Luka 12:5 - BIBILLYA Mareiyo Meele a Iruva

⁵ Indi nshemoraa yeto mushemwiiryaa. Ni yeto, atiri wiidimi lwewaa na numa ya iwaa keedima yeera nndu yefo murony wa Gehena! Ee-da shamuvia, mmbwe mushemwiryaa.

Kyaasa Kiiya

⁵ Indi nshemoraa yeto mushemwiiryaa. Ni yeto, atiri wiidimi lwewaa na numa ya iwaa keedima yeera nndu yefo murony wa Gehena! Ee-da shamuvia, mmbwe mushemwiryaa.

Luka 12:5 Iomraidhean Croise

SABURI 9:17

Kya valyamari woose mmbo vashemamitwaa, yewo woose valema shia ya Iruva.

FYAASO 14:26

Mwiindya Nndumi Iruva mmbo atiri nsia deny; Na vana vakwe vawonaa ikaa na ufoo.

YEREMIA 10:7

A mmbi alakweereyye yewe mangyi ya masanga? Mashika yewe mmbo kukwaani yiinndywa nnyelyi kuleefo ungyi nrango sha yewe nnang'ani ya masanga moose, naakwa ni yefo ngyumangyiny tawo kuleefo nta umwi akuvakye.

YEREMIA 41:18

kya elyi vemmbeereya nnu, kya elyi Ishmaeli mwana wa Netania alewaa Gedalia mwana wa Ahikamu yeto mangyi ya Babilony emmwaallwa nshilyi wa uruka.

YEREMIA 5:22

A musheereiyye-se? Ni ndumi Iruva avesa; Mureremaa-se mbee yakwa? Mmbo shilevika nsanga uve nnyanu wa yeeve, nnyanu ilashiidimaa ikillya; ra neelyi matundulu akweeraa, lyo nnyikillyaa nnyanu yeto-fo;

Matayo 10:28

Na yewo vewaa mwiili yeto wa nndu nta valashiidimaa iwaa nrima yeto nta mulavairyae! Kilanya mmbo mushiiryaa yeto aidima ireta nrima na mwiili fi fivii firekye yefo murony wa Gehena.

Matayo 25:41

Nalyo asheviaa na yewo va wokony lwakwe umuso naambe, ‘Ukeny yaa shikai mukee vandu vakee vandenge, mundefika efo murony ularumikaa, ulesurummyo Satana na vasu vakwe.

Matayo 25:46

Nawo vasheendaa vandelyiswa ukiva llung'anu, na yewo va usumanu wo vandekaa na muu wa llung'anu.”

Matayo 5:22

Na yeny shamuvia, “Nndu katirya mwanamaye unyafi ammba nndu mwiutywa uvingo lwakwe efo kwa veerumbwa mwaandu. Na nndu kavia mwanamaye, ‘Yewe ni mbafu, ammba nndu mwiutywa uvingo efo ikwaanuny lya masiingo. Na nndu kavia mwanamaye Iruva akusuuye ammba nndu mwiutywa uvingo lweenda yeerwa murony wa Gehena.’”

Marko 13:23

Kevekwiiseny muveni! Akakafyo, shalava imuvia fyoose.”

1 Vatesalonike 4:6

Kulave nndu alemba ungyi kindo nta illyamarya kya efi-fo, mashika Nndumi mmbwe yeto ataiyaa findo fyoose shaasa lulemuvia uka mapookyony lwimukureekyaa nnu.

Vaebrania 10:31

Ni kindo kyeeresye iwoya maakony a Iruva muni Muu.

2 Petro 2:4

Mashika kwakooya kulaore Iruva aleauwa vasu valya valelyamara indi kaveera irininy evavikaa kifingyony kya ireema, varingyo-u kutani yaanduywa lyasha.

Usukuyony 14:7

ereraa na unyanga uniini eshaambaa, Indyeny Iruva, na inndumisha, mashika kyeeri kya yaanduya woose kyamfika, miiryeny ndi yeto aletana iruveu na ulana, na yeeve na ngyusoka ta mura.

Usukuyony 15:4

Ni vi yeto nalakwindyaa Woi Nndumi na irumisha irina lyafo? Mashika ni yewe kumuni kukee Mweele; mashika masanga moose ashefiryaa ndi mbee yafo, mashika mashora afo a usumanu ammaa yoorwa paa.”

Usukuyony 20:14

Ufu na kwa vafu fikaletwa iruveny llya lya muro. Yelu llo ufu lwa kavii, llyo iruva elyo lya muro.