Biblia Todo Logo
Bìoball air-loidhne

- Sanasan -




ISAYA 2:2 - BIBILLYA Mareiyo Meele a Iruva

2 Isheshaa mikonu ifumbuu lya mmba ya Nndumi Iruva lyisheikarwaa lyisheva ifumbuu yaasha lyiilannyi mafumbuu engyi moose, mmbo ushesaleeswaa nnang'ani ya fidooro, nato mmbo ushelatywaa ni masanga moose.

Faic an caibideil Dèan lethbhreac




ISAYA 2:2
56 Iomraidhean Croise  

Yakobo kavaanga vana vakwe, kavavia, “Kusanyiryeny mushe shimuvie findo fikaa fimukooye elyi mikonu yeefurummya.


Shiishi nanshushwa mwiikira wakwa eefo na muu, Ufishyony we mmbo ashiniingaa usumanu lwakwa yaa kweni ulaniny.


Nndumi Iruva ammaangura finya takwa shikee nkoo, Amfiisa suku takwa.


Shitereva na yeny shikuniinge isanga lyoose lyive dingu yafo, na loose uruka luve masaa-afo.


Mmbo masanga moose ankummbwaa Na iwuiya Iruva-mwitorya, Mmba ta masanga moose vashemfirya-ndi.


Mashika Iruva Mwitorya ni mangyi, Nawe kashillya masanga moose.


Ifumbu lya Sioni lyikee taari ta ndoo mmbo waasha lwayo lyasennya kyuumu, muri wa mangyi ing'ani ni ifura lya ulana loose.


Aryani na mamwiingyi wa vandu, Fiku na mafiku a mitika ashoomwaa, Ni Nndumi akeesha kyeny kwakwe kweele ooka Sinai.


ashillye kupookya yeeve, kundefika yeeve, Na mura Eufrate kundefika masiiyony a ulana.


Vandu va masanga kulevaumba, mmbo Vashaa ikufiirya-ndi Yewe Nndumi Iruva, Mmbo vashearafumaa irina lyafo.


Iruva mmbo aletannya mmba yakwe Uwe ya ifumbu lyakwe yeele.


Nndumi Iruva mmbo akunndye muri wa Sioni Ngota marembo engyi a Yakobo


Kusheesha nkonu ashesaaleeswa mangyi ooka efo ufyariny lwa Yese nave mangyi asheinndywaa ni masanga moose.


Yaandi ifumbuu lya Sioni Nndumi Iruva munifinya ashedeesya shoonga ya masanga moose a ulaniny, Shoonga shisha na mfinyu.


Elyi nkonu yeto usheshaa mmbo wombe lushekapwaa lweevaanga vandu woose wooka Ashuru na Misri Vaisraeli woose kundo vakee ushingeny. Mmbo vashaa isheinndya Nndumi Iruva uwe ya ifumbuu yeele kulya Yerusalemu.


Indi yeni vandu va Yerusalemu mmbo mushefuraa na yiimba sha kyeeri mulele rembo mwikyesaa kyeeri kya sukukuu. Mmbo mushiishwa ifura sha vandu vasheenda veeshiimba na iranda yelyi veefo vasheenda ifumbuu mmba ya Nndumi Iruva nringyi waawo.


Eeda Nndumi Iruva aamba indi, “Ni kindo kyaangu yewe iva ishinga lyakwa naambo kuinwe ngyufyari ta Yakobo, na ivaviira vandu va Israeli, vasurumi; na kya mmwaasi shishekuutaa kuve sa ya va ulana; kuve nkira wakwa fika ufishony lwa ulana.”


mmbo shivaniingaa kyeny kwakwa, na nnang'ani ya fiambaso fya mmba yakwa, ikummbwa na irina lyikee isha ngota iva na vana va kyika na va kyuumi; mmbo shivaniinga irina lyikaa llung'ani, mmbo lyilasherwaa sakyeny.


Nawo mmbo shiveende fika ifumbuny lyakwa yeele, na ivaniinga ifura efo mmba yakwa ya iterevya, firaso fyawo fyekora na muro na fyeersya mmbo fishiirikywaa efo meseny akwa; mashika mmba yakwa ivaangwa mmba ya iterevya mmasanga moose.


Na masanga asheyaa sa yafo, na vamangyi vashe seny ya isha lyafo.


Indi yeni mukeera Nndumi Iruva, na irekywa ifumbu lyakwa yeele, na yaala mesa kimaruma kya ionisa pule, na ishurya fiiya fya mfinyu ukeensasande;


Nawo vasheende vana vamaye vany woose uka masangeny koose, iva kiraso kwa Nndumi Iruva, na uwe ya frasi na mitika, na fitara, na uwe ya nshungu na mafisi, fika ifumbuny lyakwa yeele Yerusalemu, ni Nndumi Iruva aamba; shaasa vana va Israeli vakeyeende firaso fyawo mmba ya Nndumi Iruva na kiiya kisha.


Na mmbo mwiiri mwiiya na Sabato fika sabato, vandu woose vashevaa na wiindi mbee yakwa, ni Nndumi Iruva aamba.


Woi Nndumi Iruva, finya yakwe na turuve yakwa, kyirishony kyakwa kya nkonu wa nkyiva, masanga mmbo akusheyaa ooka taari toose ta uruka veeshaamba: “Vamiku veru mmbatiri ding'u ingyi kuuta-fo wongo-fo, findo fya mwaala filatiri mbusha.


Ngoo ya Nndumi Iruva nnyitiyyaa-fo fika yatana na imaa fya makusaro a nrwe wakwe. Mikonuny ya mafurumyony musheimanyaa nisha.


“Mikaya Mmorashti nnyeawuya fisuku mikony ya Hesekia mangyi ya Yuda kavia vandu woose va Yuda indi; ‘Nndumi Iruva wa matorito aamba, Sioni mmburemwa sha rema, Yerusalemu mmbushaaluka mbillya ya sama, na ifumbu lya mmba shaasha mbillya.’


Elyi kyeeri ekyo kishaa muri wa Yerusalemu mmbo ushevaangwa kitima kya Nndumi Iruva, na masanga moose nashekuumbya-u, usanguny lwa Nndumi Iruva yefo Yerusalemu, mbashekisoraa umbafu lwa mirima yaawo miravi-fo.


Nalo llushemandaa-fo kutani lwatana ekyo lwasheyaa. Mikonu yeyo ishaa elyi vandu vakwe vashemanyaa eki nisha.


Mmbo veewuya vishiimba na nsia yoo ifumbuny lya Sioni veefuraa na mbora yakwa mbora ta nswa na mfinyo na mafura. Moonri na ng'umbe Mmbo vavakaa irema lyikee inise nisha, vawoni wo kindo kivating'aa


Indi, elyi numa, Moabu ishefwaaywa, kyeeri nkonu yeto ushefikaa ni Nndumi Iruva aamba.” Yaa nng'u umando lwa uvingo lwa Moabu.


Indi fyeeri fisheshaa numa shisheviiryaa Elamu umasi lwawo, ni Nndumi Iruva aamba.”


Nshekaba Beli iruva lya Babilony, kutani araaka efyo alemmira fyuuka efo kaniny kyakwe kulakaa-fo masanga allatya lyingyi isimamba lya Babilony lyammbwa.


neewe kushesaama uwe ya vandu vakwa Israeli sha ifishi lyisikyaa uruka. Kyeeri kyeefurumya, shishekweende kukapani na uruka lwakwa yewe Gogu, naambo masanga akooye ishimanya yeny, kyeeri shisheworaa paa weele lwakwa kwafo mbee ya usangu lwawo.


Ngata shelollya, Iruva mmbo esheende kandeshivika uwe ya ifumbu yaasha nnu alya masasa, mbee yakwa kukava-fo mmba taari ya sinde tikavaka muri.


Ulaalu mmbo shisheye ikuvia findo fikaa fishe elyi numa. Eti ni mmbony ta mikonu eyo ishekaa ishe.”


Lyo kwiifo Iruva wa Iruveeu yeto mwisukkwa fyama fyoose. Mmbwe aleora Mangyi Nebukadnesa findo fikaa fishe. Ulaalu mmbo shikutambashuyaa kindo kilya kuloorya kwiilele.


Fya uteeri, arera, fesa na saabu, fyoose fikasewa fikava kiluulyi, fikavaka nswa mmamiri wa uuru. Naasa uraato lukasha llya-yeni lukavivita-u kiluulyi kilya, nta kulamanyaa kweiyo kindo. Lyo iwe llya lyikang'ana sha ifumbu lyikasikya uruka loose.


Ndesa kulelollya iwe llya lyikuruka yeni kulore lyapaanwa nkindo, na shaasa lyilefisha-fisha ifwanu llya lya minya na arera na uteri na fesa na saabu. Iruva Nniini mmbo akuvia Mangyi mmbe, Nndumi Iruva mmbo akuvia kindo kisheshaa numa. Shankuvia fyoose shaasa kuleorya, shavekutambashuya na urango lwavayo loose.”


Na nkonu usheshaa elyi vashewuiyaa Nndumi Iruva waawo, neeto aukye efo kwa Davidi nave mangyi yaawo. Vairyaa Nndumi Iruva vawaryeny mbora takwe.


Uruka loose mmbo lushevaa urambalalyi kupookya Geba kundefika Rimoni, kulella taari ya sinde ya Yerusalemu. Muri wa Yerusalemu mmbo ukaa yoo ukai, kupookya mwaango nniini wa Benyaminy kundefika mwaango ulya wa kwambee, kundefika mwaango wa ilemmyony (alya ilemyony lya ngiri kufiitani na alya kweekee mwaango wa kasha, kuuka alya urorony lwa Hanareli kundefikya alya vakammya kyaanka kya mangyi).


Nndumi Iruva mmbwe ashevaa mangyi ya ulana loose; wo umwiamwiindye sha Iruva nkonu yeto mmbo ashevaa umwi na irina lyakwe lyimwi.


Na yeny shimuni nsheendaa, na vandu veengyi na masanga atiri finya mmbo vashaa iruuya Nndumi Iruva muni matorito kunu Yerusalemu naambo vawonise mbora ya Nndumi Iruva.


Yeny mmbo shiwuya muriny wa Sioni shishevikaa marembo akwa yoo Yerusalemu nnang'ani. Yerusalemu mmbo ushevaangwa muri wa usumanu, na ifumbuu lyakwa yeny Nndumi Iruva muni matorito, mmbo ushevaangwa ifumbu Yeele.


Neeni mmbo mushevaa va ngoma mbee ya vandu va masanga engyi moose, kimmba uruka lwany lushesenyaa nnu deny. Ni Nndumi Iruva muni matarito aamba indo.


Naasany, ulaalu mmbo nkeesora vandu vakwa, na ulaalu ra shikuvie findo vandu yeva vashetannyaa vandu vafo yoo mafurummyony.


‘Mmbo kyishevaa mikonu yeyo yeefurumya, ni Iruva aamba, mmbo nshepusuyaa vandu woose Mumuyo wakwa, na vana vany va womi na va kyeny, vasheambaa fisuku, na vana vakoo vashelolyaa ngyende, na vamiku vasheoryaa moorya.


Lyo manya mbony yei, sheelyi kyeeri kya ifurummya mmbo kusheshaa mikonu yeeresye.


Matika yaa a ulaalu mmbo arera neese na shia ya Mwana wakwe, yeto alemmbika nave muya ding'u wa fyoose, na kyeendwa mmbwe kaumba ulana loose.


Mwimanyaa mbele irero lya elyi kya yaamba elyi mikonu ya ifurumya mmbo vasheshaa vandu va kinyala na vetatala, vesoraa lango tawo veni.


Nnsu wa mfungare kakapa iranda, kukaitiwa ngyunyanga niini iruveu tishambaa, “Umangyi lwa ulana ulaalu mmbo lwammaa iva umangyi lwa Nndumi weeru llo na lwa Kristo wakwe, nawe mmbo asheshillyaa llung'anu na llung'anu.”


Numa shalollya fitima fya itumbe, vakakaau rembo, vakautyo uvingo, na yeny shalollya mimuyo ya valya valerumbuwa mirwe kimaruma kya ukureekyi lwa Yesu, na kimaruma kya irero lya Iruva, na yewo valashiindyaa ifisi llya nta ifwanu lyakwe. Nta valandewarye wende lulya yoo fisanguny fyawo, nta efo maakony awo; nawo vakakaa na muu, vakashillya ando amwi na Kristo ando a myaaka kyiku.


Lean sinn:

Sanasan


Sanasan