Luka 8:1 - BIBILLYA Mareiyo Meele a Iruva

¹ Kyikava kyeeri kya elyi numa we muni ekee kyaaro kafika muriny ungyi na ungyi na kimuriny kingyi na kingyi akapaa weele na yoongoya vandu nrumi ya nsia ya umangyi lwa Iruva, na valya ikumi na vavii varyani nawe.

Kyaasa Kiiya

¹ Kyikava kyeeri kya elyi numa we muni ekee kyaaro kafika muriny ungyi na ungyi na kimuriny kingyi na kingyi akapaa weele na yoongoya vandu nrumi ya nsia ya umangyi lwa Iruva, na valya ikumi na vavii varyani nawe.

Luka 8:1 Iomraidhean Croise

Matayo 11:1

Naasa Yesu ekimaa ivavasya valya vakiloshyony kyakwe ikumi na vavii, kakwiipoo kulya vakai nandelosha vandu na iwoongoya mbony efo miriny yaawo.

Matayo 13:19

Wo nndu aifo ashearannyaa kirero ekyo kya mbony ta umangyi lwa Iruva nalaitumuso mmbo asheywa ni yeto nkasha. Kasherakwa-u mbeu yeyo sheere efo nriminy wakwe. Nto mbeu tilya tilewa efo shia.

Matayo 4:23

Nalyo kava mwisengetya kulya Galilaya koose eeloshaa efo mmba tawo teeterevya, na yoongoya vandu nrumi ya nsia, yeyo ya umangyi lwa Iruva. Kaveshiisa na wo ndwari na wo unana lwa efo vanduny.

Matayo 9:35

Na Yesu kasengetya miri yeyo miniini na yeyo midu myoose eeloshaa efo mmba tawo teeterevya na yoongoya vandu nrumi ya nsia yeyo ya umangyi na ishiisa vandu ndwari ya wo ngata na unana lwa wo ngata.

Marko 1:39

Kawara shia kava mwiira-ira kulya Galilaya koose eshangaa na efo mmba tawo teeterevya na ikapa-fo weele na yaanta mimuyo yeyo mikasha.

Luka 1:80

Naasa kimwana kilya kyikaenda kyiing'ana-ng'anaa na yeengera itumaa efo nriminy. Nawe kandekaa kundo kwa kasa katana afika nkonu ulya alendekoora na Israeli paa.

Luka 20:1

Naasa nkonu umwi elyi eefo aloshaa vandu efo mmba ya Iruva na iwoongoya Nrumi ya Nsia, nalyo vakohani vaniini vakasha nang'u tiny na vaarya va fitabu vasasangyi na masiingo a vandu.

Luka 4:18

“Ni Mumuyo wa Nndumi ashikaye kimmba aleshaamba mafura shindeongoya vakiva nrumi ya Iruva ya nsia. Kashiruma shindekapya yewo vafinge weele lweelekeyo. Na yewo vafu miso vakooye ilola, indelotora yewo vaondore vave valeke,

Luka 9:6

Naasa vakawara shia vakava veira fimuriny fya vandu kwi kimwi kimwi vewoongoyaa nrumi ya Iruva ya nsia na ivakira ndwari kundo koose vafikaa.

Mashora 10:38

mbony ta Yesu wa Nasareti, shaasa Iruva alemwaamba mafura na shia ya Mumuyo Mweele na finya, nawe karingitya efo neefo erundaa mashora mesha neeshiisa woose veeke vafote ni yeto nkasha; mashika Iruva eeke nawe.

Mashora 13:32

Neese ulaalu mmbo lukee imoongoya nrumi shisha ya kyaasa kilya vakuu valya valeniinngywa,

Varome 10:15

Na lyingyi mmbo vavambisaa inda irero, valanderumwa? Nshaasa-da kyikee kyireiye, Apaa shaasa marende awo asenyi yewo veevambisa Nrumi Shisha!