Marko 9:25 - BIBILLYA Mareiyo Meele a Iruva

²⁵ Naasa Yesu kalollya vandu nkuka veefo vasheengeraa irishya-u, nawe kakeemmya mumuyo ulya wa utefusu kauvia, “Yewe mumuyo wa mbimbi kwaveva na mfu maarwi, yeny mmbo shakuvavasaany uka nndu yeu, nta kulakimwaange-se!”

Kyaasa Kiiya

²⁵ Naasa Yesu kalollya vandu nkuka veefo vasheengeraa irishya-u, nawe kakeemmya mumuyo ulya wa utefusu kauvia, “Yewe mumuyo wa mbimbi kwaveva na mfu maarwi, yeny mmbo shakuvavasaany uka nndu yeu, nta kulakimwaange-se!”

Marko 9:25 Iomraidhean Croise

SEKARIA 3:2

Nawe nsu ulya wa Nndumi Iruva kavia satana, Nndumi Iruva akudenge! Nndumi Iruva yeto alesauwa Yerusalemu akudenge! Nndu yeu nshi-mmbo avakye kimwii kilesomutwa murony?

Matayo 12:22

Nalyo keengyo nndu atirwa mmumuyo nkasha, avekee mfu miso, kaveva mbimbi. Nawe kankira. Nndu ulya mbimbi kawuya irera na ilola.

Matayo 17:18

Naasa Yesu kankeemmya, nalyo mumuyo ulya nkasha ukamuuka. Na mwana ulya kashia kipookya sa ilya sheni.

Marko 9:15

Nalyo yeni elyi mamwiingyi ulya wa vandu moose wallollya Yesu, nawo vakamatuka deny. Vakandenrishya, vakamwiidikira.

Marko 9:24

Nalyo yeni ndeye wa mwana ulya kaonisa unyanga, kaamba, “Shikusirye-u-da. Na yoo shalemmywa ikusirya-u kuveshitarama, mbee!”

Marko 9:26

Nato ukansisika kyuumu, ukammbuka. Nawe kava sheelyi amfwa. Valya vaiyo vakaamba, “Ankumba muu.”

Luka 11:14

Nalyo eefo ashantaa mumuyo nkasha, nato ukee mbimbi, na mumuyo ulya nkasha elyi wammbuka naasa nndu ulya kaidima irera. Vandu valya vakuumbye-u vakasongololo.

Luka 4:35

Nalyo Yesu kankyeemya kaamba, “Malallya sau kummbuke!” Nalyo mumuyo ulya nkasha ukantuula si yoo nnang'ani yaawo ukammbuka, nta ulammanyi furu-fo.

Luka 4:41

Naasa veengyi vakookwa ni mimuyo mikasha, ikafua ishaambaa, “Yewe mmbwe Mwana wa Iruva!” Nawe kaikyeemya nta nalailekeye ikarera, kimmba imwiishi we mmbwe Kristo.

Luka 8:29

Nyeli eekundye ivavasya mumuyo ulya nkasha wa utefusu uuke nndu ulya. Mashika uleva mwiintafukya fyeeri fiingyi. Nawe kava mwiifingwa na mise na ikapyo minya eeringwaa indo. Indi filya fyamfinga kava mwiififisha karumbutwa ni mumuyo ulya nkasha ukamfita kundo kulalelwa.

Luka 9:42

Naasa elyi mwana ulya eefoo ashaa nang'u, mumuyo ulya nkasha ukantafukya ukankusha-kusha. Naasa Yesu kakyeemmya mumuyo ulya. Kashiisa mwana ulya kammbiirya ndeye.

Mashora 16:18

Katana indo ando a mikonu miingyi. Indi Paulo kasua, kainduka kavia mumuyo ulya, ‘Shakukyeemmya na irina lya Yesu Kristo, muuke.’ Kamuuka saa ilya sheni.”

Yuda 1:9

Kyaindi Mikaeli, we nsu yeto nniini, llya alewaana na Mmbishwa, na iwakyana nawe kya mwiili wa Mose, nnyaleidima yaamba-u kikasha kyakwe-fo, lyo mmbo aleamba, “Nndumi nakukyeemyi.”