Luka 2:10 - BIBILLYA Mareiyo Meele a Iruva

¹⁰ Nsu ulya wa Nndumi kavavia, “Nta mulairyaa-fo! Mashika akakau shiifo mmongoyaa Nrumi ya Nsia nayo ikaa ifike kwa vandu woose.

Kyaasa Kiiya

¹⁰ Nsu ulya wa Nndumi kavavia, “Nta mulairyaa-fo! Mashika akakau shiifo mmongoyaa Nrumi ya Nsia nayo ikaa ifike kwa vandu woose.

Luka 2:10 Iomraidhean Croise

Mapookyony 12:3

vekuvikya mbora neeny nshevavikyaa mbora, neeto akudengaa neeny shindenge, neefo kwafo mfo ngyufyari toose ta ulana tishevikyoo mbora.”

ISAYA 40:9

Ewe kukee yaamba nrumi shisha ya nsia efo Sioni, saama uwe ya ifumbu lyaasha, Yewe kukee yaamba nrumi ya nsia Yerusalemu, loota unyanga nnu loota unyanga nta kulairyeefo, via miri ya Yuda: “Loleny Nndumi Iruva waany!”

ISAYA 41:27

Yeny mbele mmbo shakureekya Sioni; na shiniinge Yerusalemu mwivambisa rumi ya nsia.

ISAYA 49:6

Eeda Nndumi Iruva aamba indi, “Ni kindo kyaangu yewe iva ishinga lyakwa naambo kuinwe ngyufyari ta Yakobo, na ivaviira vandu va Israeli, vasurumi; na kya mmwaasi shishekuutaa kuve sa ya va ulana; kuve nkira wakwa fika ufishony lwa ulana.”

ISAYA 52:10

Nndumi Iruva, aora paa woko lwakwe weele misony a vandu va masanga moose; na taari toose ulana tilollyaa ukiro lwa Iruva weeru.

ISAYA 52:7

Shaasa akee mesha marende yoo akeira mafumbuny akeyeende nrumi ya nsia, Yeto akeyeende urilalyi, akeyeende mbony shisha, yeto akeyaamba mbony ta ukiro. Akeevia Sioni, “Iruva wafo mmbo ashillye!”

ISAYA 61:1

Mumuyo wa Iruva, we Nndumi Iruva ni uwe yakwa, mashika Nndumi Iruva aleshaamba mafura, shindeongoya yewo vaale nrumi ya nsia; kashiruma shendevavara yewo vammuuta-pa, ivia mashinga mmbo allekwa ulaalu, na yewo vafinge mbony ta iporomuwa lyawo.

DANIELI 10:19

Kashivia, “Kimmba Iruva akukundye indo kulaereye-fo wuiywa mmuu, nta kindo kyimwi kilakuniinge usau nta ikweerese-fo.” Ekyaamba indo, shawuiywa mfinya mmwasi, shammbia, “Woi Nndumi shiviany ekyo kushiriye kwanshiviirya muu deny.”

SEKARIA 9:9

Kapeny kilewa eni vandu va Sioni! Kapeny kyoorongye eni vandu va Yerusalemu! Loleny mangyi yaany akee musheya, mmbo akeesha amma ivinga neefura iniini, eekunnyise, eesamye nshungu, ngashe ya nshungu, na mwana wa nshungu.

Matayo 14:27

Nalyo yeni karera nawo, kaamba, “Wuiyony muu, ni yeny, nta mulairyae-fo.”

Matayo 28:18

Na Yesu kasha na yoo vakai, karera nawo. Kavavia, “Shanniinngyo ushilyi loose lwa efo iruveeu na lwa kunu urukeny.

Matayo 28:5

Naasa nsu ulya wa Iruva kaallwa kavia vaka valya, “Nta mulairyee yeni-fo! Mmbo shammanya mmbo mwiifo musiaa Yesu yeto alekapyo nsalabeny.”

Marko 1:15

Kaamba, “Alashikeny efo nriminy muvekusirya na Nrumi yeyo ya Nsia.”

Marko 16:15

Nalyo kavavia, “Waryeny shia yeenda mundefika masangeny moose dang'a. Na wo kindo kyuumbe kiiyo kyoongoyeny Nrumi yeyo ya Iruva ya Nsia.

Luka 1:13

Naasa nsu ulya wa Iruva kammbia, “Nta kulairyee-fo Sakaria! Kimmba kiterewo kyafo kyammirikywa, na nka wafo Elisabeti akaa nakwiirye mwana wa womi. Neewe kushemfishya irina lyakwe ni Yohane.

Luka 1:19

Nalyo nsu ulya wa iruva kaallwa kammbia: “Yeny ni Gabrieli shisalalyi mwirumwa yoo kisanguny kya Iruva. Sharumwa shisherera neewe shivekufitya nrumi yeyo ya nsia.

Luka 1:30

Nalyo nsu ulya wa Iruva kammbia, “Nta kulairyee-fo Maria! Mmbo kwawona ikyiiyo efo kwa Iruva.

Luka 2:11

Mashika mwamiiryo NKIRA inu mmbwe Kristo akee Nndumi efo muriny wa Davidi.

Luka 24:47

Nalyo kandekapwa weele kyikee kya irina lyakwe efo kwa vandu va masanga woose vaalashike efo nriminy vakooye ifwaaywa ulyamari lwawo, kipookya kunu Yerusalemu.

Luka 8:1

Kyikava kyeeri kya elyi numa we muni ekee kyaaro kafika muriny ungyi na ungyi na kimuriny kingyi na kingyi akapaa weele na yoongoya vandu nrumi ya nsia ya umangyi lwa Iruva, na valya ikumi na vavii varyani nawe.

Mashora 13:32

Neese ulaalu mmbo lukee imoongoya nrumi shisha ya kyaasa kilya vakuu valya valeniinngywa,

Varome 10:15

Na lyingyi mmbo vavambisaa inda irero, valanderumwa? Nshaasa-da kyikee kyireiye, Apaa shaasa marende awo asenyi yewo veevambisa Nrumi Shisha!

Vaefeso 3:8

Yeny Paulo, shinyiiye yeto akee n-du wa veele woose, mmbo shilesimbwa isarya elyi naambo shoongoye vandu va masanga mbony ta usimba lwa Kristo lulavaa yeesa.

Vakolosai 1:23

mukaarye efo kikusiryony ekyo mwiikee uvasheny, muvangiswa, nta mulashiindutwaa mure ivika nsia lya Nrumi ya Nsia ilya muleeta mbony ta vayo, ilya ileongoyo fyuumbe fyoose fikee kwasi ya ngina, nnyo yeyo yeny Paulo shileva mwiifurukannya.