Marko 10:17 - BIBILLYA Mareiyo Meele a Iruva

¹⁷ Naasa elyi ansomuka na poo neende, nndu umwi kasha nau eerishaa, kamfiirya-ndi kammbesa, “Yewe Llosha nsha, a shitani inda shiwonise muu wa llung'anu uwe nto ding'u yakwa?”

Kyaasa Kiiya

¹⁷ Naasa elyi ansomuka na poo neende, nndu umwi kasha nau eerishaa, kamfiirya-ndi kammbesa, “Yewe Llosha nsha, a shitani inda shiwonise muu wa llung'anu uwe nto ding'u yakwa?”

Marko 10:17 Iomraidhean Croise

DANIELI 6:10

Kyeeri Danieli emanya sheelyi mangyi ammbika woko ishingo llya mmbo eenda kyeny, kaanga mmba efo kirieny kya uwe, ando kutiri idirisha usumanu na Yerusalemu. Yoo idirisheny elyo nng'u ando Danieli eefiryaa-ndi, elolaa Yerusalemu, katereva neyaarafuma Iruva wakwe kararu wo nkonu; ndesa yeeke miishivye yakwe uka numa.

Matayo 17:14

Na elyi vansha na efo kundo vandu vakuumbye-fo nkuka kasheyo ni nndu kashemoolokya ng'undeny.

Matayo 25:34

Nalyo mangyi asheviaa valya va efo wokony lwakwe usha, ‘Kusheyeny na yaa shikai, mukee vandu va Nde-yaakwa avakunndye mbora! Endekeeny efo umangyi ny, mfo ding'uny yeanga, mulesurummywa uka mapookyony a ulana.

Matayo 28:8

Nawo kyaangu naakyo vakakwiipoo vauka alya mbangeny vatirwa mmbweerei vakasanda na nsia. Vakarisha pyany vandekyoongoya valya vakiloshyony vakwe.

Marko 1:40

Nalyo kasheywa ni nndu atirwa ni ivave. Kantereva, kamfiirya-ndi, kammbia, “Kwankunda mmbo kushiidimaa isheeremuta!”

Marko 10:18

Naasa Yesu kammbia, “A nkyokyi kwashivaangya nsha? Nkwiifo akee nsha-fo kulaore ni umwi tupu, mmbwe Iruva.

Marko 12:14

Vakasha nang'u vakammbia, “Ale llosha lwiishi mmbo kukee nndu wa dede kulasarye nta nndu. Nyelyi kulakee nndu mwilola fisangu fya vandu. Mmbo kuloshye shia ya Iruva kya songosiny. A ndesa kwiifo mumu weevikya Kaisari ukamba ao oode? A lukanninga aa lukara?”

Marko 9:25

Naasa Yesu kalollya vandu nkuka veefo vasheengeraa irishya-u, nawe kakeemmya mumuyo ulya wa utefusu kauvia, “Yewe mumuyo wa mbimbi kwaveva na mfu maarwi, yeny mmbo shakuvavasaany uka nndu yeu, nta kulakimwaange-se!”

Luka 10:25

Nalyo akakau nndu akufundye mavavasyo ankwipoo kasha imweesa, kaamba, “Ale llosha! Shatana inda shikooye muu wa llung'anu uve ding'u yakwa?”

Yohane 3:2

Nawe kansheya elyi kio kammbia, “Llori lwiishi mmbo kukee llori kuukye kwa Iruva muni, mashika kulaiyo nndu ashiidimaa itana efyo fya wende kwatana yewe kwakooya kulaore Iruva akee nawe.”

Yohane 5:39

Mmbo mwava vesununda-sununda mareiyo kimmba mwiishi mmbo mushuutaa-u iwonisa-fo muu wa llung'anu nang'u ashivikye ukureeki.

Yohane 6:40

Mashika kindo kikunndywa ni Nde-yaakwa kikee indi, Wo nndu alola Mwana na ikusirya nawe, nawarye muu wa llung'anu na yeny nkaa shinndute nkonu yeto weefurumya.

Mashora 16:30

naasa kavasomuta poo kaamba, “Vanndumi vakwa, shatana-ki ndesa naambo shikooye ukiro?”

Mashora 2:37

Kyeeri valeita indo vakaokywa mirima yaawo, vakavia Petro na Varumi valya vengyi, “A lukatana inda vanavama veru?”

Mashora 20:32

“Naasany ulaalu shamurambikkya efo kwa Iruva, na kwa isarya lya irero lyakwe, yelyo lyishidimaa imuringa nemuniinga ding'u ando amwi na woose yewo vakee vailyise.

Mashora 9:6

Lyo salala, kwaange muriny llyo kushevioo ekyo kyikukooye itana.

Varome 2:7

valya veefo vesisiryaa neetana mesha veruuya itumbe na nnduma na ira kulalyamarika, wo vasheningwaa muu wa llung'anu.

Varome 6:23

Mashika weesi lwa ulyamari ni ufu. Kyaindi simbo ya Iruva mmuu wa llung'anu, kyeendwa ni Yesu Kristo Nndumi weeru.

Vaefeso 1:18

Miso any na mirima yaany yeengere imikywa nsa, naambo mumanyi ivika nsia kya uvaango lwany shaasa lukai, na usimba lwa itumbe lwa ding'u yakwe kwa veele shaasa lyikai.

Tito 3:7

naambo elyi lukee ekennywa usumanu kyeendwa ni isarya lyakwe, lukooye ivikwa veni ding'u ya muu wa llung'anu, shaasa iirikyo lyeru lyikai.

Vaebrania 1:14

A-yeyo myoose nshi mimuyo mifurukani, yeerumwa indefurukannya valya vashevaa veni ding'u ya ukiro?

1 Petro 1:4

Naambo luwoni ding'u yeyo ilalyamarikaa, ilatiri ivara, ilashuumaa, ikeeshisurumi iruveeu kimaruma kyany.

1 Yohane 2:25

Na ekyi nkyo kyaasa aleluvikya, nto muu wa llung'anu.