HOSEA 8:4 - BIBILLYA Mareiyo Meele a Iruva

⁴ Vandu vakwa mmbo valekusauya vamangyi wo veni. Vakavika na vasongoru kulore vashivesa. Vakeepoo saabu na fesa vakasongosya-fo mafwanu fikee mfindo fivarumataa wo veni.

HOSEA 8:4 Iomraidhean Croise

1 VAMANGYI 12:28

Naasa mangyi karumbwa shila kasongosya ng'umbe ivii ta arera, kavia vandu loleny, ni kindo kyuumu deny kwany isaama mundefika kulya Yerusalemu, elyi llyo iruva lyany lyilemusaamisa muuka kulya urukeny lwa Misri.

1 VAMANGYI 13:34

Kaekyerya vandu maako ndesa alekunda we muni, naambo vakooye iva-fo vakohani va ando kwa uwe. Mbony eyo ikava ulyamari uniini kwa mmba ya Yeroboamu, ikalyamarwa deny na imamitwa kunu ulaniny.

1 VAMANGYI 16:31

Kashetana ngula deny, kashelatya ngyayo ta Yeroboamu mwana wa Nebati, karwaa Yezebeli mfu wa Ethbaali, mangyi ya Vaisidoni kanderunndya na yiindya Baali.

YEREMIA 16:20

A nndu ashiidimaa isongosya maruva akwe? Yoo nshi maruva-fo.”

ESEKIELI 18:31

Ereny kwaasha ngyulyamari tany toose yeto mulellyamara, muree ngoo shiiyya na mirima miiyya: nkyikyi mukunndye ifwa, yeni va mmba ya Israeli?

DANIELI 3:1

Naasa Nebukadresa eetiri ifwanu lya nndu lya saabu, waasha lwavayo ni mita makumi avii na nyanya, uvari mita isaru. Nawe kalyireiya kulya Dura ando kulele nisha, kulya kweni Babilony.

HOSEA 13:1

Elyo mbee kyeeri vandu va Efraimu valerera, Vaisraeli vengyi mmbo veiryaa. Lyo vandu vakalyamara elyi vaindya Baali, nakyo kiveengye ufu.

HOSEA 13:11

Mmbo shilemuniinga va-mangyi shiitirwa ni unyafi, shooka-fo shamusoka.

HOSEA 13:2

Mmbo veengera ilyamara elyi vasongosya mafwanu a minya vakaiindya mafwanu a fesa, atanwa mmaako a vandu. Nawo vakaamba, “Niingyeny firaso!” Nndu mmbo ashiidimaa inda imiminda ifwanu ifwanu lya shau!

HOSEA 2:8

Nta nnyashiirikyaa sheelyi nnyeny shilenniinga nganu, na mfinyo na mafura, na fesa na saabu eto aleutya baali-fo.

HOSEA 8:3

Lyo mmbo valemmyi mesha vakakunda makasha. Kimmba ni indo vasherishiswaa ni misa.

Matayo 25:12

Nawe kaamba, ‘Nkya dede shamuvia, nshimwiishi yeni-fo.’

Luka 13:25

Mukammbera muni kyeny kakwipoo na iraya mwaango, neeni kwakooya llyo mwapooka isalala yoo poo na ikakapa mwaango na yaamba, “Woi Nndumi luruye mmba, nalyo ashallwaa, ‘Nshimwiishi kundo muukye-fo!’

Luka 13:27

Nalyo asheambaa, ‘Mmbo shamuvia, nshimwiishi kundo muukye-fo. Shyuukeny yeni moose mutannyi fya kiila!’

Yohane 10:14

Mwiisi nsha mmbwe yeny. Mmbo shiveishi yoo akwa, nang'u aveshiishi yeny.

Vagalatia 4:9

Kyaindi elyi mwammaa imanya Iruva, na mmwasi imanyika kwa Iruva, nkyi kisheengyee muwuiye-se filoshyo filya fya mbee fyekee fifwafwa, fyekee fyaanguye, neeni mukakunda iwuyafo-se ulaalu?