uniini nnu.”

Mashora 23:12

Kyeeri kulekya, Vayuda vakasanga ando amwi, vakalya mboo, “Kyeyaamba mmbalyaa nta ina-fo kutani vawaa Paulo.

Mashora 23:15

Naasa yeni ando amwi na vamiku va ikwaanu vieny nniini wa vasikari namoolote alya si kwany, kive sheelyi mmbo mukunndye imanya mbony takwe nisha mwasi, neese lukudeesye immbwaa nalandefika-u.”

Varome 1:30

vevikya uree-ree, mmbo vasuuye Iruva, vatiri ulyang'a vekushopa, vekung'anisa, vesongosia fya wongo, valashiindyaa vamiku vawo,

NKUMBUYE WA UVAVASO 28:32

Vana vafo va kyuuni na va kika vaniingyo vandu va masanga engyi, nalyo miso afo arumike kwiilangaa ivalollyo, l'yo kulatiri kyeetana.