Marko 10:24 - BIBILLYA Mareiyo Meele a Iruva

²⁴ Naasa valya vakiloshyony vakwe vakaising'ang'a elyi arera indo. Naasa Yesu kaallwa lyingyi kavavia, “Nyira fivana! A paa ngatara iifo ya vandu vakooye yaanga na efo umanginy lwa Iruva!

Kyaasa Kiiya

²⁴ Naasa valya vakiloshyony vakwe vakaising'ang'a elyi arera indo. Naasa Yesu kaallwa lyingyi kavavia, “Nyira fivana! A paa ngatara iifo ya vandu vakooye yaanga na efo umanginy lwa Iruva!

Marko 10:24 Iomraidhean Croise

SABURI 17:14

Woi Nndumi Iruva, kwa woko lwafo Shikira vandu yeva, Vandu valasarye kindo kyingyi, Kulaore ni fya ulana yelu tupu. Iwutisa ndeu tawo na filya kuvadeesye na vana vaavo vave na fiingyi mmwa-si Nawo vareeye vakoku vavo kindo

SABURI 52:7

“Ate yeu mmbwe nndu ulya Alavikye Iruva nsia, Mmbwe avikye nsia efo umasiny lwakwe, Kakwaallwa nndu mbafu kyeeri kyoose.”

SABURI 62:10

Kulasheevika nsia findony fya ntambo, Mulakwiishike na masaa a unyinyi, Nta kulavike-fo nsia kwakooya eengereka.

FYAASO 11:28

Nndu avikye masaa akwe nsia ashewaa! Indi nndu nsaari ashekangalaa sha ire ivisi.

FYAASO 18:11

Indi isimba mmbo likusaraa masaa nnyo turuve yakwe; Kakusara mbu isimamba yaasha lya iringa.

FYAASO 23:5

Sha ikyafya da masaa mmbo amamikaa, Nnyavee sheelyi amya maaru, Akarumbuka akamaya sha ngoru ng'iniu.

YEREMIA 9:23

Nndumi Iruva aamba: “Nndu nrango alashekushopya urango lwakwe-fo, nta atiri finya nalakushopye finya yakwe-fo, nta nndu atiri umasi nalakushopye umasi-fo;

HABAKUKI 2:9

Oshiny lwa nndu eengye mmba yakwe umasi lwa usoki, luve llo ngarami ya muu wakwe lumuute ando kuumu.

SEFANIA 1:18

Nkonu eto Nndumi Iruva asheoraa paa unyafi lwakwe, nta fesa yaawo na saabu yaawo nnyishevakiraa-fo. Ulana loose mmbo lushelyamarwaa ni unyafi lwa Nndumi Iruva, nndu moose akee ulaniny mmbo asherumatwa.”

Matayo 19:25

Naasa valya vakiloshyony vekiita indo, vakamatuka nnu, vakaamba, “Kwakooya ni indo, a nndu ashiidimaa ikirwa ni vi?”

Marko 1:27

Vakauma mwaangaya woose. Vakatana vaumburana vakaamba, “A kindo ekyi mmbo kyikee inda? Akakakyi kiloshyo kyiiya kitiri ulyimbi! Na mimuyo yeyo ya utefusu kaivavasa, nayo ikamwiirikya.”

Marko 10:23

Nalyo Yesu kalola taari toose ellaa vakiloshyony vakwe, kavavia, “A paa ngatara iifo ya yewo veni masaa vakooye yaanga umanginy lwa Iruva!”

Luka 16:14

Naasa Vafarisayo vakaita ekyo kyoose aamba, nawo ni vandu vaafu va fesa, nalyo vakamwiipoiyo mmbwa.

Yohane 13:33

“Nyira fivana nsindaa neeni kyaangu-da. Mmbo musheshiruuyaa. Nakyo kivevaa indo-da shaasa shilevia Vayuda shaamba, ‘Kundo yeny nsheendaa, mmushiidimaa ifika-fo yeni-fo. Neeny shamuviany ulaalu.’

Yohane 21:5

Nalyo Yesu kavavia, “Nyira fivana a mmbo mulatiri kindo kyelya?” Vakammbia, “Oode mbee!”

Yohane 6:60

Naasa vandu veengyi nnang'ani ya valya vakiloshyony kyakwe vekiita indo vakaamba, “Marero yoo mmoomu-te, A nndu ashiidimaa yaairanya mmbii?”

Vagalatia 4:19

Fivana fyakwa fidu, shikeemuiya nnu mashoya kutani Kristo amuwonikya;

1 Timoteo 6:17

Yewo vakee masimba yaa ulaniny yelu vavie valakushope-fo, nta valakusirye usimba elo lulakee lwa dede-fo, kyaindi vavike Iruva nsia yeto aluniinga findo fyoose shapu naambo lurunde nafyo neefura.

1 Yohane 2:1

Vana vakwa vadu, mmbo shikeemureiya efi naambo mulashetana ulyamari. Kwakooya nndu atana ulyamari lutiri Mwiluterevya kwa Nde, we Yesu Kristo muni usumanu.

1 Yohane 4:4

Yeni fivana fidu, mmbo muukye kwa Iruva; na yeni mukavavinga, mashika yeto akee nnang'ani yaany mmbo ailanyi yeto akee ulaniny yelu.

1 Yohane 5:21

Vana vakwa vadu, kwiiseny na maruva a wongo.

Usukuyony 3:17

Mashika mmbo kukeyaamba, yeny mmbo shikee isimba, mmbo shankuvika isimba, nkwiifo nta kindo kishitinnyi-fo, na yewe nta nkwiishi sheelyi kukee nkiva, kwavetirwa nnyinyira, na nkiva na mfu miso na mbereto.