Biblia Todo Logo
Bìoball air-loidhne

- Sanasan -




ISAYA 10:3 - BIBILLYA Mareiyo Meele a Iruva

3 A mmbo kushetanaa-kyi nkonu yeto wa ngapo, nkonu yeto uraato uniini lushemusheyaa luuka kwaasha? Ni kwa-vi musherishyaa itereva-fo weekyi? A mmbo masaa any musheasurumaa kwavii?

Faic an caibideil Dèan lethbhreac




ISAYA 10:3
40 Iomraidhean Croise  

Naasa Yakobo keeta marero a vana va Laban veshaamba, “Yakobo mmbo aleipoo masaa moose a-nde weeru, na kyeendwa mmasaa a-nde weeru mmbo ammbonisa usuri elu loose.”


Nawo vakavalatya vakafika mureny wa Yordan apaakitimu, ate shia shoose mmbo yekemika mika soori amwi na fia filya fya poo valeerya-efo veenshaa. Nalyo nrumi ulya kawuya kandevia mangyi.


Nkyoki shitanaa Iruva kanshikulumba? A ndesa nshirouwaa kyi?


Usimba llushekyaa kindo nkonu wa unyafi-fo, Indi usaari llukiraa nndu na ufu.


Kapeny kyiiyo mashika nkonu wa Nndumi Iruva ni kufii ukai, mmbo ukeesha ngapo yuuka kwa Nndumi Iruva atiri finya.


Nndumi Iruva aamba, “Itumbe lya Yakobo mmarama llung'anu lyishetuulwa na umasi lwa vayo lusheva nguya.


Elyi kyeeri ekyo kishefikyaa, vandu woose vafiitani na yeeve lya Filistia mmbo vashaambaa, ‘Loleny kindo kileutika kulya kwa vandu valya lweevavikye nsia, sheelyi vashiidimaa ilweekya isika Nsongoru wa Itorito wa Ashuru! Ulaalu mmbo lukkyaa kyikwi?’”


Vandu yewo mmbo valemfwa nta mmbeefo na muu-fo, vammba varumu nta mmbarukaa-fo, mashika mmbo kulevarumata kushu; nkwiifo nta umwi ashevakummbwa lyingyi-fo.


Nndumi Iruva akeesha ooka efo kyeny kwakwe iruveeu kya ngapo ya vandu va ulana kwa mitannyi yaawo mikasha. Ivautya uvingo valya valewaa vandu kirika mmbo vashemanyika paa na valya valewaawa nawo ni kiwo.


Mmbo mushevakaa nndu wa kyaaso, akunndye ikoorwa yoo kitareny, lyo kitara nkifii kikailannya, ao ikusikya na isullya lyikee idu lyikailannya.


Nndumi Iruva wa matorito mmbo ashekweekya, mmbo ashaa na iruruma kidina-si na unyanga uniini, kitita-si uraato lung'ani na muro urumataa.


Kilasha, mmbo mulaamba, ‘Oode, yese mmbo lusaama frasi tiishi irisha.’ Kyasia mmbo musaama frasi tiishi irisha indi frasi ta vakiduva vany mmbo tiishi irisha tikamwiilannya.


woose mmbo vashesutwaa amwi neewo valashiidimaa ivaniinga weekyi nta mbusha kuuta kyiila na usutu.”


Mashika weekyi lwa Misri llutiri kindo lushiidimaa iveekya-fo. Kweekyo shafishya Misri irina, “Ishoka lyilatiri finya!”


Valyamari vakee Sioni mmbo vakeyeereya; yewo valakee iinndya Iruva, mmbo vakererema na yaamba, “Ni-vi ashiidimaa iserikya muro yeu nnyasi? Ni-vi ashiidimaa isisirya fipala-pala fya muro ularumikaa llung'anu?”


Naasa nkisuku Isaya kaengya mangyi Esekia kammbesa, “Andesa vandu eva mmbo vaamba inda? A nkwi valeuka vakasha kwafo?” Esekia kaamba, “Vandu mmbaleuka kwaasha; valeuka Babilony.”


Mmbo vakeevereywa kwa uroo uniini efo kwa varumu, veambirye kana fika yuunduny. Masiingo a vandu sanda na vandu va mwiina va Yerusalemu mmbo vakeyaanga nafo makamba kwa makamba, na valya vengyi woose vakee ifureny.


Nndumi Iruva kasinnya vandu va masanga a kwaasha, kavakapya mwiiri vandu wooka ngyuruka tingyi, nawo vakakwiipo vakaafukya veerishaa!


Yeny nshikuruuya veelyamara wo umwi na fisha fyakwe; vamannye-si mieresi yafo misha nnu vayaate muro.


Woo, yewe kukee nrapu, A nkyiriye yaamba kyi elyi kukweerye masara mesha indo, kwaraa fipulyi fya saabu, na miso kwang'anisa na fwana shive? Nkwakutokopa ruu. Vakunde vafo mmbo vakuminnye; mbakeeruuya muu wafo.


vakisuku mmbo vakeerera wongo, na vakohani vakasora irero lyawo; vandu vakwa mmbo vakundye yeenda indo, lyo nkyokyi vashetana elyi umando lushaa?


A shiraa shilavakapa kya findo efyi? Ni Nndumi Iruva avesa; a shitaiyyaa-se kyiduva isanga lya ngata yei?”


Kyeeri Israeli alelollya ndwari yakwe muni na Yuda kalollya fishavere fyakwe muni. Israeli keenda Siaria lukee uruka lutiri finya nanderuuyafo ngarami, lyo nalaoni-fo mwishiisa fishavere fyakwe-fo.


Elyi kyeeri kisauwe kisheshaa kya yuutya Nndumi Iruva mirumwa na sukukuu, mmbo vashentannya-ki?


Kyeeri kya urumato llyo kyansha, vawonise weesi lwawo. Kwakooya kyautika indo llyo Israeli ashemanyaa kyammukooya. Mmbo mwaamba “Nkisuku yeu ni nrung'ani, kava nsukwa.” Eni vandu mushisuuye nnu kyeendwa nngyulyamari tany ing'ana nnu.


Mmbo ushevakaa elyi nndu arisha miiso kakwaanannya na ngare! Ao sha nndu eemurisa woko lwakwe yoo isimambeny, kamaarwa nshoka!


Yeto waawo akee nsha ngota vengyi mmbo akee wa tangalu ngota mooro wa mambaru! Ulaalu nkonu wamfika Iruva nakape vandu shaasa wiikimbi lwa varingyi wo vakisuku lulesongwa yaamba. Ulaalu vamfulukyo deny.


Nkonu eto Nndumi Iruva asheoraa paa unyafi lwakwe, nta fesa yaawo na saabu yaawo nnyishevakiraa-fo. Ulana loose mmbo lushelyamarwaa ni unyafi lwa Nndumi Iruva, nndu moose akee ulaniny mmbo asherumatwa.”


Nawo vakuwunduye si vakusande na vana vafo va efo nnang'ani yafo, nta mmbasheraa-u iwe lyikweekyerye iwe uroye wa vayo-fo, kimmba kwanra kulamanya kyeeri kyafo kya isengerwa.”


Nawe Nndumi Iruva ashekurikya vandu wooka kwaasha vashe sha uviri nta kulamanyaa kishomu kyawo;


Kaeny na ngaa shisha efo kwa vandu va masanga, naambo kwakooya vamweekerya fya wongo sheelyi mukee veetana makasha, elyi valolaa mikaaye yaany misha, vang'anise Iruva elyi nkonu ufikaa.


Lean sinn:

Sanasan


Sanasan