Marko 10:37 - BIBILLYA Mareiyo Meele a Iruva

³⁷ Nawo vakammbia, “Luniinge ando eekaa rembo umwi yoo wokony lwafo usha, na ungyi yoo woko lwafo umuso elyi kukee usuriny lwafo.”

Kyaasa Kiiya

³⁷ Nawo vakammbia, “Luniinge ando eekaa rembo umwi yoo wokony lwafo usha, na ungyi yoo woko lwafo umuso elyi kukee usuriny lwafo.”

Marko 10:37 Iomraidhean Croise

1 VAMANGYI 22:19

Mikaya kaamba, Ulaalu arannya irero lya Nndumi Iruva, mmbo shilelollya Nndumi Iruva ekaaye kiri kyakwe kya umangyi/Ushilyi, na vasikari vakwe woose va efo iruveeu veselelyi taari ya woko usha na woko umuso.

SABURI 110:1

Nndumi Iruva karera na nndumi wakwa kyeamba, “Kaa rembo yaa woko lwakwa usha, Shitani shaara vakyiduva vafo si Vave kwasi ya marende afo.”

SABURI 45:9

Vana va kyeny va kimangyi. Nawo vakashekwaammbya. Na nka-mangyi eselelyi woko lwafo usha, Eree saabu shisha ya Ofiri!

Matayo 19:28

Na Yesu kavavia, “Nkya dede shamuvia, ‘Yeni mushilatye mmbo mukooyaa elyi kwamfika meendi findo fyuumbe fisheviirwaa wiiya, elyi Mwana yeto wa nndu ashekaa rembo yoo kitiminy kyakwe kya itumbe, neeni mmbo mushekaa rembo fitimeny ikumi na fivii mushillye ngyufyari ikumi na ivii yeto ta Israeli.’

Matayo 25:31

Naasa elyi Mwana yeto wa nndu ashaa akee na itumbe lyakwe, aryani na vasu va Iruva woose, llyo ashekaa rembo yoo kitiminy kyakwe kya itumbe.

Marko 10:36

Nawe kavavia, “A kindo ekyo mwakunda shimutannyi nkyokyi ndesa?”

Marko 16:19

Naasa elyi Nndumi Yesu ammaa irera nawo indo, karoswa na efo iruveeu. Kakaa rembo efo woko usha lwa Iruva.

Marko 8:38

Na kunu nnang'ani ya irika elyi lyiraiye utuusi na ulyamari wo nndu aifo amiira sony kyakwa na kya marero akwa, na Mwana yeto wa Nndu asheveiraa sony kyakwe-da elyi meendi ashaa aree itumbe lya Ndeye aryani na vasu yewo veele va Iruva.”

Luka 24:26

A nshi indo kivekee kirummbwe Kristo nasonngwe indeliswa ukyiva yelo loose, navekwiiryany neefo usuriny lwakwe?”

1 Petro 1:11

Vakaruuya ni indii na ni kyeeri kyi kileorwa ni Mumuyo wa Kristo yeto ekee nnang'ani yaawo, yeto alepooka ikureekya makiva yoo ashekoyaa Kristo, na itumbe elyo lyisheshaa numa ya vayo.