Marko 4:17 - BIBILLYA Mareiyo Meele a Iruva

¹⁷ Nawo nta valasotye miraari efo miriminy yaawo, mmbo vakee vandu va veru-veru. Elyi numa vakalolya kushe fyuure ao irishiswa kimaruma kya irero lya Iruva. Nalyo yeni vakawonisa nsindara.

Kyaasa Kiiya

¹⁷ Nawo nta valasotye miraari efo miriminy yaawo, mmbo vakee vandu va veru-veru. Elyi numa vakalolya kushe fyuure ao irishiswa kimaruma kya irero lya Iruva. Nalyo yeni vakawonisa nsindara.

Marko 4:17 Iomraidhean Croise

YOBU 19:28

“Yeni mushiidimaa ikurerya: Llunsoria ngata kyi? Na mbony toose nkwakwe tikai.

Matayo 11:6

Na ngoma nndu nalautau nsindara yaa kwakwa.”

Matayo 12:31

Kimmba ni indo shamuvia, ‘Kya wo ulyamari lwa nndu na kya wo kyaararo kya nndu mmbo asheonaa ifwaaywa. Indi kya kyaararo kya yaarara Mumuyo Mweele, kyeekyo nnaonaa ifwaayo-fo.’

Matayo 13:21

Na kindo atura ni miraarii. Mmbo akee nndu wa veru-veru. Kwakooya ashaatarwaa ao irishiswa kimaruma kya ndera yeyo, nalyo yeni kauta-u nsindara.

Marko 4:16

Na kya yewo vakee veere ando iwe lyikwaallye si, kyawo ni kiwo: Vakammaa iita irero lya Iruva, nalyo yeni vakalyilumba na nsia.

Marko 4:18

Na vengyi ni yewo veere ando a miingeny. Yewo mmbo vandu valearannya irero lya Iruva.

Luka 12:10

Na wo nndu ashambaa-u kindo kyeelema Mwana yeto wa nndu, mmbo ashekoyaa ifwaaywa. Indi yeto anruma Mumuyo Mweele, we nnyakoyaa-se ifwaaywa-fo.

Yohane 8:31

Naasa karera na Vayuda valya vakusirye nawe kaamba, “Kwakooya mwakaa mukutiri na ndera yakwa llyo-ny mushevaa vakiloshyony vakwa dede deny.

Vagalatia 6:12

Yewo valangye ikushiisa kya findo fya mwiili, mmbo yewo vakee imwiitikya irinwa, naambo valasheesuka kimaruma kya nsalaba wa Kristo, naasa da.

2 Timoteo 1:15

Shikusara kwiishi sheelyi valya va Asia mmbo valelakana na yeny, nnang'ani yaawo ni Figelo na Hermogene.

2 Timoteo 4:10

Mashika Dema mmbo alelakana neeny, kalanga ulana elu, kakwiipoo keenda Tesalonike, na Kreske mmbo aleenda Galatia; na Tito Dalmatia,

2 Timoteo 4:16

Kindo kya mbee shilelollya, nkwiifo nndu alesalala taari yakwa-fo. Woose mmbo valeshira. Neeny mmbo shatereva Iruva nalasheevautya uvingo kimaruma kya vayo.

Vaebrania 10:29

Mwalollya inda? Ndesa nndu yeto ashewaryaa Mwana wa Iruva nnyashewaryaase ngapo niini mwasi, neemina samu yeyo ya iilyisa sheelyi nshi kindo-fo, neemina Mumuyo mwiisarya?

1 Yohane 2:19

Nkweru valeuka lyo mmbekee veru-fo. Mashika kukooye vekee veru, mmbo vekaa ando amwi neese. Lyo mmbo valeuka-fo naambo kimanyike paa sheelyi nshi woose vakee veru-fo.

Usukuyony 2:10

Kulairyee efyo fikaa fikusheye-fo. Lola-te, yeto Nkumbi mmbo ashekumbaa vengyi vany kifingyony naambo kive kyeeso kyany, na yeni lyo mushekaa fyuureny ando a mikonu ikumi. Kusirye-u fika ifwa, na yeny nshekuvikaa ureto lwa muu.

Usukuyony 2:13

Shiishi ando kusalalyi, nng'u kitima kya ushilyi kya Satana kyikai, neewe kwatira irina lyakwa deny, nta kulamini kyikusiryo kyakwa, kufike mikonu ilya ya nkureekyi wakwa we Antipa, ashikusirye, yeto alewaiyo efo kwany, yoo Satana akai.