8 Efo ulyamariny lwa vandu vakwa mfo mwaviiya masimba nawo vakeengera ilyamara kavii kararu.
Indi fesa ta makymfi, na fesa ta mbony ta utefusu, ntileendwa kulya mmba ya Nndumi Iruva-fo; yeto mmbo tekee ta vakohani veni.
Ni vandu valya vamurundya na nrima mwaa, Valaindyaa maruva engyi, Nta ilya mboo ya wongo-fo.
Ni kwafo woi Nndumi Iruva, mwitorya, Shasha ikweengye fiterewo fyakwa.
Ee, fite efyo nkififi-deny, mmbauraa-ufo neewo ni weesi valashidimaa imanya irero, woose vammalashika vakawa taari ingyi, vakalatya shia tawo veni, wo umwi na mbusha yakwe, uka taari toose.
“Yewe mwana wa nndu, vandu yeva vankusirye maruva engyi yefo miriminy yaawo, findo fisheveengye misindara na uravi yefo mbee ya usanguny lwawo; vakawa ulyamariny kyeendwa ni marua awo a wongo. Mmbo kishiidimika kyikwi ishivesa mbony.
Mashika yeto moose wa mmba ya Israeli, ao muny akee kyaarony kunu Israeli, kashikapa mungo, kandekusirya maruva akwe a wongo na mitannyi ingyi yeyo ishemweengye misindara na makasha yefo usanguny lwakwe, nalyo kasha ivesa mbony takwa kwa nkisuku yeny Nndumi Iruva mmbo shishenrouwa shimuni.
Lyo ando eetana indo mmbo luleronga uravi kwailula fimu fyavayo. Ulaalu kwallya ndunda ta wongo lwafo. ‘Mashika elyi kulevika makari afo a fira nsia na wiingyi lwa itorito lyafo,
Vakooka-fo vakaamba, ‘Lwammba masimba, lwankooya mbusha shisha, nta nkwiifo nndu aluvesaa kundo lwauta masaa-fo.’
Yeni vandu va Israeli, wuyeny kwa Nndumi Iruva waany. Ulyamari lwany llo lulemweengye nsindara mukawa.
Na nkohani yeto akemwaambe mafura ando akwe na vana vakwe mmbo asheiserisyaau; imamitwa kwa Nndumi Iruva deny lyive ivavaso lya llung'anu.
Nkuhani yeto asheiserisyaau mmbwe yeto asheilyaa; ilyiiyo ando yoo kweele, efo kari ka yeema lyeekwaanannya.
Vashilyi vany va muri mmbo vashillya vakawarya findo fya vandu vakapwa ng'unde. Vakohani nawo vakakunda itawa ilyi vatambashwa mavavaso. Vakisuku nawo-da vakaawuya fisuku vawonise-fo fesa. Yewo woose vakaamba vai Nndumi Iruva akee nawo. “Nkitiri mwaandu-fo, Nndumi Iruva akee neese,”
Kyevaa kyeeni umwi waany naraye myaango ya mmba ya Iruva naambo mulandeata muro wa ruu wekora firaso! “Nshitiri ifura neeni-fo,” Nndumi Iruva arera indo. Nta nshiwaryaa firaso fya maako any-fo.
Mashika yewo vakee indo mmbakeerunndya Nndumi weeru Yesu Kristo-fo, nndeu tawo veni. Nawo mmbo vareraa marero mafoo vekukundisaa, ate mmbo vakeelemba mirima ya vandu vatele.
Yewo mmbo vakee ireta vandu va mmba shoose, vevaloshaa findo filavasumannyi kimaruma kya ikuwonisya findo fya sony.
Na efo langony tawo mmbo vashewonaa-fo mbusha efo kwany kimaruma kya marero awo a ulembi na ngapo yaawo shaasa kyekee uka elyo mbee nnyikyeeywa-fo, na yeto mwivarumata ni afii akai nta nnalala-fo.
A mmbo kyava inda elyi mwakapa firaso fyakwa na waafu lwany na ando yoo eerasya mukamina, kweendya vana vafo ngota yeny naambo mukoye ivanda kyuuka efo firasony fya vandu vakwa fikee fisha?