HOSEA 7:1 - BIBILLYA Mareiyo Meele a Iruva

¹ Kyeeri kilya shikundye ishiisa vandu vakwa Israeli, llyo uravi lwawo lwalollyo mmwasi. Wo nndu mmbo akeelemba uroye, vakafisha mmba ta vengyi na iiva neyaafinya vandu efo shieny ta muri ivasoka findo fyawo.

HOSEA 7:1 Iomraidhean Croise

ISAYA 28:1

Woshiny llwa umangyi lwa Israeli lwammbwa! Itumbe lya vayo mmbo likeemamika sha kivaro kyikeyuuma. Itumbe lyemmiwala-wala yefo muungony lyitiri uteri usha, na mirrweny yaawo ni vandu vanangwa vakailannya.

ISAYA 59:12

Mashika ngyulyamari teru taengera iva shiingyi mbee yafo, na ngyulyamari teru mmbo tikelukureekya to sheni uwe yeeru, mashika maravi eru mmbo luryani nang'u, na makasha eru luyeeshi;

ISAYA 59:13

shaasa lulelyamara na ilema Nndumi Iruva, na shaasa lulealashika lulalatye shia ta Iruva weeru, lwiirera mbony ta uriiti na ilema, ikusara mbony ta wongo na ityuuta nriminy.

ISAYA 59:14

Na uvingo lwammalashika lukawuya numa, na usumanu lukakaa kwaasha-deny; mashika dede yammbwa efo shieny shiniini ya mbasaro, na wiindi llulolywaafo-fo.

YEREMIA 51:9

Lulekunda yeekya Babilony nashie; indi nkileidimika-fo, Lulakane nawe lweende kyeru; wo umwi urukeny lwakwe; mashika uvingo lwakwe lwamfika iruveeu lwansaamiswa fika nginii-u.”

ESEKIELI 16:46

Mfwamau mmbee ni Samaria yeto akee taari ya ndoo amwi na vefu vakwe, Mfwamau n-du ni Sodoma yeto akee taari yafo ya sinde, amwi na vefu vakwe.

ESEKIELI 23:4

Marina awo yeto nniini ni Ohola na yeto n-du irina lyakwe ni Oholiba. Vakava vakwa, vakeera vana va kyuumi na va kyika. Kya marina awo Ohola ni Samaria na Oholiba ni Yerusalemu!

ESEKIELI 24:13

Korere ya wayo ni ya uravi lwa utuusi lwafo. Mashika mmbo shankusangya nkukeesambika-fo. Nkukyisangwaa lyingyi kutani nkonu yeto shishefwerisaa ngoo yakwa.

HOSEA 10:5

Vandu yewo vakaa efo muriny wa Samaria mmbo vashereremaa neefwa elyi vasheretaa ngashe yeyo ya saabu ikee Beteli. Wo na nkohani eto wa ngashe yeyo vasheiyaa-u. Mmbo vashekaa kiiyony kimmba vashesokwaa itumbe elyo lya saabu.

HOSEA 11:12

Nndumi Iruva kaamba, “Vandu va Israeli mmbo vashilemba na yaamba wongo, nawe Yuda kava erunda kilasha na yeny Iruva Mweele.”

HOSEA 11:8

“Israeli a niinda nshidimaa ikweera efo? A mmbo nkuraa inda? A nshidimaa ikumamita shaasa shetannya Adima, ao shikutannyi shaasa shetannya Zeboiimu? Nrima wakwa mmbushekeyaa shitani indo-fo Ikunda lyakwa kwafo yewe lyitiri finya nnu,

HOSEA 12:1

Wo kindo vandu va Israeli vatana nkonu moose, uka ngama fika nkwaany n'ruu na fyeerumata tupu. Ngata ya ulembi na yaafinya mfyo vakee nafyo. Mmbo veeshana na Siria neekaba mbusha na Misri.

HOSEA 12:2

Nndumi Iruva mmbo atiri mwaandu na vandu va Yuda, na Israeli ishekabwa kimaruma kya efyo vandu vakwe vatana. Mmbo avataiyaa kya mikaaye yaawo.

HOSEA 4:17

Vandu va Israeli mmbo vashillyo mmaruva a wongo. Ra vakae shaasa vakai!

HOSEA 4:2

Vakavika fyaasa mmbo vafifisha. Vakaamba wongo, vakawaa, vakaiva, neetuusa. Uravi mmbo lukeengereka tupu, wo nkonu ni ikuwaa tupu.

HOSEA 5:1

Aranyiny-te eni Vakohani, neeni vandu va Israeli marukyeny, Eni va mmba ya kimangyi, aranyiny. Rumbuyeny vandu fya usumanu naambo mulesheyuutywa uvingo! Mmbo mwava nsoori yoo Mizpa nreiyo efo Tabori.

HOSEA 6:4

Lyo Nndumi Iruva kaamba, Ewe Israeli na Yuda, a shitani inda kyany? Ikunda lyany kwakwa mmbo lyavivika uviny sha laura ya ngama, ao sha ituu.

HOSEA 7:13

“Oshiny lwawo! Mmbo valeshilema vakashira. Mmbo vamamikaa. Sheekundye ivakira, lyo miindye yaawo ikava mitefusu.

HOSEA 8:5

Mmbo shisuuye nawo kya iruva lya saabu lya vandu va Samaria. Shitirwa ni unyafi kimaruma kyawo. Mmbo vashindyaa maruva a wongo fika indii?

HOSEA 8:9

Vakava vakaidi sha mishungu ya kasa, vakakweengya shaasa vakundye. Mmbo valeenda Siria vanderuuya-fo ngarami. Vakataa vandu va masanga naambo vavaringe.

AMOSI 3:10

Nndumi Iruva aamba indi, “Vandu yeva mmbo vaishura mmba tawo usimba lulesokwa vandu vafote. Mmbeeshi nta iva vasaari-fo.

AMOSI 3:9

Endevia yewo vakee mmba ta ki-mangyi ta Misri na Ashdodi, “Kusanyiryeu efo fidoorony fya Samaria, mulole uravi na urumato lukeetanyika-fo.”

AMOSI 8:14

Yewo veinndya maruva a Samaria, yewo vashambaa “sswa iruva wa Dani, ao sswa iruva wa Beerseba, yewo mmbo vashewaa valakikwipoo lyingyi.”

MIKA 6:16

“Efyo fimusheye mashika llya mulelatya ngaa ya mangyi Omri na ya mwana wakwe, we mangyi Ahabu. Mmbo muleengera isora mikaaye yaawo. Naasa mmbo nshemumamitaa, na wo nndu namumini. Vandu va masanga woose mmbo vashemutanyaa fya kiila.”

Matayo 23:37

“Woi Yerusalemu! Woi Yerusalemu! Mwiiwaa veawuya fisuku, na yewo kwarummywa kwaveveera mawe. Ni keengyi na keengyi sheekunndye yuummbya fivana fyafo, sheelyi nguku yawummbya fivana fya vayo ikasikya na maaru. Na yeni mulakunde!

Luka 13:34

“Yewe Yerusalemu! Yewe Yerusalemu! Kukee mwiwaa vakisuku na yewo varumwa kwafo kwaveera mawe! Ni keengyi sheekundye yuumbya vana vafo shaasa nguku ishyuumbya fivana ikasikya na maaru. Neeni mulakunde.

Luka 19:42

Kaamba, “A nkyema kuveishi na yewe kindo kyeekweengyee ufoo naakwa ni nkonu yeu wa inu! Indi kwankisurumwa kulashekilolyaa-se ulaalu-fo.