Marko 9:44 - BIBILLYA Mareiyo Meele a Iruva

⁴⁴ Nafo sava ya vayo ilashefwaa na muro wa vayo ulasherumikaa.]

Kyaasa Kiiya

⁴⁴ Nafo sava ya vayo ilashefwaa na muro wa vayo ulasherumikaa.]

Marko 9:44 Iomraidhean Croise

ISAYA 33:14

Valyamari vakee Sioni mmbo vakeyeereya; yewo valakee iinndya Iruva, mmbo vakererema na yaamba, “Ni-vi ashiidimaa iserikya muro yeu nnyasi? Ni-vi ashiidimaa isisirya fipala-pala fya muro ularumikaa llung'anu?”

ISAYA 66:24

Nawo wasomukaa na poo na ilola, minying'a ya vandu yewo valeshilema; mashika sava yaawo nnyifwaa-fo, nta muro wawo mmburumika-fo; nawo mmbo vavaa nsindara mbee ya vandu woose vakee na muu.

Matayo 25:41

Nalyo asheviaa na yewo va wokony lwakwe umuso naambe, ‘Ukeny yaa shikai mukee vandu vakee vandenge, mundefika efo murony ularumikaa, ulesurummyo Satana na vasu vakwe.

Matayo 25:46

Nawo vasheendaa vandelyiswa ukiva llung'anu, na yewo va usumanu wo vandekaa na muu wa llung'anu.”

Matayo 3:12

Nawe arie nndeeva na woko lwakwe na efo muunguny wakwe asheaiyaa-fo kwiile peru. Na nganu yeto nataallye efo mbesheny yakwe na muulu yeto nandeuvivya murony ularumikaa.”

Marko 9:43

Na kwakooya woko lwafo lushekweenngyee nsindara, lurummbwe! Mmbo kikee kisha kilanya kukooye ikwiirya neefo muuny kukee kisaya, ngeta elyi kwatira maako ai avii kweenda ifika efo Gehena, efo murony ularumikaa. [

Marko 9:45

Na kwakooya urende lwafo lushekweenngyee nsindara, lurummbwe! Mmbo kyikee kisha kilanya kukooye ikwiirya na efo muuny kukee kitongororo, ngeta elyi kwatira marende yoo ai avii kweenda yeerwa efo gehena. [

Marko 9:48

Nafo sava ya wayo ilashefwaa na muro yeto wa vayo ulasherumikaa.

2 Vatesalonike 1:9

vasheorotwaa ni urumato lwa llunganu, irauwa deny vauke kisanguny kya Nndumi na itumbe lya wiidimi lwakwe.

Usukuyony 14:10

yeto nawe mmbo ashenaa mfinyo wa unyafi lwa Iruva ukee nsongosye nta ulakee nsasande na mura, ukee upateny lwa unyafi lwakwe nawe mmbo asheorotwaa ni muro na kibiriti yoo mbee ya vasu veele na mbee ya Ngurana ya Iruva.”

Usukuyony 20:10

Na nkumbi yeto llembi keerwa iruveny lya muro na kibiriti, kundo ifisi llya lyikai ando amwi na nkisuku ulya wa wongo. Nawo mmbo vasheorotwaa kio na nsanyiny llung'anu na llung'anu.

Usukuyony 20:15

Na nndu yeto nalandereiywa efo kyitabuny yekyo kya muu mmbo aleerwa iruveny llya lya muro.

Usukuyony 21:8

Lyo yewo veerei na yewo valairikye, newo veende unyafi, na veewaa, na vasavi, na vatuusi, na veindya maruva a wongo, na vaongo woose, waavi lwawo ni kulya iruveny llya lya muro wa kibiriti. Yelu llo ufu lwa kavii.”