Marko 9:3 - BIBILLYA Mareiyo Meele a Iruva

³ Na soori takwe tikamika tikava shaa pyai. Na kunu urukeny nta kulaifo mwiisangya soori ashiidimaa itiilisa indo-fo.

Kyaasa Kiiya

³ Na soori takwe tikamika tikava shaa pyai. Na kunu urukeny nta kulaifo mwiisangya soori ashiidimaa itiilisa indo-fo.

Marko 9:3 Iomraidhean Croise

SABURI 51:7

Kushisangye na miisi, na yeny shiile peru, Kushisangye na yeny shive mwaa ngota kyaamwi.

SABURI 68:14

Kyeeri Iruva muni finya alevanyanyatya kwaasha Mbyo ikooloka ifumbuu lya Salmoni.

ISAYA 1:18

Nndumi Iruva aamba, “Oshony, lureryani naakwa ulyamari lwafo lwadodora dawa mmbo lushevaa waa pyany sha kyaamwi, naakwa lwadodora mmbo lushefwanaa sha pafta.

DANIELI 7:9

Kyeeri shekelola, firi fya ushilyi fikavikwa ando a-vayo. Nawe ulya alenkaa na muu llung'anu na llung'anu kasha kakaya kiri kyakwe. Soori takwe mmbo teekee shaa pyai, na fii takwe tikavaka “sufu.” Kyiri kyakwe kya umangyi mmbo kyekee sha kipala-pala kya muro, na fireto fya vayo fikee fya muro ukeyaaka.

Matayo 28:3

Na fwana yakwe ikee shaa pyai sha kimwii kya iruveeu na soori yakwe ikamika paa sha laura ya kulya kyaamwi.

Marko 9:4

Nalyo Elia kasha na Mose ishekoora nawe. Vakarera nawe.

Luka 9:29

Nalyo elyi eefo aterevaa, fwana ya kisangu kyakwe ikaalashika na soori takwe tikava shaa pyai timika-mikaa.

Mashora 10:30

Kornelio kaamba, “Mmikonu iraru ileira, saa yei sheni, nnyo saa kyeenda, mmbo shekee kyeny kwakwa shiterevaa, kukava nndu asalala mbee yakwa, aree soori timikaa,

Usukuyony 19:18

Mushelya nteera wa vamangyi, na nteera wa vashilyi va vasikari, na wa vandu vatiri finya, na wa frasi na wa yewo vatisaamyi, na nteera wa vandu woose, wa valeke na wa mashinga vaniini na vadu.

Usukuyony 7:14

Na yeny shammbia, “Woi Nndumi wakwa, ni yewe kwiishi.” Nawe kashivia, “Yewo mmbo valya valemmuuka ngatareny ilya ing'ani, nawo mmbo valensangya soori tawo vakaeelyisa na samu ya Ngurana ya Iruva.

Usukuyony 7:9

Numa ya efyo shalollya ate kwiiyo ironda iniini nnu kulaifo nndu ashiidimaa ilyeekyeena, vandu va wo isanga na wo ufyari na mmba na kishomu, vesalalyi-u mbee ya kitima kilya kya itumbe, na mbee ya Ngurana ya Iruva, veerye soori shaa pyai, varye na maramba a myaangashi maakony awo.