ISAYA 1:4 - BIBILLYA Mareiyo Meele a Iruva

⁴ Yeni Isanga ilyang'a! Vandu valyamari va ngyeeri ya vandu valyang'a, vana mutanaa makasha! Mulelema Nndumi Iruva waany, mukeenyala yeto Mweele nnu, mukankapa mungo, Nndumi Iruva wa Israeli.

ISAYA 1:4 Iomraidhean Croise

Mapookyony 13:13

Kyeendi vandu va Sodoma vekee varavi, vakatanya Nndumi Iruva ngyulyamari shiingyi nnu.

2 VAMANGYI 21:22

Kafuluta Nndumi Iruva, Iruva yeto wa vandeye nta nalakunde ilatya shia ya usumanu ya Nndumi Iruva.

2 MBONY TA FYEERI 12:1

Kyeeri ushilyi lwa Rehoboamu lwevanga na itira finya, we amwi na vandu vakwe Israeli vakara-u yiindya mavavaso a Nndumi Iruva.

2 MBONY TA FYEERI 27:2

Yotamu mmbo evaka ndeye kwa mitannyi yakwe; ikasenya Nndumi Iruva. Indi-lyo nnyaanga mmba ya Iruva-fo. Vandu vakeengera itana fya ulyamari.

NEHEMIA 1:7

Mmbo lulekulyamarya keengi nnu deny, nta lulalatye mavavaso afo, na usumanu lwafo, shaasa kulevavasya nsero wafo, Mose.

SABURI 58:3

Mmbo vekee vakasha kulaore vemmbonika; Vakaamba wongo kupookya mawonikyony awo.

SABURI 71:22

Mmbo shishekurumishaa na fivale, Kimaruma kya ilyillya lyafo yewe Iruva wakwa, Shishekwiimbya na sese yewe kukee mweele wa Israeli.

SABURI 78:40

Nkeengyi valemfuta kulya nng'alo Na imweengye iswa kulya kasa.

SABURI 78:41

Mmbo valeesa Nndumi Iruva keengyi, Vakeengye eto Mweele wa Israeli iswa.

SABURI 78:57

Indi mmbalekapa Nndumi Iruva mungo sha vandeye vawo, Vakasinga-singa sha ura lulakee wiinive.

SABURI 78:8

Valasheeva sha vandeye vao, vandu vatiri nriya na mbafu Irika lletiri isingasinga; lliletiri usaari kwa Iruva.

SABURI 89:18

Mashika ngoo yeeru ni Nndumi Iruva, Na umangyi lweru ni lwakwe we Mweele wa Israeli.

YUUKA 32:7

Nndumi Iruva kavia Mose, “Kyasia, oloka, mashika vandu valya vafo kulevauta kulya Misri ekawo vankutefusa wo veni;

ISAYA 1:23

Vasongoru vany vakakulunga na manyinyi vakaakana nawo. Wo umwi kakunda iwarya findo fya kisurukumu, neetereva findo fya pya. Mmbakekyikapannya ngwera nta vaka va ding'u-fo.

ISAYA 1:28

Vandu mbafu na valyamari woose mmbo vasherumatwaa na lyimwi, neewo vasheenda kilasha na mavavaso a Iruva woose vashewaawa.

ISAYA 10:6

Mmbwe shilenruma nave ngapo ya isanga elyi ilyang'a isanga lyitiri kyiila lyikapwa na ikamarwa mifungwa, vakakashwa sha iposhi efo shia.

ISAYA 12:6

Oniseny unyanga mwiimbe kwa unyanga uniini na ifura yeni vandu va Sioni! Mashika yeto mwiitana finiini nnang'ani yaany mmbwe Iruva mweele wa Israeli.”

ISAYA 14:20

Lyo yewe mmbo kurikwaa kyimwi shawo, mashika mmbo kulelyamara uruka lwafo kwawaa vandu vafo, yewe na va mmba ya vakasha varekyeke kushu.

ISAYA 29:19

Yewo veekunyiisa na vaturi vashekooya ikyesa wiiya efo kwa Nndumi Iruva, na yewo vakee vaturi vashekapaa nndoro wiiya kimaruma kya Iruva wa Israeli.

ISAYA 3:8

Mashika Yerusalemu yankapa urende na Yuda yammbwa, mashika mirerye na mitannyi yaawo mmbo ikee kilasha kya Nndumi Iruva, mashika kuleefo weerei mmbo vakeetatala Iruva.

ISAYA 30:1

Nndumi Iruva mmbo aamba indi, “Woshiny ni lwa valya valeshimina, yewo vakeerunndya uramba lwawo lulakee uramba lwakwa, vakeevikyana fyaasa kilasha na uramba lwakwa, vakaummbya ulyamari uwe ya ulyamari.

ISAYA 30:15

Nndumi Iruva Mweele wa Israeli; aamba: “Mukashiwuuya neekusirya-u, mushekirwaa kwa waarya neeshivika nsia mmbo mushekooya finya indi yeni mmulekunda-fo.

ISAYA 30:9

Vandu yeva mmbalyang'a mmbandu vashaamba wongo valakunndye yaarannya miloshye ya Nndumi Iruva.

ISAYA 31:2

Iruva atiri urango mmbwe eende uraato, kindo anrummbwa nkyaalashikaa-fo, ngapo ta vandu veesi na valya woose vakee taari yaawo ni kwakwe tuukaa,

ISAYA 37:23

A ni vi alemwaarara na insakira. Nkukeinwa miso afo na unyanga lwafo kwa vi? Ni uwe kwa mweele wa Israeli.

ISAYA 41:14

Kulairyee Yakobo kukee sha ikuru, neeni vandu va Israeli, yeny nshamweekyaa, “Ni Nndumi Iruva aamba; na nkira vafo ni mweele wa Israeli.

ISAYA 41:16

Kusheveela, na uraato luvavite, lushevanyanyata, neewe kushefura kya Nndumi Iruva, kusherumisha mweele va Israeli.

ISAYA 41:20

Naambo valollye, vamanye, vakusare na iitumuso sheelyi woko lwa Nndumi Iruva lwatana indo. Mweele wa Israeli mmbwe atannyi fyoose.”

ISAYA 5:19

Mmbo vakeyaamba, “N-lekeyeny naangusye irunda, aitike irunda mashora yoo akwe, naambo neese lulollye; ra Iruva mweele wa Israeli ainutye mashora akwe, naambo neese lumanyi ekyo akusarye.”

ISAYA 5:24

Ndesa kipala-pala kya muro kyamamita mamburu moomu, ndesa mare moomu amamikaa kipala-paleny kya muro niindo miraari ya-vayo ishekooya ipwaa na fivaro fya-vayo fishevivittwa uwe sha kiluulyi kimaruma elyi vaimmbwa ivavaso lya Nndumi Iruva wa matorito, vakamina wiikyimbi lwa yeto mweele wa Israeli.

ISAYA 57:17

Kimaruma kya ulyamari lwa lango takwe shiletirwa ni unyafi, shankapa, shasuruma kisangu sharosa unyafi; nawe keengera iva nnriiti, kalatya shia ya nrima wakwe muni.

ISAYA 58:2

Indi vakeshiruuya wo nkonu; vakundye imanya shia takwa, sha masanga alya aletana usumanu, valare ivavaso lya Iruva waawo, nng'u mavavaso a dede kwakwa, wakafura ikaa kufii na Iruva.

ISAYA 65:11

Indi yeni mukeera Nndumi Iruva, na irekywa ifumbu lyakwa yeele, na yaala mesa kimaruma kya ionisa pule, na ishurya fiiya fya mfinyu ukeensasande;

ISAYA 65:3

vandu usanguny lwakwa kyeeri kyoose, irasya nndeny na ikorya ubani maweny;

ISAYA 9:17

Kweekyo Nndumi Iruva nnyatiri isarya lya vakoo-fo nta ilyillya ngwera na vaka va ding'u-fo, mashika woose mmbo vakee kilasha na Iruva; woose mmbo vakeeyaamba wongo. Naakwa nnyendo nyashi ya Nndumi Iruva mmbo ikeengera isaama na ngapo tikeengereka.

YEREMIA 15:6

Mmuleshilema na yeengyera ishikapa mungo, ni Nndumi Iruva aamba; kweekyo shammoorrwa woko lwakwa shimumamite; nshammaaraa imulyillya.

YEREMIA 2:13

Kimmba vandu vakwa valetana ngyulyamari ivii: mmbo valeshikapa mungo, usoka lwa mura wa muu, na isuma firori fyawo, firori fidoshikkye filashiidima itira irony lya mura.

YEREMIA 2:17

A nshimulekweengye muveni ngatara yei mukyikapa mungo Ndummi Iruva, Iruva waany, llya evasongoya yefo shia?

YEREMIA 2:19

Uravi lwafo kumuni llo lushekukapaa, na elyi kuleshikapa mungo nkishekuukya uvingo. Manyisywa na ilolya sheelyi ni uravi na uvavisi kwany ikapa mungo Nndumi Iruva, Iruva waany; ishiindya llyikee nnang'ani yaany-fo, ni Nndumi Iruva, Iruva wa matorito aamba.”

YEREMIA 2:31

N a yeni, yee ngyeeri ya vandu, arannyiny ni irero lya Nndumi Iruva. A yeny mmbo shileva kasa koomu kwa Israeli, ao uruka lwa ireema yuu piti? A nkyokyi yekyi kyeengye vandu vakwa vakaamba, ‘Lwammba valeke, llukyishaa lyingyi kwafo?’

YEREMIA 2:33

A ni kyisha inda mulesongosya shia tany ta iruuya vakunde! Indo naakwa ni vaka varavi nkwambalosha shia tafo.

YEREMIA 2:5

Nndumi Iruva mmbo aamba indi, “A ni ukasha lwa ngata kyi vamiku vany vekooya kwakwa naakwa vanderishya kwaasha neeny vakendelatya maruva a tangalu, vakaaluka tangalu sha-fyo.”

YEREMIA 32:32

Nkimaruma kya uravi lwa vandu va Yuda na Yerusalemu, na vammangyi vawo na vasongoru, sanda na vakohani na vakisuku vawo.

YEREMIA 50:29

Vaange yewo veekaba mife, vashekaba Babilony, rumeny wo nndu eto eeshi ilema ura. Mulyingillye muri kulave-fo nta umwi aturunyaa, mushentannya ngata aletannya vengyi, mashika kwa umbafu lwakwe mmbo aleela Nndumi Iruva, Mweele wa Israeli.

YEREMIA 51:5

Yeny Nndumi Iruva wa matorito, nshilerekywa kya Israeli na Yuda-fo; lla neelyi valenshilyamarya kyifye indo, yeny mweele waawo Israeli.

YEREMIA 7:19

A ni yeny vakeshiuta usiro? Ni Nndumi Iruva avesa. A shivakuuta usiro na ikweengye sony wo veni?

YEREMIA 7:26

indi mmbaleshaaranya-fo ao iloota maarwi, lyo vakanangisa nriya, vakailannya vande vawo ilyamara.

ESEKIELI 14:5

Naambo shiidimi yuumbya mirima ya vana va mmba ya Israeli valya valennyanyaka kyeendwa ni maruva a wongo.

ESEKIELI 16:33

Womi mmbo waniinga masonga findo, lyo yewe kukeeniinga womi naambo washe kwafo. Kwava nka kuruuya womi, ando a womi ikuruuya yewe; kwaruuya vakutuuse.

ESEKIELI 16:45

Kya dede yewe mmbo kukee mwana-mfu wa nka asuuye mmi na vana vakwe, yewe mmbo kuvakye vefu va mau, yewo vasuuye womi na vana vawo. Mau ekee Mwiti na ndoo ni Mwaamori.

DANIELI 9:11

Israeli woose mmbo valefisha mavavaso afo, neelema yaaranya kilya kulaamba. Mmbo lulekulyamarya, llyo kulelurikya ngapo tilya tikeeshireiye efo mavavasony a nndundi wafo Mose.

SEFANIA 1:6

Mmbo llyamara ewo woose vashikapa mungo, nta valakishilatyaa, naakwa nyewo valashaa kwakwa vashitereva ivatetera.”

MEEKYENA 32:14

Lola ulaalu neeni mmbo mwawuya alya a vande vany, nnyo mikaaye ya vandu varavi, naambo mwaante-se unyafi lwa Nndumi Iruva lusheye Israeli.

Matayo 11:28

Kusheyeny na kwakwa yeni moose mwivinaa, mukee varovye mmario, na yeny nshemwiimurisaa!

Matayo 23:33

Yeni shoka mukee fivana fya mashoka, a ni inda mushaashukaa uvingo lwa Gehena?

Matayo 3:7

Kyasia kalollya Vafarisayo veengyi na Vasadukayo vensheyaa naambo vabatiswa mmbwe, “Nawe kavavia yeni ufyari lwa shoka, a ni vi alemwiikimba shaasa musheturuunyaa unyafi lwa Iruva yelo lukaa luwoye ulana?

Varome 8:7

Kyimmba kirengo kilya kya mwiili ni ukiduva na Iruva, mashika elyi kilashiindyaa mavavaso a Iruva, nta nkishiidimaa iinndya-fo.

1 Vakorinto 10:22

Mmbo lweengye Nndumi kififi ndesa? A-mmbo lutiri finya ngota we?

NKUMBUYE WA UVAVASO 29:25

Llyo vandu vasherouwaa vaambe, “Mashika elyi valera kyaasa kya Nndumi Iruva wa vande vawo, kilya alevika nawo llya alevauta kulya Misri.”

NKUMBUYE WA UVAVASO 31:16

Naasa Nndumi Iruva kavia Mose, Lola ulaalu mmbo kukeefwa, kusange na vande vafo, lyo vandu yeva mmbo vashesoraa maruva engyi neeshira yeny, efo urukeny yelo, vafishe kyaasa kyakwa shilevika nawo.

NKUMBUYE WA UVAVASO 32:19

Elyi Nndumi Iruva alelola kasukyo niwo Mashika elyi vana vakwe valemweenngye unyafi

NKUMBUYE WA UVAVASO 32:5

Mmbo valetana findo fya utefusu Mmbavaa vandu-fo, llo uravi lwawo Wo irika yeesi, lyeevekye deny

Vakolosai 1:24

Ulaalu mmbo shikeefura nnu kya makyiva yaa ashitiri kimaruma kyany, neeny shaveinutya-u filya filewiika-u fya makiva a Kristo efo mwiiliny wakwe, nnyo siri yakwe.

Usukuyony 18:5

Mashika ngyulyamari takwe mmbo tilemfika iruve-u, na Iruva kakummbwa maravi akwe.”

VALETI 10:10

Naasa vana va Israeli vakafuuya Nndumi Iruva vakaammba, “Yese mmbo lulekulyamarya, elyi lulera Iruva weeru lukawuya irunndya mabaali.”