Marko 4:19 - BIBILLYA Mareiyo Meele a Iruva

¹⁹ Nalyo ngyusau ta ulana yelu tikaanga-fo na ulembi lweelembwa ni masaa na lango yeto ta findo efyo fiingyi. Nafyo fikasisira irero llya lyilakivike-se kimu.

Kyaasa Kiiya

¹⁹ Nalyo ngyusau ta ulana yelu tikaanga-fo na ulembi lweelembwa ni masaa na lango yeto ta findo efyo fiingyi. Nafyo fikasisira irero llya lyilakivike-se kimu.

Marko 4:19 Iomraidhean Croise

FYAASO 23:4

Kwakooya kukee nndu nsuri, Kulalange nnu iengera masaa-fo?

FYAASO 23:5

Sha ikyafya da masaa mmbo amamikaa, Nnyavee sheelyi amya maaru, Akarumbuka akamaya sha ngoru ng'iniu.

MWIILOSHA 4:8

Mmbo shelollya nndu umwi alatiri mwana nta mwanamaye, lyo mmbo akerunda kio na nsanyiny kuleefo kyiimuyo eeshuumbya filashiishwa alaidimi nta ikuvesa: “A mashora yaa moose mmbovi yeto shikeendunndya? Shilatiri nta mwaanya wefura?” Efyo fyoose ni maariso na mashora eshilyisa ukiva.

ISAYA 5:2

Karema kisha kautokopa koommbyaa mawe moose, Kavaa-fo misabibu ikee misauwe kisha, nnang'ani ya nnda ulya katana-u nganga ya iringa nnda ulya wakwe; uwe ya kidooro kyaasha. Kasuma kirori kyeevekkya mfinyu. Naasa kavereya nsabibu wakwe uvike ndunda. Indi wo nsabibu ukavika ndunda tidooka.

ISAYA 5:4

Shivieny, mmbo kwiifo kindo kulore shiletannya nnda yeu? A kyimaruma nkyokyi ulemi ishivikya misabibu ilya sheevikye nsia lyikasheshivikya misabibu idooka?

Matayo 13:22

Na kya yeto tileerwa efo miingeny, we mmbwe mwiirannya ndera yeyo kandetirwa ni ngyusau ta muu yeu na ilembwa ni masaa, nafyo fikansisira na ndera yeyo ikakaa indo ilavika kimu.

Matayo 19:23

Naasa Yesu kavia valya vakiloshyony kyakwe, “Nkya dede shamuvia, ‘Nndu isimba atiri ngatara nnu yaanga umangyi ny lwa iruveeu.’

Matayo 3:10

Na kyaara mmbo kyammaa ivikwa sindeny ya miri. Naasa wo nri wiiyo ulavikaa ndunda shisha mmbo umanywaa undeerwa murony.

Marko 4:18

Na vengyi ni yewo veere ando a miingeny. Yewo mmbo vandu valearannya irero lya Iruva.

Luka 10:41

Naasa Nndumi kammbia, “Marta, Yewe mmbo kwasaukwa na ikuvinisa na findo fiingyi.

Luka 21:34

“Kya indi kwiiseny muveni, mirima yaany ilakooye irovyo mwiitalauwaa ndeu na inangwa mmbwari na yaafuka kya findo fya muu yeu, na nkonu yeto umuwoye tiny sha nsoori.

Yohane 15:2

Wo iramba lyikulunngye neeny lyikara lyilavika ndunda mmbo alyiammbwaa-fo. Na elyo lyiiyo lyoose lyivikaa ndunda kalyilyisa lyeengere ivika ndunda.

Varome 12:2

Nta mulasore mikaaye ya ulana yelu-fo, mmbo mushaalashikaa mikaaye yaany, mwiimanyaa nkyokyi Iruva akunndye kwany naambo munsenyi neeva vasongovisi.

Vaefeso 2:2

Tilya muleva veetana mwiisoraa mikaaye ya ulana. Mwisoraa mangyi yeyo ya nginiiu-te, mmbwe mumuyo yeto akeerunda mashora a yaallwa vandu filemi.

Vaefeso 6:12

Mashika fira lutiri yekapana nshi ya samu na mwiili-fo, ni fira yekapana na ngyumangyi na finya, na vaniini veshillya efo ireeminy, na ya matorito a mimuyo mikasha ulaniny lwa mumuyo.

Vafilipi 4:6

Mulakwaatare na kindo nta kimwi-fo, lyo wo kindo kimuting'aa mmbo muterevaa Iruva, ando amwi neemwaana, Iruva nakooye imanya yefyo fyamwaanguya.

1 Timoteo 6:17

Yewo vakee masimba yaa ulaniny yelu vavie valakushope-fo, nta valakusirye usimba elo lulakee lwa dede-fo, kyaindi vavike Iruva nsia yeto aluniinga findo fyoose shapu naambo lurunde nafyo neefura.

2 Timoteo 4:10

Mashika Dema mmbo alelakana neeny, kalanga ulana elu, kakwiipoo keenda Tesalonike, na Kreske mmbo aleenda Galatia; na Tito Dalmatia,

2 Petro 1:8

Naasa kwakooya findo fya ngata yeyo fyawalawala efo kwany, mmbo fishemwekyaa mulave varoko ao valavikaa ndunda na yeni mmbo mwiishi Nndumi weeru Yesu.

Yuda 1:12

Vandu yeva mmbo vaeresye nnu mashika elyi mwavika mirumwa yaany misha mmbo vashelyaa na yeni shoongeny, nta kulaore vereiye isanga na yeni. Vakavaka mafishi alatiri mura avivitwaa ni uraato, na miri yammaangara mamburu, ilakivikaa ndunda, yammaa ifwa kavii na iiluwa tushu.