HOSEA 7:16 - BIBILLYA Mareiyo Meele a Iruva

¹⁶ Mmbo vashikapa mungo vakaalukya maruva a ruu. Mmbo vakee vandu va tangalu vakava sha ura lootokye. Mashika naakwa ni vasongoru vawo mmbo varera veekutulaa. Ra vafwe tiny fireny na Vamisri vavaseke.”

HOSEA 7:16 Iomraidhean Croise

SABURI 12:3

Nndumi Iruva ima ngyulumi eto ta verevere, Na firomu efyo fikerera ntambo na ikutuula,

SABURI 12:4

“Kya mirerye ya kana kyeru mmbo lutera irera yefyo lukundye, Na nkwiifo nndu ashiidima iluima-fo.”

SABURI 12:5

Nndumi kaamba shammita kiiyo kyany Kya yewo vafwafwa vakevaviswa na iwonnywa, Mmbo shisalala shivakapannye.

SABURI 17:10

Vareraa marero awo ekutuula, Nta mirima yaawo ilatiri usari.

SABURI 52:2

Kyeeri kyoose mmbo kukekusara itana ulyamari, Ulumi lwafo lukavaka weembe; Kwava nndu wa mbony ta ntambo.

SABURI 57:4

Mmbo shikee nshingillye Ni miiso titirwa ni isanga lya irattwa vana va vandu Mayoo a vayo akavaka mafumu na mife, Ulumi lwa-vayo ni usu unnwe.

SABURI 73:9

Na kana kyawo vakatatala Iruva efo iruveeu, Na kana kyawo vakarumana mbee ya vandu kunu ulaniny.

SABURI 78:37

Ngoo tawo ntekutiri nawe-fo. Nta mmbekee waarya ivavara mma yakwe-fo.

SABURI 78:57

Indi mmbalekapa Nndumi Iruva mungo sha vandeye vawo, Vakasinga-singa sha ura lulakee wiinive.

ISAYA 3:8

Mashika Yerusalemu yankapa urende na Yuda yammbwa, mashika mirerye na mitannyi yaawo mmbo ikee kilasha kya Nndumi Iruva, mashika kuleefo weerei mmbo vakeetatala Iruva.

YEREMIA 18:18

Llyo vaamba, “Oshony lulye kyama kya Yeremia, mashika llusheuwaa nkoani wa ilulosha-fo, nta nndu nrango, nta nkisuku wa irero-fo. Oshony llukape na ngyulumi nta lulakwise kya marero akwe-fo.”

YEREMIA 3:10

Naakwa akyimaa yefyo fyoose mfwama nravi Yuda nnyaleshiwuyya na nrima moose-fo, indi ni kya ukunang'ari, ni Nndumi Iruva shaamba.”

YEREMIA 42:18

“Mashika Nndumi Iruva wa matorito, Iruva wa Israeli aamba: Shaasa ngoo na nyashi yakwa yepusuywa vekaa va Yerusalemu, ni indo nyashi yakwa mulettywaa elyi musheenda Misri. Mmushaalukaa iting'a, weeresi, kyidengo na kyiila.

ESEKIELI 23:32

Naasa Nndumi Iruva aamba; ‘Mmbo kuniiya upatany lwa mfwamau; lukusummye mmwasi na ing'ana. Kuminwa mmbandu na yiipallwa mashika lutiri nkuka.

ESEKIELI 36:20

Kyaindi kyeeri vefika kulya kundo veenda, yefo masangeny engyi, vakasuta irina lyakwa yeele, mashika vandu mmbo valevarera, vakaamba, ‘Vandu yeva ni vandu va Nndumi Iruva nawo mmbo wookye urukeny lwakwe.’

DANIELI 7:25

Nawe mmbo ashetatalaa Iruva yeu wa uwe, neesisya veele va Iruva yeu wa uwe, nawe ashewaanaa yaalasha mavavaso a miindye yaawo, mavavaso na fyeeri fya sukukuu tawo, nawo vashevikwa ushilyiny lwakwe ando a-fyeeri firaru na kyenga.

HOSEA 11:5

Mmbo valelema ishiwuiya, nkyo nkuti vawuye na Misri, na Vasirya vashevashillya.

HOSEA 11:7

Mmbo vakeengera ishira tupu. Numa lyo nkuti vashefwa kimaruma kya iryo elyo lyivarovyaa, lyo nkushekaa-fo mwiwoota-fo.

HOSEA 6:4

Lyo Nndumi Iruva kaamba, Ewe Israeli na Yuda, a shitani inda kyany? Ikunda lyany kwakwa mmbo lyavivika uviny sha laura ya ngama, ao sha ituu.

HOSEA 7:13

“Oshiny lwawo! Mmbo valeshilema vakashira. Mmbo vamamikaa. Sheekundye ivakira, lyo miindye yaawo ikava mitefusu.

HOSEA 9:3

Vandu va Israeli mmbashengeraa ikaa efo urukeny lwa Nndumi Iruva-fo, mmbo vashewuyaa na Misri vandelya shoonga shitefusu kulya Siria.

HOSEA 9:4

Efo ngyurukeny yeto sheni mmbalollyaa mwaanya wa yuutya Nndumi Iruva firaso fya mfinyo-fo ao firaso fingyi-fo. Shoonga yaawo mmbo ishetefusaa wo nndu ailya ive sha shoonga yalyiwa kiiyony. Ive shoonga yefweera shaa-da, lyo nshi kindo kya yuutya Nndumi Iruva-fo.

HOSEA 9:6

Kyeeri urumato lusheshaa lukooye vandu veenyanyakye, Vamisri mmbo vashevaumbyaa nevarika kulya Memfis! Findo fyawo fya fesa mmbo fishelumbwaa ni usaka ando amwi na kyeny kwawo kuve ngorosho ya miinga.

MALAKI 3:13

Nndumi Iruva kawuya kaamba, “Marero any ammba moomu nnu deny.” Neeni mukaamba, “Mmarero-ki yoo lulerera?”

MALAKI 3:14

Mmbo muleamba irundya Nndumi Iruva lyitiri mbusa-fo. Na lyingyi, mmbasha-kyi lulewona-u yiindya mavavaso akwe? Na ivallya na Nndumi Iruva lwiitiri vio?

Matayo 12:36

Indi shamuviany Wo kirero kya ngula vandu varera mmbo vashekireellywaa nkonu yeto wa mwaandu.

Luka 8:13

Na valya va efo iwe-u, mmbo vandu vearanya irero elyo, vakalyitira na nsia. Nawo kindo vauwa ni mirarii, mmbo vakusirye-u kivero tupu, na kyeeri kya yeeswa vakalakana-u.

Yakobo 3:5

Naakiwo na ulumi niindo lukee kilungo kidu, lyo mmbo lweendee ikurosa iniini nnu. Loleny shaasa muro munnywa ukoraa nsito nniini nnu.

2 Petro 2:8

Mashika nndu yeu wa usumanu kwakooya akaa nnang'ani yaawo, nalollye na iita, mmbo alevavyo nriminy yeu wakwe wa usumanu, wo nkonu indo, kyeendwa ni mashora awo nalakee a usumanu.

Usukuyony 13:5

Nalyo lyikaniingwa wiidimi lwerera marero maniini a fyaararo. Lyikaniingwa na wiidimi lweerunda ando a miiri 42.