Marko 2:26 - BIBILLYA Mareiyo Meele a Iruva

²⁶ Shaasa aleanga na efo mmba ya Iruva, meendi a nkohani ulya niini Abyatari, kalya mikate ilya ya kideesyo. Nayo ilatiri mumu weelyiwa ni nndu, kulaore ni Vakohani veni, kaavya na valya aryani nawo.”

Kyaasa Kiiya

²⁶ Shaasa aleanga na efo mmba ya Iruva, meendi a nkohani ulya niini Abyatari, kalya mikate ilya ya kideesyo. Nayo ilatiri mumu weelyiwa ni nndu, kulaore ni Vakohani veni, kaavya na valya aryani nawo.”

Marko 2:26 Iomraidhean Croise

2 SAMUELI 15:24

Nalyo nkohani Sadoki na Valevi woose ando amwi nawe vakeenda veerie isanduku llya lya mavavaso a Iruva naasa vakakurua isanduku elyo. Nkohani Abiatari nawe kasaama na vandu woose vakasia kulya muriny.

2 SAMUELI 15:29

Kyasya, Sadoki na Abiatari vakeepoo isanduku llya lya mavavaso a Iruva vakalyiviira na Yerusalemu, nawo vakandekaafo.

2 SAMUELI 15:35

A ndesa Sadoki na Abiatari. Vakohani nawo nshi-fo vakai? Naasany neewe wo kindo kushitaa efo kwa mangyi llyo kukifitye vakohani yewo wo Sadoki na Abiatari.

2 SAMUELI 20:25

Shausha we mwiireiya findo. Sadoki na Abiatari wo makohani.

2 SAMUELI 8:17

na Sadoki mwana wa Ahitubu, na Ahimeleki mwana wa Abiatari vakava vakohani, na shausha kava mwiireiya.

1 VAMANGYI 1:7

Adoniya kaumburana na Yoabu mwana wa Seruya amwi na Abiatari vakallatya Sadoki na vakakuluunga nawe.

1 VAMANGYI 2:22

Mngyi Solomon kavesa maaye, “A nkyiki elyi kukundye shinninge Abishaki? Ekyi ni kimwi deny na inniingya umangyi lwakwa! Kummbwa we mmbe mwanamaye-akwa na kilanya ya fyoose Abiatari nkohani na nniini wa fira Yoabu mwana wa Seruya mmbo vakee kyaalu kyakwe!”

1 VAMANGYI 4:4

Beneya mwana wa Yehoyada, ekee nniini wa fira, nawe Sadoki na Abiatari, vekee vakohani.

1 MBONY TA FYEERI 24:6

Nawe Shemaya mwana wa Natanieli, mwiireiya mbony, ekee Nlevi, kareiya ngyufyari yeti mbee ya mangyi Davidi, vaniini vakwe, nkohani Sadoki, Ahimeleki mwana wa Abiatari na vasongoru va mmba ta makohani na ta Valevi. Ufyari lwa Eliasari mmbo lweniingwa kura ivii, na ufyari lwa Itamari kura imwi.

Matayo 12:4

Shaasa aleanga na efo mmba ya Iruva vakalya mikate ilya ya kideesyo, nayo nta we nta wooroye valeetiri mumu weelya, kulaore ni Vakohani veni?

Marko 2:25

Nawe kavavia, “A mmbo mulandesomi shaasa Davidi aletana llya alekooya atura kyeelya, katirwa nshaa we na valya aryani nawo?

1 SAMUELI 21:1

Davidi kookau keenda kwa nkohani Ahimeleki kulya Nobu. Nawe Ahimeleki kallollya kandemwaambya eereremaa, kammbia, “A nkiki elyi kukee kumuni kulariani nta na nndu mwikwiimya?”

1 SAMUELI 23:6

Llya Abiatari we mwana wa Ahimeleki alerishya kwa Davidi mmbo alesha eerye masara a kikohani.

1 SAMUELI 23:9

Davidi nawe kaveemanya-da, nkasha yeto Sauli akundye intannya, naasa kavia nkohani Abiatari, “Ende isara elyo lya nkohani na yaa.”