Marko 13:3 - BIBILLYA Mareiyo Meele a Iruva

³ Naasa nawe kandekaa rembo alya ifumbuny lya miri ya mafura alya asumani na mmba ya Iruva. Na Petro kasanga na Yakobo na Yohane na Andrea vakammbesa kyaanya kyawo.

Kyaasa Kiiya

³ Naasa nawe kandekaa rembo alya ifumbuny lya miri ya mafura alya asumani na mmba ya Iruva. Na Petro kasanga na Yakobo na Yohane na Andrea vakammbesa kyaanya kyawo.

Marko 13:3 Iomraidhean Croise

Matayo 13:10

Naasa valya va kiloshyony kyakwe vakasha na yoo akai vakammbia, “A kimaruma kwarera nawo kusheraa fyaaso nkyokyi?”

Matayo 13:36

Nalyo Yesu kasama vandu valya vakuummbye-u nkuka, kaenda efo mmba. Valya vakiloshyony vakasha ikuumbya yoo akai, vakaamba, “Lukapye nsuka wa kyaaso yekyo kya mamburu a efo ireminy, mbee!”

Matayo 17:1

Nalyo kukaira-u mikonu irindaru, Yesu kaipoo Petro na Yakobo na Yohane we mwanamaye wa Yakobo, kavasaamisa kundo kwa ifumbuny yaasha vakee kyaanya kyawo veni.

Matayo 21:1

Naasa elyi Yesu na vakiloshyony kyakwe veefo vashaafukyaa Yerusalemu vamfika kulya Betifage, alya ifumbuny lya miri itiri ndunda tikamwaa mafura, nalyo Yesu karuma-u vakiloshyony vavii.

Matayo 24:3

Naasa elyi ameenda ikaa rembo alya ifumbuny lya miri ya mafura, valya vakiloshyony kyakwe vakashekuummbya yoo akai, vakee kyaanya kyawo, vakaamba, “Luvie-te meendi kwiikaa kuutike indo, na wende lweemanya yoo masheyony afo na masiiyony a ulana yelu.”

Marko 10:35

Nalyo Yakobo na Yohane vakanserikya, wo vana va Sebedayo, vakammbia, “Llosha mmbo lutiri kindo lukunndye ikutereva kulutannyi!”

Marko 13:4

“Luvie-te mbee, meendi kindo ekyo kikaa kyuutike! Na wende lweemanya meendi yoo elyi findo efyo fyoose fishiinukya ni indii ndesa?”

Marko 14:33

Nalyo kaipoo Petro na Yakobo na Yohane vakeenda veryani nawe. Nawe kapooka isavaa na yeerera.

Marko 4:34

Nta nalarere nawo kindo kulaore aveera fyaaso-fo. Lyo valya vakiloshyony veni kavatambashuya fyoose vakee kyaanya kyawo.

Marko 5:37

Nalyo nta nalalekeye nndu nallatye neende nawe-fo kulaore ni Petro na Yakobo na Yohane we mwanamaye wa Yakobo.

Marko 9:2

Nalyo mikonu ikaira-u irindaru Yesu kaipoo Petro na Yakobo na Yohane. Kavasaamisa ifumbuny yaasha vakee kyaanya kyawo wo veni. Nalyo kaalashika fwana yakwe valollye.