Luka 7:16 - BIBILLYA Mareiyo Meele a Iruva

¹⁶ Naasa valya vaiyo vakatirwa mmbwerei woose, vakang'anisa Iruva, vakaamba, “Ate nndu mwawuya kisuku nniini ankwiipoo kunu kweru, na Iruva ansha isaiya vandu vakwe.”

Kyaasa Kiiya

¹⁶ Naasa valya vaiyo vakatirwa mmbwerei woose, vakang'anisa Iruva, vakaamba, “Ate nndu mwawuya kisuku nniini ankwiipoo kunu kweru, na Iruva ansha isaiya vandu vakwe.”

Luka 7:16 Iomraidhean Croise

SABURI 65:9

Yewe kweende mbora ya mmbwa urukeny, Kwanisa sumbai lukawonisa fyeelya, Mira ya Iruva ikaishwa mura; Kwaidimisya uruka lukavesa fimu, Niindo kwasongosya uruka lwafo.

YUUKA 4:31

Vandu yewo vakakusirya-u, na kyeeri valeeta Nndumi Iruva mmbo ansheya Vana va Israeli, nawe mmbo allollya makiva awo, vakainyika mirwe vakainndya.

YEREMIA 33:9

Yerusalemu mmbo kushevaa kimayeny kya ifura na nnduma na wiidimi kwakwa, kutani wo vandu ulaniny vaireya na ireremya-u elyi vashitaa kya findo fisha shatannya vandu vakwa va Yerusalemu na kya iivesyo elyo nshendee muriny.”

Matayo 15:31

Vandu valya vakuummbye-u vakasongololo elyi valollya valya fitongororo veshiaa, na valya vakee miketekete vesheendaa, na valya vafu miso velolaa. Nawo vakauta-u ing'anisa Iruva wa Israeli.

Matayo 21:11

Na mamwiingyi ulya wa vandu ukaallwa, “Mmbwe Yesu, we nkisuku wa Nasareti ya kulya Galilaya.”

Matayo 28:8

Nawo kyaangu naakyo vakakwiipoo vauka alya mbangeny vatirwa mmbweerei vakasanda na nsia. Vakarisha pyany vandekyoongoya valya vakiloshyony vakwe.

Matayo 9:8

Naasa mamwiingyi ulya wa vandu vekilollya kive indo, vakatirwa mbwerei, vakaitikisa Iruva elyi aniinga vandu ushilyi uniini indo.

Luka 1:65

Nalyo valya vafiiti nawo nnyanuny vakawoywa mbweerei woose. Na mbony tilya toose tikaenda ikwaana kulya mafumbuny a Yudaya tikakwaana koose.

Luka 1:68

“Kundearafumwa Nndumi, we Iruva wa Israeli. Kimmba ansaiya vandu vakwe na ivawouwa.

Luka 19:44

Nawo vakuwunduye si vakusande na vana vafo va efo nnang'ani yafo, nta mmbasheraa-u iwe lyikweekyerye iwe uroye wa vayo-fo, kimmba kwanra kulamanya kyeeri kyafo kya isengerwa.”

Luka 2:20

Na veesi valya vakawuya na kwawo veshiitikisaa Iruva na imwaarafuma kya findo fyoose valeeta vakavelolya indo-da shaasa valevio.

Luka 24:19

Nawe kavavia, “A mbony yeekyi?” Vakammbia, “Ni ta Yesu wa kulya Nasareti-te ekee nndu mwauya fisuku kaveva mwiidimi itana findo finiini, fyeetana na fyeerera kikalollyo ni Iruva na vandu woose va kunu urukeny.

Luka 5:26

Na vandu vaiyo vakaising'ang'a woose, vakava vaarafumany Iruva. Vakatirwa mmbwerei. Vakaamba, “Inu lwalolya findo fya wende.”

Luka 5:8

Naasa Simon Petro alolya kive indo, kakutuula si yoo marendeny a Yesu, kaamba, “Nndumi uka yaa shikai, mashika shikee nndu llyamari.”

Luka 7:15

Nndu ulya mfu kakwiipoo kakaa rembo, kapooka irera. Kaniingya maye.

Luka 7:39

Naasa mfarisayo ulya ammbaanga elyi alolya kive indo, karera efo nriminy kaamba, “Kukooye nndu yeu ekee nkisuku mmbo emanyaa nka yeu mmbwe vi na ni wa ngata-kyi yeu ampaana ndesa akee llyamari.”

Luka 8:37

Nalyo ikwaanu lyoose lya vandu va Gerasini vasangyi na valya va nnyanu vakantereva nakwipoo kulya kwawo nnyeli vatirwa mmbwerei wiingi. Naasa we muni kandesaama neefo ngalaven. Kawuya na kulya ooka nafo.

Luka 9:19

Nawo vakaalwa vakaamba, “Ni Yohane Mmbatisi.” Na vengyi vakaamba, “Yewe ni Elia. Vengyi vakaamba, Yewe ni umwi wa vakisuku valya va elyo mbee, alewuya iruka.”

Yohane 1:21

Vakammbesa, “Kwakooya kulaore ni indo, a ndesa ni yewe Elia?” Nawe kaamba, “Yeny nshi we-fo.” “A yewe ni ulya mwaauya fisuku?” Nawe kaalwa, “Ode.”

Yohane 1:25

Vakammbesa, “A nkikyi elyi kwava mwiibatisa vandu kwakooya kulaore kukee Kristo; nta Elia, nta umwi wa Veawuya fisuku?”

Yohane 4:19

Nka ulya kammbia, “Nndumi shilollye mmbo kukee nndu nkisuku.

Yohane 6:14

Naasa vandu valya veekilolya ekyo kya wende atana, vakaamba, “Ate ni dede we mmbwe mwauya fisuku ulya akee nteerye nashe kunu ulaniny.”

Yohane 9:17

Naasa vakawuya vakavia ulya ekee mfu miso, “A yewe kwaamba inda kyafo ku muni elyi alekutarammbwa miso?” Nawe Kaamba, “Mmbo akee nndu nkisuku.”

Mashora 5:5

Anania ekiita marero yoo kawa si kafwa. Weerei uniini lukatira vandu woose valeita mbony yei.

Mashora 7:37

Mose yeto mmbwe da alevia vana va Israeli, Iruva Nndumi waany ashemuselesyaa nkisuku efo ufyariny lwany sha yeny, mwaranyiny we.

Vagalatia 1:24

Vakaitikisa Iruva kimaruma kyakwa.

NKUMBUYE WA UVAVASO 18:15

Nndumi Iruva, Iruva wafo mmbo ashekuutyaa nkisuku efo vanduny vafo shaasa yeny shikai, neeni mwaaranyinny-te.