16 Nawe muni kandekoovisa kundo kulalelwa katerevya-fo Iruva.
Na elyi ansama mamwiingyi ulya kandesaama na kulya ifumbuny, nandeterevya-fo Iruva ekee kyaanya kyakwe muni. Kukafika kweela ekee-fo we muni.
Nalyo elyi ansamana nawo kakwiipoo kaenda ando a ifumbuny nandeterevya-fo.
Naasa kyikava elyi vandu va kulya urukeny vaenda ibatiswa ni Yohane na Yesu kaveenda indebatiswa. Eefo atereva Iruva, kulya iruveeu kukarauka.
Naasa kyikava mikonu ilya kakwiipoo-fo kandefika ando a ifumbu-u indeterevya-fo Iruva. Kalala rembo taa eterevaa Iruva.
Naasa kyikava elyi anrera indo mikonu ikaira-u sha nyanya, kakamara Petro na Yohane na Yakobo kandesaama na ando a ifumbu-u nandeterevya-fo.
Nalyo elyi eefo aterevaa, fwana ya kisangu kyakwe ikaalashika na soori takwe tikava shaa pyai timika-mikaa.
Naasa Yesu kamanya vakundye isha imwipoo vamwallwa mangyi, nawe koovya kandesaama lyingyi neefo ifumbuny we muni.