Luka 11:9 - BIBILLYA Mareiyo Meele a Iruva

⁹ Na yeny shamuviany, tereveny, mmbo muniingwaa. Syeny, mmbo musheonaa. Kakapeny mwaango mmbo musheruyoo mmba!

Kyaasa Kiiya

⁹ Na yeny shamuviany, tereveny, mmbo muniingwaa. Syeny, mmbo musheonaa. Kakapeny mwaango mmbo musheruyoo mmba!

Luka 11:9 Iomraidhean Croise

SABURI 118:5

Kyeeri shekee ukiveny mmbo shilevaanga Nndumi Iruva, Nndumi Iruva kashirouwa kashivika andu atiri mwaanya.

SABURI 27:4

Nndumi Iruva, kindo kyimwi shatereva, Kyimwi-nsi nakyo shikyiruuyaa, Ni ikaa efo mmba kwa Nndumi Iruva, Nikonu myoose ya muu wakwa, Shilole usha lwa Nndumi Iruva Na ikunda iteterwa efo mmba yakwe.

SABURI 27:8

Llya kuleamba Ruuyeny usangu lwakwa, Nrima wakwa ukakwalukya shaamba, Nndumi Iruva, Usangu lwafo llo shiruya.

SABURI 34:10

Nakwaa ni miiso tifulukywaa na itirwa nshaa, Indi ewo veindya Iruva vatiri wo kindo.

SABURI 34:4

Shiletereva Ndumi Iruva, nawe kashaarannya, Kashuuta werei lwakwa loose.

SABURI 50:15

Shivaanga kyeeri kya ukyiva, Shikukiraa, na yewe kushirumishaa.”

KYIIMBO KYA FIIMBO 5:6

Sharuya nkunde wakwa ipoo, Kyaindi shakooya nnyakyi-yo-fo, Nrima wakwa mmbo weefurye deny kyeeri eekee irera! Shanruuya shilallollye; Shammbaanga nalashirikye.

ISAYA 45:19

Nnshileumba kwa kirumo ando a ireemyiny-fo; nshilevia vana va Yakobo vashiruuye ruufo. Yeny ni Nndumi Iruva nshaambaa kya dede na kya usumanu.

YEREMIA 29:12

Lyo musheshivaanga, mweende mushitereve, neeny shimwiite.

YEREMIA 33:3

“Shivaanga, neeny nshekwiirikyaa, shikoore findo fya wende finiini kulore kufiishi.

DANIELI 9:3

Neeny sheendukya Nndumi Iruva, shantereva na imweererya shakwaamba ifu, sharaa makunnya, neekootoya shinterevaa,

Matayo 21:22

Na wo findo mwamfifuuya Iruva yoo ando mwaterevya mukusirye nawe mmbo mushefiwaryaa.”

Matayo 21:31

A vandu yewo vavii nndu aletana ekyo kisenyi ndeye ni ungau ndesa?” Vakaamba, “Ni ulya wa mbee-te!” Yesu kavavia, “Nkya dede shamuvia, ‘Vandu vadedemi na vaka va shia mmbo vakeemusongoya yaanga efo umangyi ny lwa Iruva.’

Matayo 6:29

Na yeny shamuvia, ‘Nta Solomon na utore lwakwe loose, nneeree fisha sha kimwi kya vayo-fo.’

Marko 11:24

Kimmba niindo, neeny shamuvia, “Findo fyoose muterevaa efo kwa Iruva na ifyooshora, kevekusiryeny-ng'u mmbo mwammeefiwarya, nalyo mushefiwonisaa tupu.

Marko 13:37

Indi kindo shamuvia yeni, nakyo shakyivia woose, Laleny shoovi!”

Luka 11:10

Mashika wo nndu aterevaa mmbo avewarya. Na yeto mwiisia kavewona.

Yohane 14:13

Na wo kindo mwankitereva efo kwakwe kikee kya irina lyakwa mmbo akitanaa, na Nde nakooye ing'aniswa kiryani na Mwana.

Yohane 15:16

Nta shi yeni muleshisauwa-fo. Ni yeny shilemusauwa yeni, shamuruma mweende mundevika ndunda. Na ndunda yeto tany muvikaa tikooye ikaafo llung'anu. Na wo kindo mwankitereva Nde kikee kya irina lyakwa naambo naidimi imuniinga.

Yohane 15:7

Kwakooya mwakaa-fo mukulunngye neeny na marero yoo akwa kwakooya mwakaa nang'u efo nriminy, mmbo muningwaa wo kindo mwankunda ikitereva-u.

Yohane 4:10

Yesu kaallwa kammbia, “Kwee kweeshi simbo ya Iruva iifo, na nndu yeto akuvia, shirita mura shini, kukooye kweemwiishi mmbo kweenterevaa nawe eekuniingaa mura utiri muu.”

Varome 2:7

valya veefo vesisiryaa neetana mesha veruuya itumbe na nnduma na ira kulalyamarika, wo vasheningwaa muu wa llung'anu.

2 Vakorinto 6:2

(Mashika aamba, “Kyeeri ekyo kyikee kisauwe llyo shilekwiirannya. nkonu wa ukiro llyo shilekweekkya;” naasany kyeeri kyikee kisauwe llyo ulaalu, na nkonu wa ukiro lyo ulaalu.)

Vaebrania 11:6

Lyo kulaiyo kyikusiryo nkushiidimaa insenya-fo; mashika nndu asheengyaa Iruva nkuti mbele neerikye sheelyi eefo, na sheelyi we mmbo alyimyaa mbora yewo vensheya.

Vaebrania 4:16

Kyikeeny indo, luserikye kitima ekyo kya isarya lukee nookaari, naambo luwoni ilyillyo, na iwona isarya yelyo lyishelutaramaa kyeeri kya yaanguywa.

Yakobo 1:5

Lyo nndu wa kwany kaanguywa ni urango, atereve iruva yeto aniinga woose kwa vingyi, nta nnyakyeemmya-fo, nawe mmbo aniingwaa.

Yakobo 5:15

Na itereva kwa kyikusiryo mmbo lyishekiraa nndu yeto alwee na Nndumi namwipoo, na kwakooya elyamarye nakooye isaryo.

1 Yohane 3:22

Na ekyo kyoose lukiterevaa, mmbo luwaryaa kwakwe, kimmba lwalatya mavavaso akwe.

Usukuyony 2:24

Kyaindi mmbo shamuvia yeni vengyi mukee Tiatira, woose yewo valatiri ngyufundo eto, valaishi fyaaso fya Satana, shaasa vakeamba, Nshimwekeryaa irio lyingyi-fo.