Luka 15:4 - BIBILLYA Mareiyo Meele a Iruva

⁴ “Ndesa kunu kwany ni nndu ungau akooya atiri moonri iyana, kareta-u lyimwi, nawe nare nalatiiya alya makumi keenda na keenda kulya kasa nandevingya llya lyirekye kutani alyikooya?

Kyaasa Kiiya

⁴ “Ndesa kunu kwany ni nndu ungau akooya atiri moonri iyana, kareta-u lyimwi, nawe nare nalatiiya alya makumi keenda na keenda kulya kasa nandevingya llya lyirekye kutani alyikooya?

Luka 15:4 Iomraidhean Croise

SABURI 119:176

Mmbo shileraa-raa sha yoonri lyilatiri mwiisi; Ruuya nsero wafo mashika shilera irero lyafo-fo.

ISAYA 53:6

Mmbo lweraraa sha mburu tirekye, wo nndu kapara na shia yakwe. Indi we Nndumi Iruva kamwekerya uvingo lweru.

YEREMIA 33:13

Efo miriny yeefo mafumbu neefo si ya mafumbu, na taari ya sinde ya Yuda, neefo urukeny lwa Benyaminy. Neefo myuungony iringitye Yerusalemu, neefo miriny ya Yuda, veeveni moonri vashefura vesheekena maronda awo, ni yeny Nndumi Iruva shaamba indo.”

YEREMIA 50:6

“Vandu vakwa vamba moonri arekkye; veesi vawo vakavereta shia, vakandevaindutya mafumbuu, vakavevafita mafumbuu na fidoorony valamanyi kindo kweewuya kyeny.

ESEKIELI 34:16

Neeny shisheruuya yewo varekkye, shisheviira valya vakeeranga-ranga yefo, shishevavara yewo vakee vafishefishe, shishevaniinga finya yewo valwee, neewo vavanndye na yewo vatiri finya, shishewootya uvingo.

ESEKIELI 34:31

Neeni, moonri akwa, moonri a ureny lwakwa ni vandu wakwa na yeny ni Iruva waany, ni Nndumi Iruva aamba.”

ESEKIELI 34:4

Mmukee ivavara alya mafwafwak, nta ishiisa alya atirwa nndwari, nta alya afikye marende mmulaafingya firami, nta mmuleviira alya aleumbutwa, nta mmuleruuya alya arekye, indi ni kwa finya na unyaasi mukeeashillya.

ESEKIELI 34:8

Nndumi Iruva aamba; Yeny, Iruva shiifo na muu, kimmba moonri akwa aleva nrapu, moonri akwa akava shoonga ta mafisi a ngoroshony moose, kyimaruma kuleifo mwiisi, nta veesi vakwa valaruuye moonri akwa, indi veesi vakakwiisa veni, valakunde yiisa moonri akwa;

Matayo 12:11

Nawe kavavia, “A mmbo kwiifo nndu kunu kwany atiri mburu yakwe imwi nsi kakooya yamooloka kiroriny elyi nkonu wa Sabato, kara nalayuuta-fo?

Luka 13:15

Nalyo Nndumi kanndouwa kaamba, “Mmbo mukee vakunang'ari-te! A kunu kwany nshi wo nndu ashauwaa shau yakwe ao nshungu wakwe efo nguvanuny, katiauwa kandetiniinga mura, nkonu na ukava wa Sabato?

Luka 15:3

Nawe kaveera kyaaso kaamba,

Luka 19:10

Mashika Mwana yeto wa nndu mmbo asheye iruuya ekyo kirekye nakikire.”

Varome 2:1

Naasany, yewe nndu mmbo kwava vi, kushuutyaa ungyi uvingo, nta nkutiri kyeekuuta-fo. Mashika efyo kukeeyuutya nafyo vengyi uvingo, mfyo fyeni kukeekuutya nafyo uvingo kumuni kyeyaamba kukee nrekwa, mashika yewe kukeeyuutya uvingo mmbo kwatana efyo fyeni.

1 Petro 2:25

Mashika lyo mmbo mwekeereka sha mburu; kyaindi ulaalu mmbo mwambuiya Mwiisi waany na Mwiisalallya mirima yaany.