HOSEA 9:4 - BIBILLYA Mareiyo Meele a Iruva

⁴ Efo ngyurukeny yeto sheni mmbalollyaa mwaanya wa yuutya Nndumi Iruva firaso fya mfinyo-fo ao firaso fingyi-fo. Shoonga yaawo mmbo ishetefusaa wo nndu ailya ive sha shoonga yalyiwa kiiyony. Ive shoonga yefweera shaa-da, lyo nshi kindo kya yuutya Nndumi Iruva-fo.

HOSEA 9:4 Iomraidhean Croise

YUUKA 29:40

lyingyi, ando amwi na ngurana yeyo mmbo kushutaa nswa ukee nsasande na mafura lita isaru na mafura lita imwi na mfinyo lita imwi five kiraso kyeena.

YUUKA 40:23

Kavikau mikate ilya yoo uwe mbee ya Nndumi Iruva; shaasa Nndumi Iruva alevavasya Mose.

ISAYA 57:6

Waavi lwafo mmbo lukee efo songorony ta imungo, efyo mfyo waavi lwafo, mmbo kuleletya kiraso kya kindo kya ina, na kya nswa; ndesa shiirikye na mbony yeto?

ISAYA 66:3

Yeto ashisha ng'umbe mmbo ava sha nndu mwiwaa nndu; na yeto auta kiraso kya ngurana ya mburu nsha nndu afisha singo ya kite; na yeto auta firaso nsha nndu auta samu ya nguwe, na yeto akeefumbira nsu wa ufumba nsha nndu akeviikya ifwanu mbora; Yee, vasauwa shia tawo veni, na mirima yaawo ikafura na findo efyo fyawo fikasha.

YEREMIA 16:7

Nkwiifo nndu ashevafishya kyenga kya nkate yewo vakeiya kyimaruma kyeevavirya muu yewo vafiiywa nta ivaniinga kyikombe kya mura weena ndeye ao maaye-fo.

YEREMIA 6:20

A nkyimaruma-kyi sheengywa ubani luuka Sheba, ao findo fifwaama fyuuka uruka lwa kwaasha, firaso fyaany fyeekora na muro fisumani-fo nta firaso fyaany fya muu nfishisennyi-fo.

ESEKIELI 24:17

Rosya uuwo sau, kulasheekaa rembo kyimaruma kya nndu ufu-fo; kufinngye kitambaa nrweny, kwanderaa fyaaru fyafo, kulasikye firomu fyafo nta kulasheelya shoonga ya veeffwa-fo.”

ESEKIELI 24:22

Neeni mmbo mushetana ngata shiletana, mmushesikyaa firomu fyany nta ilya shoonga ta veeffwa-fo.

DANIELI 1:8

Indi-we Danieli karummbwa shila, sheelyi-we nnyashiidimaa ikutefusa nalye shoonga shisha ya mangyi, neena mfinyu nsha wa mangyi-fo, kweekyo katereva nkapendafu nniini, nanniinge muumu naambo alasheelya findo fishemweengye utefusu.

HOSEA 3:4

Na indo-da na vandu va Israeli nkuti vavere Iruva valatiraa vamangyi ao vasongoru vengyi, nta yuuta firaso ao itana ngo ta mawe eerasya, nta valatire mafwanu, nta ilafya-fo.

HOSEA 7:16

Mmbo vashikapa mungo vakaalukya maruva a ruu. Mmbo vakee vandu va tangalu vakava sha ura lootokye. Mashika naakwa ni vasongoru vawo mmbo varera veekutulaa. Ra vafwe tiny fireny na Vamisri vavaseke.”

HOSEA 8:13

Mmbo vashuutya firaso fyeeshisha, vakalya nyama eto. Lyo yeny Nndumi Iruva nshisenywa nnyefyo-fo. Mmbo nshengeraa ilola ngyulyamari tawo shivakabe. Mmbo nshevaviraa Misri!

YOELI 1:13

Yeni vakohani raeny soori ta kiiyo. Ongoreny yeni veerundya ando kweele Oshony mulale shoovi, yeeni veefurukanya Iruva. Mashika elyi firaso lfya nswa na mfinyo filakiifo.

YOELI 1:9

Nkwiyoo kiraso kya nswa nta kya mfinyo kishutyoo Iruva-fo. Nkyo kimaruma vakohani vafulukyo neefwa (iiya).

YOELI 2:14

Kulakooye Nndumi Iruva ashealashikaa naluniinge-se mbora, llyo neeni mushemutyaa firaso fya nswa na mfinyo.

Valevi 17:11

Mashika muu mmbo ukee efo samuny, neeny mmbo shamuniinga samu yeyo yoo kitareny kyeerasya, naambo muvike usandi kimaruma kya ulyamari lwany, mashika samu yeyo nnyo ivika usandi kimaruma kyany.

Valevi 21:17

“Rera na Aron kummbie Nndu moose wa mmba yafo, efo kwawo, afikkye kyuungo kya mwiili wakwe nalasembeye-u-fo,

Valevi 21:21

nndu moose wa mmba ya Aron afirikye nalasheserisa firaso fya Nndumi Iruva wafo, na muro-fo yeto atiri ufiri nasembeye iserisya-u shoonga ya Iruva-fo.

Valevi 21:6

Nkuti vave veele kwa Iruva waawo, nta valatefuse irina lya Iruva, mashika mmbo vaserisaa firaso fya Nndumi Iruva na muro, shoonga ya Iruva waawo, na kimaruma kya vayo vave veele.

Valevi 21:8

Naasa kumwiilyise, mashika mbwe mwiserisya-u shoonga ya Iruva wafo, mmbo avaa mweele kwafo yewe, mashika ni yeny Nndumi Iruva shamwiilyisa yeni shikee mweele.”

AMOSI 5:22

Kyeeri mwashuutya firaso fyemamita na muro na fya nswa, nshifiwaryaa-fo. Nta findo efyo fivanri musheengyee nshifiwaryaa-fo.

MALAKI 2:13

Yeni mmbo muketana indo mukeende misoru yoo meseny ya Nndumi Iruva mulakisaraa kya firaso efyo, elyi mwara mulatana kisumani.

MEEKYENA 19:11

Kwakooya nndu abaana nnying'a mmbo ashevaa ntefusu ando a mikonu mfungare;

MEEKYENA 28:2

Vavasya vana va Israeli indi, Firaso fyakwa, shoonga yakwa ya firaso fyeekora na muro fya nrungo nsha usenyi mmbo mushiserisyaa kyeeri kilya kisumani.

MEEKYENA 4:7

Na yoo uwe ya kitara kya mikate yeyo ya Nndumi vaaleny kitambaa kya buluu vaviken saani, miriko, bakuri na fikombe fyeeletya, na mikate yeyo. Vaale-u soori tidodorye vasikye na shonyi;

Yohane 6:51

Yeny mmbwe nkate wa muu yeto uleoloka wuuka iruveeu. Na nkate yeto kwakooya nndu aulya nnyashefwaa-fo. Na nkate yeto shinsimbaa ni mwiili wakwa shyoonisye nato ulana yelu muu.

NKUMBUYE WA UVAVASO 26:14

Nta nshafyeende shikee kiiyony fo nta shikee ntefusu-fo, nta nshileniinngya maruva engyi-fo, mmbo shilearannya unyanga lwa Nndumi Iruva wakwa, shatana shaasa aleshivavasya.