Luka 13:16 - BIBILLYA Mareiyo Meele a Iruva

¹⁶ Afikaany yeu akee wa ufyari lwa Abrahamu na satana kamfinga myaaka yei ikumi na nyanya myoose, a nshi kyeemaa naauwa elyi akee mwiinive indo, nkonu na ukava wa Sabato?

Kyaasa Kiiya

¹⁶ Afikaany yeu akee wa ufyari lwa Abrahamu na satana kamfinga myaaka yei ikumi na nyanya myoose, a nshi kyeemaa naauwa elyi akee mwiinive indo, nkonu na ukava wa Sabato?

Luka 13:16 Iomraidhean Croise

SABURI 107:14

Kavanta efo ireeminy na kirisheny kya ufu; Kafisha-fisha efyo fyevafingye.

Matayo 4:10

Nalyo Yesu Kammbia, “Shuuka satana! Mmbo kikee kireiye kyeamba, ‘Ni Nndumi Iruva wafo mmbwe kushemoolokya nawe mmbwe muni kushemwiindyaa.’”

Marko 2:27

Nawe kavavia, “Nkonu wa Sabato mmbo ulevikwa kimaruma kya nndu, nshi nndu alevikwa kyimaruma kya Sabato-fo.

Luka 16:24

Kaonisa unyanga kaamba, ‘Woi Nde Abrahamu shisarya ukiva lwakwa-dwa, kurumi Lasaro nandekapa kisangu kya nni wakwe mureny nashefweera ulumi elu lwakwa; shamashika shikeevavyo nnu kunu kipalapaleny kya muro yeu.’

Luka 19:9

Naasa Yesu kammbia, “Kyeny eka kammbona ukiro inu, kimmba neewe-da ni mwana wa Abrahamu.

Luka 3:8

Naasa vikeny ndunda tisumani na nrima waalashikye! Nta mulapooke irera efo nriminy mwaambe, ‘Nde weeru luntiri ni Abrahamu!’ Mmbo shamuvia, Iruva kakunda ashiidimaa iparya Abrahamu vana navaute naakwa ni efo maweny!

Yohane 8:44

Yeni mmbo mukee va nde yeto waany we mmbishwa. Na efyo fikunndyo mmbwe mfyo mukunndye itana. We ekee mwiiwaa vandu uka elyo mapoonkyony nta nalakee na dede-fo kimmba efo nriminy mmbwakwe kulaifo kya dede yeyo kyeeri arera wongo mmbo arera ekyo kikee kyakwe muni, mashika we akee muni wongo kaveva mmbwe ndeye wa vayo.

Mashora 13:26

“Vanavama vakwa, vana va ufyari lwa Abrahamu, na yewo vengyi nnang'ani yaany veinndya Iruva, Irero elyi lya ukiro mmbo lyilerikwa kweru.

2 Timoteo 2:26

Naambo urango luvawuiye, vauke efo nreiyony wa yeto nkumbi-alevareiya, vakatana efyo finsennyi.