Marko 10:21 - BIBILLYA Mareiyo Meele a Iruva

²¹ Naasa Yesu kammbikya miso, kankunda, kammbia, “Kindo kwasaara-u ni kimwi, enda kundekumba fyoose kutiri kwaavye vakiva, llyony kushekuwonisyaa masaa efo iruveeu. Kwammaa oshoony, kusheshilatya!”

Kyaasa Kiiya

²¹ Naasa Yesu kammbikya miso, kankunda, kammbia, “Kindo kwasaara-u ni kimwi, enda kundekumba fyoose kutiri kwaavye vakiva, llyony kushekuwonisyaa masaa efo iruveeu. Kwammaa oshoony, kusheshilatya!”

Marko 10:21 Iomraidhean Croise

Mapookyony 34:19

Na nsoro ulya nnyalekyeeyo yiinutya irero elyo-fo, mashika elyi ekunndye nnu mfu yeto wa Yakobo nawe katira wiindi nnu ngota woose efo kyeny kwa ndeye.

FYAASO 23:23

Ura dede nta kulaikumbe; Ura urango usha, ufundo na utele.

Matayo 16:24

Nalyo Yesu kavia yewo vakiloshyony vakwe, “Kwakooya nndu akunda ishilatya kuti nasue mwiili wakwe muni, nakurike nsalaba wakwe, nashilatyeeny!”

Matayo 19:21

Yesu kammbia, “Kwakooya kukundye iva nndu nsongovisi deny, enda kundekumba efyo kutiri, kufyaavye vakiva. Llyo kushetiraa masaa efo iruveeu. Kwammaa oshoony kusheshilatya.”

Marko 10:22

Nawe kakusha maviri kya ekyo avio. Keenda eesuuye mashika akee nndu atiri findo fiingyi.

Marko 8:34

Nalyo kavaanga valya vakuummbye-fo sanda na vakiloshyony vakwe vashesangya yoo akai. Kavavia, “Nndu akunda ishilatya kuti nasue mwili vakwe muni vavekurika nsalaba wakwe, naveshilatya-ny.

Luka 10:42

Kindo kilavaa ira mmbo kyava kimwi nsi, na Maria kakusawuya waavi yelo usha, nalo nta nnashelusokwaa-se-fo.”

Luka 12:33

Endekumbeny findo yefyo mutiri mukandevika fyeesarya vakiva! Kusongosyeny fikushu fyeesuruma fesa filakwaa ni masaa eekusurumya efo iruve-u nalafikyaa, kundo manyinyi nalakooyaa, nta kurukuru ilashiidimaa ilyamara-fo kindo.

Luka 16:9

Na yeny shamuvia, “Masaa yaa a ulembi kuwonyiny nang'u mbuya, na elyi mukooyaa asya naambo vamuwarye efo kwawo.

Luka 18:22

Naasa Nndumi ekiita indo kammbia, “Ni kimwi kiifo kuturye. Endekumba fyoose kutiri, kundeavya vakiva. Neewe llyo kushekuwonisyaa masaa efo iruveeu. Kwammaa kusheny kushilatye!”

Luka 19:41

Na elyi eefo ashaafukyaa-fo kalola muri ulya kaudonisya misoru.

Luka 9:23

Naasa kavia vandu vaiyo woose, “Kwakooya nndu akunda ishilatya kuti nasue nyama takwe muni, nawe mwikurika nsalaba wakwe wo nkonu naveshilatya-ny.

Yohane 12:26

Kwakooya nndu akunndye ishirunndya nashilatye-ny. Na kundo shakaa yeny, na yeto ashirunndya mfo kundo ashevekaa. Na kwakooya nndu ashirunndya, mmbwe Nde ashenng'anisaa.”

Yohane 16:33

Marero yoo mmbo shammaarera mukooye itira ufoo mukulunngye neeny. Mukee kunu ulaniny mmbo mukee na fimusisiraa. Kaaryeny, yeny mmbo shammbinga ulana elo.

Mashora 2:45

Vakakumba masaa awo na findo fyawo vetiri, na yaavya wo nndu shaasa ekee nting'i.

2 Vakorinto 12:15

Shikee na ifura deny mmbo nshenyanyataa, na yeny sheerwa efo na efo kimaruma kyany. A ndesa shaasa nkeengera imukunda nnu, yeny mmbo nkeyaangwa ikundwa?

2 Timoteo 3:12

Ee deny, neewo woose valangye muu mweele mmbo vasheminwaa.

Vaebrania 10:34

Mashika valya vekee fifingyony mmbo mulevaiya mashoya, mukairikya na nsia yuuta masaa any, mwiishi sheelyi efo nnang'ani yaany mmbo mutiri masaa ailannyi yoo, alamandaa.

Yakobo 2:10

Mashika wo nndu asheringaa mavavaso moose, lyo kafisha-u lyimwi nsi-da, mmbo amfisha moose.

Usukuyony 2:14

Lyo shitiri marero maangu na yewe, mashika efo kwafo kutiri vandu veetira ngyufundo ta Balaamu yeto alelosha Balaki navikye Vaisraeli nsindara, vakalya findo fileutwa firaso kwa maruva a wongo, na ituusa,

Usukuyony 2:20

Lyo shitiri irero uwe yafo yewe, mmbo kulefura na nka yeto Yezebeli, yeto alekwaallwa nkisuku kalosha vandu vakwa evaretaa, naambo vatuuse na ilya findo fileutwa kiraso kwa mafwanu.

Usukuyony 2:4

Lyo shitiri irero lyimwi uwe yafo, llyo elyi, mmbo kulenra ikunda llya lyafo lya kipooka.