Luka 1:51 - BIBILLYA Mareiyo Meele a Iruva

⁵¹ Kava mwiitana fya wiidimi na woko lwakwe Katarakanisa yewo vatiri kyiila efo makusarony a mirima yaawo.

Kyaasa Kiiya

⁵¹ Kava mwiitana fya wiidimi na woko lwakwe Katarakanisa yewo vatiri kyiila efo makusarony a mirima yaawo.

Luka 1:51 Iomraidhean Croise

Mapookyony 11:8

Naasa Nndumi Iruva kavanyanyata vakwaani urukeny koose; valakidimese itana muri ulya.

Mapookyony 6:5

Kyeeri Nndumi Iruva alelollya uravi lwa nndu wa vandu ni uniini ulaniny na wo ikusaro lya nrimin wakwe mmbo lyikee iravi wo nkonu.

Mapookyony 8:21

Nrungo ulya wa kiraso ukasennya Nndumi Iruva. Nndumi Iruva kaamba efo nriminy, “Nshikidengaa-se uruka kimaruma kya nndu wa vandu fo, mashika makusaro akwe mmbo akee maravi uka ukoo lwakwe; nta nshisherumataa-se ekyo kyoose kikee na muu shaasa shiletana-fo.

SABURI 118:15

Ngyunyanga ta ifura na ta ukiro, Mmbo taitiwa kwa yewo va usumanu, Woko lwa Nndumi Iruva usha mmbo lwatana finiini!

SABURI 33:10

Nndumi Iruva mmbwe afuluta mirumbuye ya masanga, Na makusaro awo kaasasammbwa.

SABURI 52:9

Mmbo shishekwaana llung'anu, Kimmba ni yewe kuletana. Shivereye irina lyafo kimmba lyikee isha Efo nnang'ani ya vandu vafo woose.

SABURI 63:5

Nrima wakwa ukaishwa ifura. Na kana kyakwa shakwaarafuma.

SABURI 89:10

Nyewe kwepeeta nrwe va shoka ilya Rahabu, kwaiwaa. Woko lwafo lwa finya lukutarakanisa vakyiduva vafo.

SABURI 89:13

Woko lwaafo ni woko lutiri wiidimi! Woko lwafo lutiri finya! Woko lwafo usha lilemaarafumwa!

SABURI 98:1

Imbieny Nndumi Iruva kiimbo kiiya, Mashika mmbo atana findo fya wende, Kwa woko lwakwe usha we muni, Woko lwakwe weele llulemwengye ukyiro.

YUUKA 18:11

Ulaalu shammanya dede, Nndumi Iruva mmbo akee uwe ya maruva moose, yee, mashika Vamisri mmbo vekemutannya fya kinyala.”

ISAYA 40:10

Loleny, Nndumi Iruva waany ashaa na ukaari, na woko lwakwe ni ushilyi. Ashaa nataiye kya usumanu.

ISAYA 51:9

Kwipoo, kwipoo, voi Nndumi Iruva, kwalweekya, lweekye na finya tafo sha kyeeri kilya kya kasha, sha kyeeri kilya kwevinga ishoka lyilya lya yeeve lyavaangwa Rahabu.

ISAYA 52:10

Nndumi Iruva, aora paa woko lwakwe weele misony a vandu va masanga moose; na taari toose ulana tilollyaa ukiro lwa Iruva weeru.

ISAYA 63:12

Yeto alewatetera na woko lwakwe lwa usuri, na woko usha lwa Mose? Yeto alerauwa mura mbee yaawo, naambo nawe na irina lya llung'anu?

YEREMIA 49:15

Shakuvia mmbo shikwallwa n-du nnang'ani a masanga, kwiinyalwa kwiilannyi,

DANIELI 4:37

Ulaalu yeny Nebukadnesa, mmbo shikeerumisha na yiindya na yiitikisa Mangyi yei ya Iruveeu. Ekyo kyoose atana mmbo kyikee kisha na kya usumanu, nawe mmbwe atiri wiidimi lwa inyiisa yewo vekurosa woose.”

Varome 1:21

Mashika-le, kyeeri kilya valemanya Iruva mmbaleng'anisa sheelyi mmbwe Iruva nta imwaana-fo. Lyo mmbo valerekya efo uretiny, na mirima yeyo yaawo ya utondo ikawoywa niirema.

2 Vakorinto 10:5

Lukavika makusaro si na wo kindo kikurosye, kikurosaa uwe ya urango lwa Iruva; neese lukammiidima iwara wo ikusaro naambo lyiindye Kristo.

NKUMBUYE WA UVAVASO 4:34

Ao ni indii lyingyi Iruva alemeenda yuuta vandu urukeny lwa vandu vengyi eveesaa neewoora ngyende shiingyi na fira, kutani awoora findo fisheresee na woko lwa finya lweeresye nnu shaasa Nndumi Iruva, Iruva weeru alemutana yeni kulya Misri mwiilollye indi?

1 Petro 5:5

Kiwo-da na yeni mukee vakoo, irikyeny vamiku. Yee, yeni moose raeny ngata ya ikunyiisa, llyo mushidimaa irundyana nisha, mashika Iruva mmbo alema yewo vekung'anisa, lyo yewo vekunyiisa kavasimba isarya lyakwe.

Usukuyony 18:8

Kimmba ni indo ngapo takwe tishensheyaa nkonu umwi, ufu, na ting'wa, na shaa, nawe mmbo asherumatwaa deny ni muro. Mashika Nndumi Iruva yeto alemwaanduya mmuni finya shoose.