HOSEA 8:9 - BIBILLYA Mareiyo Meele a Iruva

⁹ Vakava vakaidi sha mishungu ya kasa, vakakweengya shaasa vakundye. Mmbo valeenda Siria vanderuuya-fo ngarami. Vakataa vandu va masanga naambo vavaringe.

HOSEA 8:9 Iomraidhean Croise

2 VAMANGYI 15:19

Nawe Pulu mangyi ya Ashuru kasha ikapa uruka llwa, nawe Menahemu kaniingya mangyi Pulu talanta kiku ta fesa, lutire finya mmwasi.

ISAYA 30:2

Mmbo vakeekwiipo vakeenda Misri indetereva-fo weekyi kuleefo ishivesa makusaro. Kweekyo kundo vavikye nsia ni Misri kwa mangyi Farao.

ISAYA 30:6

Irero lya Iruva mmbo lyaamba indi kya mafisi a taari ya sinde. “Veetetera mmbo vakeira efo kasa kundo koomu kwiifo ukyiva na maariso, kutiri miiso, shoka titiri suumu na mashoka arumbukaa. Veerye mario a masaa awo uwe a ngamula verwaaya vandu valashiidima ivaekya kindo.

YEREMIA 2:24

yewe mmbo kuvakye nshungu wa ngoroshony uishivye kasa koomu, ufuraa mmbwa kya yoomwa uraato nkuka! A mmbi ashiidimaa ibaaya lango tafo? Nkwiifo nndu moose akutinnywa akwaarisaa-fo; kwa mwiiri wakwe mmbo ankooya.

HOSEA 12:1

Wo kindo vandu va Israeli vatana nkonu moose, uka ngama fika nkwaany n'ruu na fyeerumata tupu. Ngata ya ulembi na yaafinya mfyo vakee nafyo. Mmbo veeshana na Siria neekaba mbusha na Misri.

HOSEA 12:2

Nndumi Iruva mmbo atiri mwaandu na vandu va Yuda, na Israeli ishekabwa kimaruma kya efyo vandu vakwe vatana. Mmbo avataiyaa kya mikaaye yaawo.

HOSEA 2:10

Shimwaammbwe soori shinreu ruu mbee ya vakunde vakwe woose, na nkwiifo nndu ashiidimaa imweekya-fo nemwaauwa maakony akwa-fo.

HOSEA 5:13

Kyeeri Israeli alelollya ndwari yakwe muni na Yuda kalollya fishavere fyakwe muni. Israeli keenda Siaria lukee uruka lutiri finya nanderuuyafo ngarami, lyo nalaoni-fo mwishiisa fishavere fyakwe-fo.

HOSEA 7:11

Israeli mmbo avakye mbeta shirung'ani ikabaa pita-pita ruu. Vandu vakwe mmbo vavikye Misri nsia vawonise-fo ngarami, vakooka-fo vakarishya Siria!