Luka 10:2 - BIBILLYA Mareiyo Meele a Iruva

² Naasa kavavia, “Fya iilula fiifo fiingyi, lyo varundi vakaangwa. Kyetereveny Nndumi muni fimu narumi varundi efo mailullyony akwe.

Kyaasa Kiiya

² Naasa kavavia, “Fya iilula fiifo fiingyi, lyo varundi vakaangwa. Kyetereveny Nndumi muni fimu narumi varundi efo mailullyony akwe.

Luka 10:2 Iomraidhean Croise

1 VAMANGYI 18:22

Naasa Elia kavia vandu, ni yeny nkisuku wa Nndumi Iruva shilesaa-u; Indi vakisuku va Baali ni vandu mayana aana na makumi araanu.

SABURI 68:11

Nndumi kavika ishingo, Na vaka vakavafitya mbony.

YEREMIA 3:15

‘Shimuniinge veesi varuuyaa kya nrima wakwa, yewo vamuniinga ikulosha na umanyo.’

SEKARIA 11:17

‘Woshiny llwa veesi valyang'a, yeto alasaraa kya maanri akwe! Woko lwakwe usha mmbo lumanywo na usu, na iriso lyakwe lya woko usha lyiiluwo-fo! Woko lwakwe luve ufiri, na iriso lyakwe lya woko usha lyiparike.’”

SEKARIA 11:5

Yewo vakeyuura, neevashisha nkwiifo nndu akeerera nawo-fo. Na valya vekee kumba moonri yoo mmbo vakeyaamba, ‘Nndumi narumishwa. Ulaalu lwammba masimba.’ Nta na valya vakee veesi vawo mmbakeelollya-fo.

MEEKYENA 11:17

Neeny mmbo nsheolokaa shirere neewe, llyo nsheipoony kyenga kya mumuyo wafo shivarike wo, llyo nawo veepoo iryo yelyo ando amwi neewe, naambo kulalyiipo yewe kumuni.

MEEKYENA 11:29

Mose kammbia, A ndesa mmbo kwavatirya nkififi kimaruma kyakwa, mmbo kyeevaa kisha mmwasi kukooye vandu va Nndumi Iruva woose vevaa veeawuya fisuku na Nndumi Iruva navaniinge mumuyo wakwe.

Matayo 20:1

“Umangyi lwa iruveeu mmbo luvakye nndu muni kyeny alekwiipoo ngama nraasi nanderuuya varundi va efo nndeny wakwe wa misabibu.

Marko 13:34

Mmbo kyikee sheelyi nndu eenda kyaaro, kara mmba yakwe, kavikya mashinga alya akwe mumu wekallya findo fyakwe wo nndu kamwaavya ishora lyakwe. Na nringyi yeto wa poo kammbavasa nalale shoovi.

Marko 16:15

Nalyo kavavia, “Waryeny shia yeenda mundefika masangeny moose dang'a. Na wo kindo kyuumbe kiiyo kyoongoyeny Nrumi yeyo ya Iruva ya Nsia.

Marko 16:20

Naasa vandu valya vakakwiipoo vakandeamba mbony ta Iruva kundo koose. Na Nndumi kavakaya efo kirundyony kyawo. Na ngyende tilya tikavangisa ndera ilya vashaambaa.]

Luka 9:1

Naasa kavaanga valya ikumi na vavii vakuumbye ando amwi. Kavaniingya wiidimi na ushilyi lwa iitorya mimuyo mikasha myoose neeshisa vandu ndwari.

Mashora 11:19

Naasany na valya valenyanyaka kimaruma kya ngatara ilya ilevasheya kya mbony tilya ta Stefano, vakaipoo kyaaro vakafika Foinike, Kipro na Antiokia, nawo mmbalevambisa irero llya kuuta kwa Vayuda veni-fo.

Mashora 13:2

Naasa kyeeri yeva vekeevikya Nndumi miindye neetereva, Mumuyo Mweele kaamba, “Kyeshyuutyeny nng'u Barnaba na Saulo kya ishora lyillya shilevavaangya.

Mashora 13:4

Naasa vandu yewo veeriwa ni Mmumuyo Mweele vakandesokya na Seleukia, na kuuka-fo vakaira yeeveny vakandefika Kipro.

Mashora 20:28

Kwiiseny muveni, na ironda elyo nalyo, elyo Iruva alemuvika nnang'ani ya vayo naambo muve veelyisalallya, naambo mwidimi iisa siri ya Iruva, yeyo aleyuura na samu yakwe muni.

Mashora 22:21

Nawe kashivia, ‘Enda, mashika yeny nshekurumaa kweende kwaasha kwa vandu va masanga.’”

Mashora 8:4

Na valya valenyanyaka mmbo valeenda efo neefo vevambisaa Irero elyo.

1 Vakorinto 12:28

Na Iruva mmbo avikye varundi kunu siriny, va mbee ni varumi, vakavii ni veawuya fisuku, va kararu ni veelosha, vengyi ni ngyende, vengyi ni simbo teeshiisa vandu, vengyi va yeekyana, na uteteri na ngata ta fishomu.

1 Vakorinto 15:10

Lyo kyeendwa ni isarya lya Iruva mmbo shikee shaasa shikai inu; na isarya lyakwe yelyo lyileshisheya llyileva ruu-fo, mashika elyi shilekutakura nnu irunda shavailannya woose. Lyo nta nshi yeny-fo, kyaindi ni isarya lya Iruva lyishikaaye.

2 Vakorinto 6:1

Neese kimmba lukeerunda mashora ando amwi nawe lulawarye isarya lya Iruva kyikee kya ruu.

Vafilipi 2:21

Mashika vandu vengyi mmbo vakeeruuya mbony tawo veni, na nshi mbony ta Kristo Yesu-fo.

Vafilipi 2:25

Lyo shavelollya kuti iruma Epafradito kwany, akee mwanama wakwa, avekee mwaakana mashora ando amwi neeny, nsikari uroyaakwa, nawe ni nrumi waany na mwifurukannya filya fishitinnyi.

Vafilipi 2:30

Mmbo alefikya kufii ifwa kimaruma kya ishora lya Kristo, naambo tupu nainutye filya fyeyaanguye efo utaraminy lwany kwakwa.

Vakolosai 1:29

Neeny mmbo shikeekuvinisa nnu kimaruma kya irero elyo yeni, shavekutakura kiinani na iidimisywa ni yeto mwiirunda na finya nnang'ani yakwa.

Vakolosai 4:12

Epafra ulya wa kwany, nawe akee ishinga lya Yesu Kristo, amwiidikira, nawe mmbo akeevina nnu kimaruma kyany imuterevya, naambo mukooye isalala na ivanga nisha shaasa Iruva akundye.

1 Vatesalonike 2:9

Mashika-le vanavamaye veru, mmbo mukumbuye kya waataro na ngatara teru, mashika yese mmbo lulerunda mashora kio na nsanyiny naambo lulasheerovya nta nndu na kava vi, kyeeri ekyo lwekee imoongoya Nrumi ya Iruva ya Nsia.

1 Vatesalonike 5:12

Na kingyi-se vanavama, lukunndye mumanyi valya vakekwaatara kimaruma kyany, valya valemusalallya na irina lya Nndumi vemwikimbaa;

2 Vatesalonike 3:1

Na kya ifurumya, vanavama, luterevyeny, naambo irero lya Nndumi lyeende na mbee, nerumishwa kiwo shaasa kyikee efo kwany;

1 Timoteo 4:10

mashika mmbo lukee ikuvinisa nekwaatara kimaruma kya efi, mashika elyi lukusirye Iruva yeu muni muu, yeu avekee Mwiikira wa vandu woose, mmwasi yewo vakusirye.

2 Timoteo 4:5

Kyaindi yewe, va na mwiiyanu findony fyafo fyoose, sisirya makasha, runda ishora lya mwiivambisa Nrumi ya Nsia, kwiinutye urundi lwafo.

Filemoni 1:1

Ni yeny Paulo, mfingwa wa Kristo Yesu, na Timoteo mwanamaye weeru shakureiya yewe Filemoni nkunde weeru, mwaakana mashora yaa neese,

Vaebrania 3:6

lyo we Kristo, akee mwana, mwikallya mmba ya Iruva, yeto mmba yakwe ikee nnyo yese, lyo kwakooya luwaranaa nnu na ukaari lweru na itumbe lya ivereya lyeru fika mafurumyony.

Usukuyony 2:1

“Kwa nsu wa siri ikee Efeso reiya indi: Efi mfyo aamba yeto atiri nyinyiri yeto mfungare efo wokony lwakwe usha, mmbwe yeto akeerua-rua nnang'ani ya taa tilya mfungare ta saabu.