Luka 4:6 - BIBILLYA Mareiyo Meele a Iruva

⁶ Nalyo yeto Nkumbi kammbia, “Umangyi yelu sanda na usuri lwavayo nkuningaa yewe, mashika ni fyakwa shikee nniingye, neeny nshefikuniingyaa nndu shankunda.

Kyaasa Kiiya

⁶ Nalyo yeto Nkumbi kambia, “Umangyi yelu sanda na usuri lwavayo nkuningaa yewe, mashika ni fyakwa shikee nniingye, neeny nshefikuniingyaa nndu shankunda.

Luka 4:6 Iomraidhean Croise

ESTA 5:11

Llyo Haman alevavia mbony ta masaa akwe na uniini lwakwe na wiingi lwa vana atiri, na shaasa mangyi ankundye kallyimya findo fiingi, kavembika uwe ya vasero va mangyi woose.

ISAYA 23:9

Ni Nndumi Iruva wa matorito alevika uramba lwa mbony eyo. Naambo ukaidi na ukushobi lusye amwi neesuta vaniini yewo vawo.

ISAYA 5:14

Mmbo vakeevereywa kwa uroo uniini efo kwa varumu, veambirye kana fika yuunduny. Masiingo a vandu sanda na vandu va mwiina va Yerusalemu mmbo vakeyaanga nafo makamba kwa makamba, na valya vengyi woose vakee ifureny.

Luka 4:7

Naasa neewe kwashoolokya sumbai yoo kisanguny kyakwa mmbo fishevaa fyafo fyoose.”

Yohane 12:31

Ulaalu ulana elu lwiifo lushuutywaa uvingo. Ni ulaalu nniini wa ulana yelo asheerwaa na efo poo.

Yohane 14:30

Nshikireraa-se neeni marero meengi-fo, mashika yeto nniini wa ulana yelu eefo ashaa. Nawe nta nalatiri kindo kwakwa-fo.

Yohane 8:44

Yeni mmbo mukee va nde yeto waany we mmbishwa. Na efyo fikunndyo mmbwe mfyo mukunndye itana. We ekee mwiiwaa vandu uka elyo mapoonkyony nta nalakee na dede-fo kimmba efo nriminy mmbwakwe kulaifo kya dede yeyo kyeeri arera wongo mmbo arera ekyo kikee kyakwe muni, mashika we akee muni wongo kaveva mmbwe ndeye wa vayo.

2 Vakorinto 11:14

Nta nshi kindo kyeny-fo. Mashika naakwa ni mmbishwa mmbo akwaalashaa naambo nave sha nsu wa Iruva.

Vaefeso 2:2

Tilya muleva veetana mwiisoraa mikaaye ya ulana. Mwisoraa mangyi yeyo ya nginiiu-te, mmbwe mumuyo yeto akeerunda mashora a yaallwa vandu filemi.

1 Petro 1:24

Mashika, Mwiili wa nndu mmbo uvakye mare, na itumbe lya vayo lyoose nkimwi sha kivaro kya mare, mare mmbo ashumaa na kivaro kyaangare.

1 Yohane 5:19

Mmbo lwiishi sheelyi yese mmbo lukee va Iruva, na ulana loose lo lukakaa kwa nravi yeto.

Usukuyony 12:9

Shoka yeyo ikafwallyo si, shoka yeyo shiniini, shoka nguu, ivaangwaa Nkumbi na Satana, yeto mwireta ulana loose, keerwa ulaniny, na vasu vakwe ando amwi nayo.

Usukuyony 13:2

Na ifisi llya shilelollya mmbo lyevakye nyamandu, na marende a vayo akavaka a ngare, na kana ka vayo sha ka miiso; shoka yeyo ikaniingya ifisi elyo finya ya vayo na kitima kya vayo kya ushilyi na wiidimi uniini.

Usukuyony 13:7

Lyingyi lyikaniingwa mwaanya wa ikapa fira na veele naambo vavavinge, lyikaniingwa wiidimi uwe ya wo vandu na kishomu na mmba na isanga lya vandu.