HOSEA 6:1 - BIBILLYA Mareiyo Meele a Iruva

¹ Vandu vakaamba, “Sye luwuiye Nndumi Iruva! We mmbo alelurandwa lyo ashelufumaa lyingi. Kalupushwa, lyo ashelufingaa fishavere fyeeru.

HOSEA 6:1 Iomraidhean Croise

2 MBONY TA FYEERI 30:6

Mangyi amwi na vasongoru vakwe, vakaruma mashinga indefita nrumi Yudaya na Israeli koose ishaamba indi, “Yeni vandu va Israeli, mmbo mulekiiya kipashuka llya mulekapwa ni Vaashuru. Wuiyeny Nndumi Iruva, Iruva wa Abrahamu, Isaki na Yakobo, naambo nawe nawauye.

YOBU 16:9

Kashirandwa kwa unyafi lwakwe na ishisua; kashisea mayoo, na nkiduva akwa kashinduya miso.

YOBU 22:23

Kwa wuiya Iruva na ikunyiisa, kwanta uravi lukee kwaasha neewe.

YOBU 34:29

Kwakooya Iruva amalallya, mmbi ashiidimaa insakira? Kasuruma kisangu kyakwe mmbi alollyaa,

YOBU 5:18

Mashika we mmbwe avavisaa na ifweerisa, kavika kyaasha na ishiisa we muni.

SABURI 30:7

Ee Nndumi Iruva, kwi isarya lyafo, Kwashiniinga finya, Shavaka ifumbu iniini, Kyeendi kwakusuruma kwaasha neeny, Neeny shasaukwa.

SABURI 6:2

Shifwaaya woi Nndumi Iruva, elyi shikee nnana, Shikaarisa woi Nndumi Iruva, mafua akwa akooye ivanga.

SABURI 71:20

Kwanshengye shalollya ngatara shiingyi shuumu, Indi kushiviirya muu lyingyi; Kushuuta efo sumbai ya uruka, kundesaamisa lyingyi uwe.

MWIILOSHA 3:3

Kyeeri kyeewa, na kyeeri kyeekira Kyeeri kyeewunndwa mmba, na kyeeri kyeetana mmba.

ISAYA 17:7

Nkonu yeto mmbo vasheendukya Muumbi waawo na miso awo ashelolaa mweele yeto waawo Israeli.

ISAYA 2:3

Na vandu veengyi vasheshaa veeshaamba, “Oshony lushealukya ifumbuu lya Nndumi Iruva mmba ya Iruva wa Yakobo, naambo akooye ilulosha meengye yakwe, naambo lwiidimi ilatya shia takwe.” Mashika mavavaso mmbo ashooka Yerusalemu na irero lya Nndumi Iruva lyishooka Sioni.

ISAYA 30:22

Mmbo musheebo maruva any a wongo akee maambe fesa na saabu. Mushefyeeryaa kwaasha sha findo fitefusu mwiishambaa, “Endemarukukyeny kwaasha.”

ISAYA 30:26

Mwiiri mmbo ushemikaa sha mwi na mwi ushevaa mmwasi ka mfungare, kyimwi sha mwi wa mikonu mfungare kwa nkonu umwi. Mbony yeti mmbo tisheutika kyeeri Nndumi Iruva eefo avafingaa nevavara fyaasha filya aleengye vandu vakwe.

ISAYA 55:7

Nndu nkasha nare shia yakwe, Na nndu nalakee wa usumanu nare makusaro akwe; nawuyye Nndumi Iruva, nawe allyillye, nashe kwa Iruva weeru, nawe ansaryaa-deny.

YEREMIA 3:22

“Wuyeny, yeni vasoro vaturi va kyikusirio, Yeny shishiisa iwwo kyikusirio lyany. Lola, lwakusheya mmbe; mashika kukee Nndumi Iruva, Iruva weeru.

YEREMIA 30:12

Nndumi mmbo avia vandu vakwe indi, “Matiinga any nnyavaa ishiisa-fo nta fishavere fyaany mfivaa ivavara-fo.

YEREMIA 30:17

Mmbo shekushisaa, shishiise matiinga afo, na kyikava vakiduva vafo vaamba, ‘Sioni mmbo anrekywa-fo, nkwiifo nndu ansarye-fo: Nnyeny Nndumi Iruva shaamba indo.’

YEREMIA 33:5

Maata mmbo vashesaa ikabana na Vababeli, nawo vasheishura mmba yeto na minying'a ya vandu yewo nshevarumbikyaa vakapwa kimaruma kya unyafi lwakwa. Mmbo shaura muri yeu kimaruma kya uravi vandu valetana.

YEREMIA 33:6

Lyo nsheviiryaa vandu yeva muu shivavirye-se finya. Shiwoore unapwe na uringyi lwa dede.

YEREMIA 50:4

Nndumi Iruva mmbo aamba, “Kyeeri ekyo vandu va Israeli na Yuda mmbo vashekuumbya amwi vashe veeffwa, neeshiruya yeny Nndumi Iruva waawo.

YEREMIA 50:5

Mmbo vashevesaa shia isheenda Sioni na fisangu fyawo fiindutye nafo, veshaamba, ‘Oshony, lukulunge amwi na Nndumi Iruva luvike kyaasa kya llung'anu lulakaa lurekywa.’

FIIYO 3:11

Kashirishia efo shia, kashirandwa-randwa, kashira-u.

HOSEA 11:10

“Vandu vakwa vasheshilatyaa elyi nshedinaa sha miiso kwa vakiduva vawo. Mmbo vasheangusyaa ishisora wooka na taari ya nkwaany.

HOSEA 12:6

Naasany ulaalu, eni va ufyari lwa Yakobo, kusuryeny Iruva waany mumbuiye. Soreny filya amuvia mutani fya ikunda na usumanu, muvevereya Iruva wany na usisiryo namutannyi filya akundye.

HOSEA 14:1

Yeni vandu va Israeli, wuyeny kwa Nndumi Iruva waany. Ulyamari lwany llo lulemweengye nsindara mukawa.

HOSEA 14:4

Nndumi Iruva kaamba, “Mmbo nsheviraa vandu vakwa na kwakwa, shivakunde na nrima deny nta nshishekiswaa nawo-fo.

HOSEA 3:5

Na nkonu usheshaa elyi vashewuiyaa Nndumi Iruva waawo, neeto aukye efo kwa Davidi nave mangyi yaawo. Vairyaa Nndumi Iruva vawaryeny mbora takwe.

Valevi 14:48

Naasa kwakooya nkohani aanga efo mmba neekoya ndwari nnyilekwaana, llyo mmbo ileambwa yeela; llyo nkohani ashambaa mmba yeyo nshaa, mashika ivave lyambova.

SEFANIA 2:1

Apaa vandu valalollye usutu, marukyeny-te mukusanyire,

NKUMBUYE WA UVAVASO 32:39

Manyiny-te ulaalu, yeny mmbwe, yee, yeny Nta kulaifo Iruva kuuta yeny; Yeny shitiri finya yeewaa na yeeruta Mmbo shavika fyaasha, shooka-fo shashiisa. Nta nkwiifo edima itafura kindo wokony lwakwa-fo.

1 SAMUELI 2:6

Nndumi Iruva mmbo aidima iwaa, kooka-fo kaviirya muu kasota fika kwa vafu, kawuya irosa-se.

1 SAMUELI 7:3

Naasa Samweli kavia Vaisrali woose, “Kwakooya mwawuiya Nndumi Iruva na mirima yaany myoose, na yuuta-fo maruva yoo mutiri, nng'u Maashtoreti alakani neeni, muniingye Nndumi Iruva mirima yaany nenndundya we muni, nawe mmbo ashemutaa maakony a Vafilisti.”