Luka 1:6 - BIBILLYA Mareiyo Meele a Iruva

⁶ Nawo vee vavii vekee vandu va usumanu efo usanguny lwa Iruva; veevallya na mavavaso moose a Nndumi na ngyufundo takwe valatiri nta mbese.

Kyaasa Kiiya

⁶ Nawo vee vavii vekee vandu va usumanu efo usanguny lwa Iruva; veevallya na mavavaso moose a Nndumi na ngyufundo takwe valatiri nta mbese.

Luka 1:6 Iomraidhean Croise

Mapookyony 17:1

Kyeeri Abramu ekee nndu wa myaaka makumi kyeenda na kyeenda, Nndumi Iruva kasheya Abramu kammbia, “Yeny ni Iruva Muni finya shoose; salala mbee yakwa kuve nsongovisi.

Mapookyony 6:9

Yaa nng'u marika a Noe. Noe kava nndu wa usumanu, nndu nsha efo irikeny lyakwe. Noe keenda ariani na Iruva.

Mapookyony 7:1

Nndumi Iruva kavia Noe, “Anga safininy ando amwi na va mmba yafo woose, mashika elyi shilelollya yewe kukee wa usumanu mbee yakwa nnang'ani ya vandu.

1 VAMANGYI 15:5

Mashika Davidi mmbo etana fya usumanu mbee ya usangu lwa Nndumi Iruva, nta nnyetana ulyamari nnang'ani ya filya fyoose evavaswa-fo, mikonu myoose ya muu wakwe, kulare ni fyeeri filya fye Uria, Mhiti.

1 VAMANGYI 9:4

Kwakooya kwashiindya na ishirundya kya wiindi, shaasa ndeye-afo Davidi, na ilatya mavavaso na wo kindo shaasa shilenkuvavasa.

2 VAMANGYI 20:3

“Shakutereva, woi Nndumi Iruva, kukummbwe ulaalu, myeengye yakwa usanguny lwafo na ngata shilerunda kya dede na usumanu yefo mashoreny akwa na yewe kumuni fikakusennya” Esekia kafua nnu nnu.

2 MBONY TA FYEERI 17:4

We mmbwe eendya Iruva ulya eendywa ni ndeye, kainndya mavavaso akwe, nta nnyelatya mikaaye ya vandu va Israeli-fo.

YOBU 1:1

Kweifo nndu umwi urukeny lwa Usi evaangwaa Yobu. Nndu yeto mmbo eekee nndu nsha na nsaari; mwiindya Iruva na ikwiisa na wo kindo kiravi.

YOBU 1:8

Nndumi Iruva kavia Satana, “Kulaifo nyinyira kwammanya kishinga kyakwa Yobu. Ulaniny nkuifo ungyi akee shawe-fo. We ni nndu nsaari, mwiindya Iruva na mwikwiisa na ukasha ngota.”

YOBU 9:2

N dede shiishi ni indo kikai. Indi nndu ashiidimaa inda iva nsaari mbee ya Iruva?

SABURI 119:6

Llyo nsheraa shilasuka Shiilolaa efyo kuvavasye.

Luka 1:7

Nawo mmbetiri mwana-fo mashika Elisabeti ekee nka kyuumba nawo vee vavii vemmikwa deny.

Luka 16:15

Nalyo kavavia, “Yeni mukee vandu vekwallwa va usumanu muveni efo fisanguny fya vandu. Indi Iruva mmbo amwiishi mirima yaany! Mashika yekyo kirose kunu vanduny mmbo kyava usutu efo usanguny lwa Iruva.

Luka 2:25

Nalyo akakau nndu akee kulya Yerusalemu na irina lyakwe ni Simion. Nawe ni nndu wa usumanu mwiindya Iruva. Kaveva nndu avereyaa kiviiryaa Israeli muu akee nkaye ni Mumuyo Mweele.

Mashora 2:25

Mashika Davidi alerera mbony takwe kaamba, ‘Shilelollya Nndumi mbee yakwe wo nkonu, mashika elyi akee taari ya woko lwakwa usha, shilashesinga-singa.

Mashora 23:1

Paulo kalola vandu va ikwaanu elyi karii, kaamba, “Vanavama, yeny shitiri nrima mwaa mmbo shilekaa mbee ya Iruva fika inu.”

Mashora 24:16

Neeny mmbo shikekwishivira yoo ufundony yelu naambo nrima wakwa ulawonise usakiro mmbee ya Iruva na mmbee ya vandu vengyi mikonu myoose.

Mashora 8:21

Nkutiri waavi nta kyenga yaa-fo, mashika nrima wafo mmbukunyiisye kwa Iruva-fo.

Varome 8:4

naambo filya mavavaso avavasye fiinutyo ni yese, luve lulaenda lwilatyaa mbony ta mwiili lyo lulatye ta nrima.

1 Vakorinto 11:2

Naasany nkemwitikisa, mashika elyi mukeshikummbwa kya findo fyoose, neeni mukatira mikaaye ilya ya mbee shaasa shilemuningya.

2 Vakorinto 1:12

Mashika nnduma weru nto yeu, ukureekyi lwa mirima yeeru kyeendwa ni weele na waa lwa nrima luukye kwa Iruva, nshi kya waarya lwa mwiili-fo, nkwii isarya lya Iruva, mmbo lulekaa yaa ulaniny, na mmwasi kyany yeni.

NKUMBUYE WA UVAVASO 5:33

Soreny shia yeyo sheni Nndumi Iruva, Iruva waany alemuvavasya, naambo mukie muu, neevikyo mbora, na suku tany tifumbuke kulya urukeny yelo musheluwaryaa luve lwany.

Vafilipi 2:15

naambo mukooye iva vana vesha va Iruva valatiri mbese, nta ulembi, mulatiri nta ntambo yaa irikeny elyi lyikee ilyang'a lyikeenda mwiiri, neeni elyi mukee nnang'ani yaawo mmbo mulollyo sha sa niini ya ulaniny yelu,

Vakolosai 1:22

kyeendwa mwiili wakwe llya alefwa, naambo namoomwi na yoo akai, muve veele, mulatiri kiteve nta mbese;

1 Vatesalonike 3:13

naambo navangise mirima yaany ikae ikee mivaramise ilatiri kyiteve mbee ya Iruva, Nde weeru, ivereye isha lya Nndumi weeru Yesu ando amwi na veele vakwe woose.

2 Petro 3:14

Kimmba ni indo, vakunde vakwa, kimmba muvikye nsia ilollya findo efyo, kutakureny naambo musalale iirikyony kyeyoora sheelyi mmutiri kiteve-fo nta ifiiya sony mbee yakwe-fo.

1 Yohane 2:29

Kimmba mwiishi we ni wa usumanu, manyiny sheelyi wo nndu atana fya usumanu mmbo aleirwa mmbwe.

1 Yohane 2:3

Kya ekyo yese mmbo lwammumanya, elyi lwaringa mavavaso akwe.

1 Yohane 3:7

Vana vadu, loleny kulave nndu amulemba, mwiitana usumanu mmbo atiri usumanu, shaasa we akee wa usumanu.