ISAYA 7:3 - BIBILLYA Mareiyo Meele a Iruva

³ Nndumi Iruva kavia Isaya, “Enda yewe na mwana wafo Shear-jashub kundekwaanannya na mangyi Ahasi. Kundekooya ando vakeesongosya soori, masiiyo a mfongo yeto usotaa mura wuuke yefo iruweny lya taari ya uroou.

ISAYA 7:3 Iomraidhean Croise

2 VAMANGYI 16:1

Kwikee mwaka wa ikumi na mfungara wa Peka mwana wa Remalia, llyo Ahasi mwana wa Yothamu mangyi ya Yuda, epooka ishillya.

2 VAMANGYI 18:17

Mangyi ya Ashuru karuma masiingo a vandu vakwe na vaniini vakwe va fira wooka Lakishi kwa mangyi Esekia kulya Yerusalemu amwi na itorito lya fira iniini. Nawo vakasaama vakafika Yerusalemu vakifika kulya vakasha isalala kufii na mfongo wa iruva irwa lya uwe llya lyikee kulya shia shiniini ya yeenda imungony lya Dobi.

2 VAMANGYI 20:20

Mbony toose ta Esekia tilesaa-fo, na widimi lwa mashora moose, na ngata alesongosya kirori kya mura na yeende mura kafita muriny mmbo filakee fireiye yefo kyitabuny kya mikonu kya vamangyi va Yuda?

NEHEMIA 3:16

Numa yakwe ni Nehemia mwana wa Asibuki, nshilyi wa kyenga kya muungo wa Betsuri fika alya taari iiduvani na fifu fya vafyari va Davidi, fika alya firoriny filesumwa, kundekooya mmba ya vandu vakaari vakee vasikari.

YUUKA 7:15

Enngya Farao ngama, kushenkooyaa esheendaa mureny, neewe mmbo kushesala-laa yoo waambe-u lwa mura naambo kukwaanannyi nawe, na mbiiri ilya ilealuka shoka kweende nayo wokony.

ISAYA 10:21

Valya vaangu vashekooywa-fo mmbo vashewuyya Iruva waawo muni finya.

ISAYA 22:10

Mukalola wo ando yefo mmba ta Yerusalemu na tingyi mukawunndwa naambo muute-fo mawe eesongosya masimamba a muri.

ISAYA 22:11

Mukatana irrwa lya mura nnang'ani a muri, naambo lyive irrwa lyeeletya mura ushuuka kulya irrweny lya kasha. Indi mmwesara kya nndu yeto erunda ishora elyo, nta yeto eniingya ikusaro lya mbee-fo.

ISAYA 36:2

Mangyi ya Ashuru karuma ironda iniini lyuuka Lakishi vakafika Yerusalemu kwa mangyi Esekia. Nsongoru wa ironda lilya kasalala ando a kidooro alya maavyony a shia.

ISAYA 55:7

Nndu nkasha nare shia yakwe, Na nndu nalakee wa usumanu nare makusaro akwe; nawuyye Nndumi Iruva, nawe allyillye, nashe kwa Iruva weeru, nawe ansaryaa-deny.

ISAYA 6:13

Naakwa vasaa-u vandu kyenga kyimwi kya ikumi mmbo vashemamittwaa, yewo mmbo vashevaa kyimwi sha nri wammanywa lyikasaa-u isinde. Isinde yelyo ni mbeu sheele ya muu mwiiya ya vandu va Iruva.”

YEREMIA 22:1

Nndumi Iruva aamba indi; “Oloka fika mmba ya mangyi ya Yuda, kwarerya-u irero elyi kwaamba,

Varome 9:27

Isaya nawe kaonisa unyanga lwakwe kya Israeli, kaamba, “Yeekyena lya vana va Israeli, na kyikava nsha nsanga wa yeeveny, ni nsaaro wawo mweni vashekirwaa.