Marko 7:4 - BIBILLYA Mareiyo Meele a Iruva

⁴ Na elyi vashuukaa singireny kulaore vapooka ikusangya mmbeelyaa shoonga-fo. Kukavekaa-fo na findo fingyi-se fiingyi valereeywa fyeeringa, sha mirumwa yeefwallya ngyupata mura na ndima na nungu.

Kyaasa Kiiya

⁴ Na elyi vashuukaa singireny kulaore vapooka ikusangya mmbeelyaa shoonga-fo. Kukavekaa-fo na findo fingyi-se fiingyi valereeywa fyeeringa, sha mirumwa yeefwallya ngyupata mura na ndima na nungu.

Marko 7:4 Iomraidhean Croise

SABURI 26:6

Woi Nndumi Iruva mmbo shasangya maako akwa, Kya yoora sheelyi nshitiri ivara-fo, Shakulunga na valya veanga mwiindyeny, Sharingitya mesa afo.

ISAYA 1:16

Kusangyeny mukakwiilyisa muveni! Lakaneny na efyo fya ulyamari usanguny lwakwa, nta mulatani lyingyi ulyamari.

YEREMIA 35:5

Naasa shadeesya mbata na ndeeva shafiishura mfinyo mbee ya Varekabi, shavavia, “Ngeny mfinyo mwaangu.”

YEREMIA 4:14

Yewe Yerusalemu, sambya uravi lwa nrima wafo naambo kukooye ikyirwa. A ni fika indii kukaa na makusaro afo makasha?

Matayo 23:25

Yeni veelosha mavavaso na Vafarisayo mukee vakunang'ari, oshiny lwany! Mmbo mwasangya kikombe na kideeva kunu kipoo, na efo mmba fikaishwa fya usoki na uraami.

Matayo 23:26

Yewe Mfarisayo mfu miso! Lava mbele isangya kikombe efo kimmba-te, na kunu kipoo kuveva kwaa.

Matayo 27:24

Naasa Pilato kalollya kulaifo kindo kyikyivaa, kyoorongye kilya kyikaenda kyiing'anaa tupu. Kawarya mura kasangya maako yoo kisanguny kya vandu valya vakuummbye-u mamwiingyi. Kaamba, “Loleny yeny nshitiri ukasha na samu ya nndu yeu-fo. Loleny yeni muveni!”

Marko 7:8

“Yeni mmbo mureeye ivavaso lya Iruva mukawuya ikushya ngyufundo yeto ta kivandu.”

Yohane 2:6

Nafo kweiyo nungu irindaru ta mawe tikee shisimbite-u kisumani na mbuka ya Vayuda yeesamba. Nato wo imwi itiri sha lita iyana indi.

Yohane 3:25

Nalyo kukakwiipoo ulai lwa vakiloshyony kya Yohane na nndu Myuda kimaruma kya mbony ta isamba.

Vaebrania 9:10

kyimmba ni uvavaso lwa ngata ya mwiili-da, fyeelya na fyeena neesamba yefyo fyekee fivavasye fika kyeeri kya usongosyo wiiya.

Yakobo 4:8

Serikyeny kufii na Iruva nawe mmbo ashekaa kufii na ini. Maako any nalatani makasha-fo, kimmba mulakee va nrwe umwi.

1 Yohane 1:7

lyo kwakooya lweenda seny, shaasa we Nde akee seny, mmbo lushiitanaa luveni na veni, na samu ya Yesu Mwana wa Iruva mmbo yalusangya ulyamari loose.